| ກອງຊ່າງແສງເລກ 1 ຜ່ານໄລຍະທາງ 10.000 km ໄປຮອດ Abyei | |
| ສະມາຊິກ 156 ຄົນ ຂອງກອງທະຫານຊ່າງແສງ ເລກ 1 ໄດ້ອອກເດີນທາງໄປປະຕິບັດໜ້າທີ່ຢູ່ Abyei |
ໃນຍາມບັນຍາກາດຕ້ອນຮັບບຸນປີໃໝ່ປະຈໍາຊາດ ປີເຖາະ 2023 ຂອງກອງທັບ, ປະຊາຊົນທົ່ວປະເທດ, ກອງຊ່າງແສງ ເລກ 1 ໄດ້ຈັດຕັ້ງບັນດາການເຄື່ອນໄຫວຕ້ອນຮັບບຸນເຕັດໃຫ້ພະນັກງານ, ພາລະກອນທັງໝົດ ດ້ວຍຈຸດພົ້ນເດັ່ນແມ່ນການແຂ່ງຂັນຫໍ່ເຂົ້າຕົ້ມພາຍໃຕ້ຫົວຂໍ້ “ເຂົ້າຕົ້ມສີຂຽວ” ແລະ ຕັ້ງຕົ້ນໄຊຍະພຶກໃນບຸນເຕັດ.
ເຂົ້າຮ່ວມການແຂ່ງຂັນຫໍ່ເຂົ້າຕົ້ມ ມີພະນັກງານ, ພາລະກອນ 10 ຄົນຂຶ້ນກັບບັນດາໝວດຂອງກອງຊ່າງແສງ ເລກ 1 ໄດ້ແບ່ງ 5 ທີມ. ແຕ່ລະທີມຕ້ອງຫໍ່ເຂົ້າຕົ້ມສຳເລັດ 20 ອັນໃນ 120 ນາທີ ຮັບປະກັນເວລາໄວທີ່ສຸດ ກໍ່ຄື ຮູບການ ແລະ ຄຸນນະພາບຂອງເຂົ້າຕົ້ມ.
 |
| ເພື່ອນມີດ ແລະ ເພື່ອນຮ່ວມອາຊີບສາກົນ ມັກການຫໍ່ເຂົ້າຕົ້ມດ້ວຍຕົນເອງທີ່ສຸດ. ພາບ: ກອງຊ່າງແສງ ເລກ 1. |
ການແຂ່ງຂັນຫໍ່ເຂົ້າຕົ້ມໄດ້ນໍາມາເຊິ່ງບັນຍາກາດທີ່ເບິກບານມ່ວນຊື່ນ, ຊ່ວຍບັນເທົາຄວາມຄິດຮອດເຮືອນໃຫ້ສະມາຊິກທັງໝົດຂອງກົມກອງທີ່ຕ້ອງປະຕິບັດໜ້າທີ່ຢູ່ໄກບ້ານເກີດເມືອງນອນເນື່ອງໃນໂອກາດລະດູບານໃໝ່, ບຸນເຕັດວຽນມາ. ນີ້ກໍ່ແມ່ນໂອກາດເພື່ອໃຫ້ບັນດາທະຫານໝວກເບເລສີຂຽວຂອງຫວຽດນາມ ຢູ່ເຂດ Abyei ແນະນໍາເຖິງເພື່ອນມິດ ແລະ ເພື່ອນຮ່ວມອາຊີບສາກົນກ່ຽວກັບຈຸດຄວາມງາມວັດທະນະທໍາມູນເຊື້ອບຸນເຕັດຂອງຫວຽດນາມ. ເພື່ອນມິດ ແລະ ເພື່ອນຮ່ວມອາຊີບສາກົນທີ່ຄະນະຜູ້ຕາງໜ້າ ໄດ້ສະແດງຄວາມຊື່ນຊົມຍິນດີເມື່ອໄດ້ມາເຂົ້າຮ່ວມຫໍ່ເຂົ້າຕົ້ມພາຍໃຕ້ການແນະນໍາຢ່າງສຸດໃຈຂອງບັນດານາຍທະຫານຫວຽດນາມ.
 |
| ເພື່ອນມີດ ແລະ ເພື່ອນຮ່ວມອາຊີບສາກົນມັກການຫໍ່ເຂົ້າຕົ້ມດ້ວຍຕົນເອງທີ່ສຸດ. ພາບ: ກອງຊ່າງແສງ ເລກ 1. |
ພ້ອມກັບກິ່ນເຂົ້າຕົ້ມສີຂຽວຊ່ວຍໄດ້ໃຫ້ວັນບຸນເຕັດຢູ່ໄກບ້ານຄົບຖ້ວນກວ່າ, ອົບອຸ່ນກວ່າ, ຕົ້ນໄຊຍະພຶກບຸນເຕັດທີ່ສ້າງໃນຂອບເຂດຂອງກົມກອງໄດ້ນໍາມາເຊິ່ງແຫຼ່ງລະດົມກໍາລັງໃຈຈິດໃຈອັນລໍ້າຄ່າໃຫ້ບັນດານັກຮົບໝວກເບເລສີຂຽວຫວຽດນາມ ທີ່ພວມປະຕິບັດໜ້າທີ່ໄກບ້ານເກີດເມືອງນອນ.
ບູນມີ
