 | ເປີດສະຫຼອງບ້ານວັດທະນະທຳ ຫວຽດນາມ - ຍີ່ປຸ່ນ ຢູ່ ລອງອານ |
| ລະດູບານໃໝ່ບ້ານເກີດເມືອງນອນ 2025: ບຸນປີໃໝ່ປະຈຳຊາດຂອງຫວຽດນາມ ຢູ່ Osaka, ເຊື່ອມຕໍ່ມິດຕະພາບຫວຽດນາມ - ຍີ່ປຸ່ນ |
ແຂກຮັບເຊີນ 200 ກວ່າທ່ານທີ່ຕາງໜ້າໃຫ້ອຳນາດການປົກຄອງ, ວິສາຫະກິດ, ມະຫາວິທະຍາໄລ, ບັນດາອົງການມິດຕະພາບກັບ ຫວຽດນາມ, ສະຖານກົງສຸນ Kansai, ເພື່ອນມິດສາກົນ ໄດ້ມາຮ່ວມມ່ວນຊື່ນກັບປະຊາຄົມຊາວ ຫວຽດນາມ, ນັກສຶກສາ, ນັກຝຶກງານຢູ່ Osaka – Kansai, ຕ້ອນຮັບປີໃໝ່.
 |
| ທ່ານກົງສູນໃຫຍ່ ໂງຈີ້ງຮ່າ ກ່າວຄຳປາໄສທີ່ເຫດການ. |
ກ່າວຄຳປາໄສທີ່ເຫດການ, ທ່ານກົງສູນໃຫຍ່ ໂງຈີ້ງຮ່າ ໄດ້ເນັ້ນໜັກເຖິງຄວາມສຳຄັນຂອງປະຊາຄົມໃນການພົວພັນທາງການທູດລະຫວ່າງ ຫວຽດນາມ - ຍີ່ປຸ່ນ. ພ້ອມກັນນັ້ນ, ກໍ່ໄດ້ສະແດງຄວາມຂອບອົກຂອບໃຈຕໍ່ບັນດາສະມາຄົມຊາວ ຍີ່ປຸ່ນ ກໍ່ຄືເພື່ອນມິດຊາວ ຍີ່ປຸ່ນ ທີ່ຮັກແພງ ຫວຽດນາມ ທີ່ໄດ້ໜູນຊ່ວຍຊາວ ຫວຽດນາມ ໃນໄລຍະຜ່ານມາຈາກພາຍຸ Yagi.
ທ່ານກົງສູນໃຫຍ່ຍັງໄດ້ຫວນຄືນສະພາບການເສດຖະກິດຂອງ ຫວຽດນາມ ໃນປີທີ່ຜ່ານມາ ແລະ ຄາດວ່າຈະມີການພັດທະນາຢ່າງເຂັ້ມແຂງຂອງຊາດໃນສັງກາດໃໝ່ - ສັງກາດແຫ່ງການບືນຕົວຂຶ້ນຂອງຊາດ.
ຕາງໜ້າໃຫ້ຊາວ ຫວຽດນາມ ອາໄສຢູ່ຕ່າງປະເທດ, ນັກສຶກສາ, ນັກຝຶກອົບຮົມພວມດຳລົງຊີວິດ, ຮ່ຳຮຽນ, ເຮັດວຽກຢູ່ເຂດ Osaka – Kansai, ທ່ານນາງ ເລເທືອງ ໄດ້ສະແດງຄວາມປິຕິຊົມຊື່ນໃນການຕ້ອນຮັບປີໃໝ່ ແລະ ຢືນຢັນຄວາມຕັດສິນໃຈສາມັກຄີ ແລະ ກໍ່ສ້າງປະຊາຄົມທີ່ເຂັ້ມແຂງ, ຍາມໃດກໍ່ມຸ່ງໄປເຖິງບ້ານເກີດເມືອງນອນ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາຂອງ ຫວຽດນາມ ແລະ ເພີ່ມທະວີການພົວພັນ ຫວຽດນາມ - ຍີ່ປຸ່ນ. ໃນສະພາບການທີ່ປະເທດກ້າວເຂົ້າສູ່ຍຸກໃໝ່ແຫ່ງຄວາມຈະເລີນຮຸ່ງເຮືອງ ແລະ ພັດທະນາ, ທ່ານນາງໃຫ້ຮູ້ວ່າ ຊາວຫວຽດນາມ ຢູ່ຕ່າງປະເທດຈະຮ່ວມຈິດຮ່ວມໃຈສ້າງສາບ້ານເກີດເມືອງນອນໃຫ້ຮັ່ງມີເຂັ້ມແຂງ.
 |
| ບັນດາແຂກຜູ້ມີກຽດ ແລະ ຊາວຫວຽດນາມ ຢູ່ຕ່າງປະເທດເຂົ້າຮ່ວມລາຍການ. |
ໃນບັນຍາກາດທີ່ອົບອຸ່ນ ແລະ ເບີກບານມ່ວນຊື່ນ, ບັນດາເພື່ອນມິດຊາວ ຍີ່ປຸ່ນ, ສາກົນ ແລະ ພີ່ນ້ອງປະຊາຄົມຊາວ ຫວຽດນາມ ໄດ້ຊີມບັນດາເຍື່ອງອາຫານພື້ນເມືອງໃນບຸນ ເຕັດ ຄື: ເຂົ້າຕົ້ມ, ຢໍ່ຈືນ, ເຂົ້າໜຽວ..., ແລະ ໄດ້ເຊື່ອມຕົວເຂົ້າກັບທຳນອງເພງ ແລະ ການສະແດງສິລະປະທີ່ດູດດື່ມດ້ວຍເອກະລັກວັດທະນະທຳຂອງຊາດ ຫວຽດນາມ .
 | ສື່ມວນຊົນ ແລະ ຊາວຫວຽດນາມ ອາໄສຢູ່ຍີ່ປຸ່ນ ຍ້ອງຍໍສັນລະເສີນການປະກອບສ່ວນຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ຍສໝ - ເຖິງວ່າຈະຫຍຸ້ງກັບວຽກງານ, ແຜນການເຄື່ອນໄຫວວຽກງານຫຼາຍຢ່າງ, ແຕ່ທ່ານເລຂາທິການໃຫຍ່ ຫງວຽນຟູ໋ຈ້ອງ ຍາມໃດກໍ່ຍາດເວລໄປພົບປະກັບປະຊາຄົມຊາວຫວຽດນາມຢູ່ຕ່າງປະເທດ, ສະແດງໃຫ້ເຫັນຄວາມຮັບຜິດຊອບ ແລະ ຄວາມຮັກແພງຊາວຫວຽດນາມ ຢູ່ຕ່າງປະເທດເປັນພິເສດ. |
 | ລະດູບານໃໝ່ບ້ານເກີດເມືອງນອນ 2025: ບັນດາເຫດການທີ່ອຸດົມສົມບູນຂອງປະຊາຄົມຊາວ ຫວຽດນາມ ຢູ່ ຍີ່ປຸ່ນ ຍສໝ - ວັນທີ 17 ກໍລະກົດ, ຢູ່ ຮ່າໂນ້ຍ, ສະຖານກົງສູນໃຫຍ່ ຫວຽດນາມ ປະຈໍາ Fukuoka, ຍີ່ປຸ່ນ ໄດ້ສົມທົບກັບສະມາຄົມຊາວ ຫວຽດນາມ ປະຈໍາ Fukuoka, ສະມາຄົມຊາວ ຫວຽດນາມ ປະຈຳ Saitama, ຍີ່ປຸ່ນ ແລະ ຊ່ອງໂທລະພາບ VTC 10 ... |
ມິງດຶກ
