ໃນຂອບເຂດການຢ້ຽມຢາມຝລັ່ງ ພາຍຫຼັງການເຂົ້າຮ່ວມກອງປະຊຸມສຸດຍອດ ຝລັ່ງໂຟນີໂກ ຢູ່ Tunisia, ຕອນບ່າຍວັນທີ 21 ພະຈິກ, ຢູ່ ປາຣີ, ທ່ານນາງຮອງປະທານປະເທດ ຫວໍທິແອງຊວນ ໄດ້ມີການພົບປະກັບປະຊາຄົມຊາວ ຫວຽດນາມ ອາໄສຢູ່ ຝລັ່ງ ແລະ ເຮັດວຽກກັບບັນດາອົງການຜູ້ຕາງໜ້າຫວຽດນາມ ປະຈຳ ຝລັ່ງ.
 |
| ທ່ານນາງຮອງປະທານປະເທດ ຫວໍທິແອງຊວນ ໂອ້ລົມສົນທະນາກັບປະຊາຄົມຊາວຫວຽດນາມ ອາໄສຢູ່ຝລັ່ງ. |
ກ່າວຄຳເຫັນທີ່ນີ້, ທ່ານນາງຮອງປະທານປະເທດ ຫວໍທິແອງຊວນ ຢືນຢັນວ່າ ພັກ ແລະ ລັດ ຫວຽດນາມ ຍາມໃດກໍ່ຖືປະຊາຄົມຊາວຫວຽດນາມ ອາໄສຢູ່ຕ່າງປະເທດ ແມ່ນເລືອດເນື້ອທີ່ບໍ່ສາມາດຕັດແຍກອອກຂອງບ້ານເກີດ ເມືອງນອນ; ທ່ານນາງເຊື່ອໝັ້ນວ່າ ປະຊາຄົມຊາວ ຫວຽດນາມ ອາໄສຢູ່ ຝລັ່ງ ຈະສືບຕໍ່ເສີມຂະຫຍາຍມູນເຊື້ອຮັກຊາດ ແລະ ມີການປະກອບສ່ວນອັນລ້ຳຄ່າກວ່າອີກເຂົ້າໃນການພັດທະນາປະເທດຊາດ.
 |
 |
ກ່ອນໜ້ານັ້ນ, ທີ່ການພົບປະກັບພະນັກງານຂອງສະຖານທູດ ແລະ ບັນດາອົງການຜູ້ຕາງໜ້າຂອງຫວຽດນາມ ຢູ່ ຝລັ່ງ, ທ່ານນາງຮອງປະທານປະເທດ ຫວໍທິແອງຊວນ ເນັ້ນໜັກວ່າ ໃນໄລຍະຈະມາເຖິງ, ບັນດາອົງການຂອງຫວຽດນາມ ຢູ່ ຝລັ່ງ ຕ້ອງສືບຕໍ່ເສີມຂະຫຍາຍບົດບາດປະຈັນບານຂອງການທູດ, ພິເສດແມ່ນກັບຝລັ່ງ ເຊິ່ງແມ່ນໜຶ່ງໃນບັນດາຄູ່ຮ່ວມມືຍຸດທະສາດຂອງຫວຽດນາມ ແລະ ຄູ່ຮ່ວມມືລົງທຶນ-ການຄ້າແຖວໜ້າຂອງ ຫວຽດນາມ ຢູ່ ເອີລົບ.
ທ່ານນາງຮອງປະທານປະເທດ ເຊື່ອໝັ້ນວ່າ ບັນດາອົງການຜູ້ຕາງໜ້າຂອງຫວຽດນາມ ຢູ່ ຝລັ່ງ ຈະມີບັນດາການເຄື່ອນໄຫວໃນຂອບຂະໜາດໃຫຍ່, ມີປະສິດທິຜົນ ແລະ ບຸກທະລຸໃນປີ 2023 ເມື່ອສອງປະເທດ ຫວຽດນາມ ແລະ ຝລັ່ງ ຈັດຕັ້ງບັນດາເຫດການສຳຄັນ ຄື: ສະເຫຼີມສະຫຼອງ 50 ປີແຫ່ງວັນເຊັນສັນຍາ ປາຣີ; 50 ປີແຫ່ງການສ້າງຕັ້ງການພົວພັນທາງການທູດ ແລະ 10 ປີແຫ່ງການພົວພັນຄູ່ຮ່ວມມືຍຸດທະສາດ.
ບັນດາຮູບພາບໃນກອງປະຊຸມ
 |
 |
 |
ບູນມີ
