ຫວ່າງແລ້ວນີ້, ຢູ່ຮ່າໂນ້ຍ, ທ່ານນາງ ຫງວຽນເຟືອງງາ, ປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ (VUFO) ໄດ້ມີການພົບປະກັບຄະນະຜູ້ແທນຄະນະກໍາມະການປະຊາຊົນແຂວງ ແລະ ສະຫະພັນບັນດາອົງການຈັດຕັ້ງມິດຕະພາບແຂວງ ກ່າເມົາ , ແລກປ່ຽນກ່ຽວກັບວຽກງານການທູດກັບປະຊາຊົນ, ການເຄື່ອນໄຫວລະດົມການອຸປະຖໍາບໍ່ຂຶ້ນກັບລັດຖະບານຕ່າງປະເທດ...
ບັນຍາກາດທີ່ການເຮັດວຽກ. ພາບ: thoidai.com.vn
ທີ່ການພົບປະ, ທ່ານ ຫງວຽນມີງລວນ, ຮອງປະທານຄະນະກຳມະການປະຊາຊົນແຂວງ ກ່າເມົາ ໄດ້ສະເໜີໃຫ້ VUFO ເອົາໃຈໃສ່ໜູນຊ່ວຍ ແລະ ແນະນຳ ກ່າເມົາ ກ່ຽວກັບຮູບແບບການກົງຈັກຂອງສະຫະພັນບັນດາອົງການຈັດຕັ້ງມິດຕະພາບແຂວງ, ບົດຮຽນການລະດົມການອຸປະຖໍາບໍ່ຂຶ້ນກັບລັດ ຖະບານຕ່າງປະເທດ.
ທ່ານນາງປະທານ VUFO ຫງວຽນເຟືອງງາ ໄດ້ແບ່ງປັນບັນດາຂໍ້ມູນກ່ຽວກັບການຈັດຕັ້ງກົງຈັກສະຫະພັນບັນດາອົງການຈັດຕັ້ງມິດຕະພາບຂັ້ນແຂວງ, ນະຄອນໃນປະຈຸບັນ. ພ້ອມກັນນັ້ນ, VUFO ກໍອາດແນະນຳບາງຮູບແບບໃຫ້ສະຫະພັນບັນດາອົງການຈັດຕັ້ງມິດຕະພາບ ກ່າເມົາ ພິຈາລະນາ ແລະ ເປັນເຈົ້າການສະເໜີສ້າງໂຄງປະກອບກົງຈັກ.
ບັນດາຜູ້ແທນຖ່າຍຮູບລວມ.ພາບ: thoidai.com.vn
ກໍ່ໃນການເຮັດວຽກ, ທ່ານ ຫງວຽນດົ່ງເຂີຍ, ປະທານສະຫະພັນບັນດາອົງການມິດຕະພາບແຂວງ ກ່າເມົາ ໄດ້ກ່າວສັງເຂບໝາກຜົນວຽກງານການທູດປະຊາຊົນ ແລະ ໂຄງການລະດົມການອຸປະຖໍາບໍ່ຂຶ້ນກັບລັດຖະບານຕ່າງປະເທດຂອງແຂວງ ກ່າເມົາ; ຄວາມຫຍຸ້ງຍາກ ແລະ ຂໍ້ຕິດຂັດກ່ຽວກັບກົງຈັກ ແລະ ການເຄື່ອນໄຫວຂອງສະຫະພັນບັນດາອົງການຈັດຕັ້ງມິດຕະພາບແຂວງ.
ກ່ຽວກັບການລະດົມການອຸປະຖໍາບໍ່ຂຶ້ນກັບລັດຖະບານຕ່າງປະເທດ, ທ່ານ ຟານແອງເຊີນ, ຮອງປະທານ, ເລຂາທິການ VUFO ຢືນຢັນວ່າ VUFO ຈະຄົ້ນຄວ້າລາຍການບັນດາໂຄງການທີ່ຮຽກຮ້ອງການລະດົມການອຸປະຖໍາບໍ່ ຂຶ້ນກັບລັດຖະບານຕ່າງປະເທດ ໄລຍະ 2022 – 2025 ຂອງແຂວງ ກ່າເມົາ, ຜ່ານນັ້ນ ກໍໃຫ້ຄໍາປຶກສາເພື່ອຊ່ວຍໃຫ້ແຂວງບັນລຸໄດ້ໝາກຜົນດີທີ່ສຸດ.
ບູນມີ
