ສະມາຊິກ 156 ຄົນ ຂອງກອງທະຫານຊ່າງແສງ ເລກ 1 ໄດ້ອອກເດີນທາງໄປປະຕິບັດໜ້າທີ່ຢູ່ Abyei

16:30 | 18/06/2022

ຍສໝ - ຫວ່າງແລ້ວນີ້, ກົມຮັກສາສັນຕິພາບຫວຽດນາມ (ກະຊວງປ້ອງກັນປະເທດ) ໄດ້ຈັດພິທີສົ່ງ ຄະນະ 156 ຄົນໃນຈຳນວນ 184 ຄົນຂອງກອງທະຫານແສງ ເລກ 1 ຫວຽດນາມ ເຂົ້າຮ່ວມການເຄື່ອນໄຫວຮັກສາສັນຕິພາບຂອງສະຫະປະຊາຊາດ ອອກເດີນທາງໄປຍັງ ຄະນະຜູ້ແທນຄວາມປ້ອງກັນຄວາມສະຫງົບ ຂອງສະຫະປະຊາຊາດຢູ່ Abyei (UNISFA).

	ທະຫານຊ່າງແສງຫວຽດນາມ ເຂົ້າຮ່ວມການຮັກສາສັນຕິພາບສະຫະປະຊາຊາດ
	Army Games 2021: ທິມທະຫານຊ່າງແສງຫວຽດນາມ ລອດເຂົ້າຮອບຊີງຊະນະເລີດຂອງການແຂ່ງຂັນ “ແຜນການປອດໄພ”

ກ່າວຄຳເຫັນທີ່ການມອບໝາຍໜ້າທີ່ ແລະ ລະດົມໃຈບັນດາຄະນະກອງທະຫານແສງ ເລກ 1, ຜູ້ຕາງໜ້າກົມຮັກສາສັນຕິພາບຫວຽດນາມ ໄດ້ສະເໜີໃຫ້ພະນັກງານ, ລັດຖະກອນຂອງຄະນະປະຕິບັດງານ ປະຕິບັດວິໄນ, ລະບຽບການປ້ອງກັນຄວາມປອດໄພໃນການບິນ, ລະບຽບການໃນການປ້ອງກັນ ແລະ ຄວບຄຸມພະຍາດໂຄວິດ-19 ຢ່າງເຂັ້ມງວດ, ຮັບປະກັນຄວາມປອດໄພໃນລະຫວ່າງການເຄື່ອນທັບໃນພື້ນທີ່.

ສະມາຊິກ 156 ຄົນ ຂອງກອງທະຫານຊ່າງແສງ ເລກ 1 ໄດ້ອອກເດີນທາງໄປປະຕິບັດໜ້າທີ່ຢູ່ Abyei. (ພາບ: vietnamplus)

ບັນດາສະມາຊິກຄະນະກອງທະຫານຊ່າງແສງ ເລກ 1 ຍາມໃດກໍ່ຕ້ອງເຊີດຊູນ້ຳໃຈສາມັກຄີ, ຮັກແພງຊ່ວຍເຫຼືອເຊິ່ງກັນ ແລະ ກັນ, ເສີມຂະຫຍາຍທາດແທ້ ແລະ ຄຸນນະພາບຂອງກອງທັບລຸງໂຮ່, ແຂ່ງຂັນຍາດເອົາບັນດາຜົນງານ, ປະຕິບັດສຳເລັດທຸກໜ້າທີ່ ທີ່ໄດ້ຮັບການມອບໝາຍໃນພາລະກິດ.

ກອງທະຫານຊ່າງແສງ ເລກ 1 ໄດ້ເປີດຕົວຢ່າງເປັນທາງການໃນວັນທີ 17 ພະຈິກ 2021. ນີ້ແມ່ນຄັ້ງທຳອິດທີ່ ຫວຽດນາມ ມີຄະນະກອງທະຫານຊ່າງແສງ ເລກ 1 ເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ, ທັງແມ່ນຂັ້ນກົມກອງໃຫຍ່ທີ່ສຸດຂອງ ຫວຽດນາມ ທີ່ເຂົ້າຮ່ວມບັນດາການເຄື່ອນໄຫວຮັກສາສັນຕິພາບ (184 ຄົນ).

ຄຳຮຸ່ງ