ເນື່ອງໃນໂອກາດຫວຽດນາມອອກສະໝັກເລືອກຕັ້ງເປັນສະມາຊິກສະພາສິດທິມະນຸດ ສປຊ ອາຍຸການ 2023 – 2025, ທ່ານ Jean – Pierre Archambault, ເລຂາທິການ ສະມາຄົມມິດຕະພາບ ຝລັ່ງ - ຫວຽດນາມ ຖືວ່າ: ໃນນະໂຍບາຍພັດທະນາປະເທດຊາດຂອງ ຫວຽດນາມ, ການຊ່ວຍເຫຼືອຄົນທຸກ ຍາກແມ່ນບຸລິມະສິດແຖວໜ້າຂອງລັດຖະບານ, ພິເສດແມ່ນຜູ້ປະສົບເຄາະ ຮ້າຍຈາກທາດພິດສີສົ້ມ/ດີໂອຊິນ.
 |
| ທ່ານ Jean – Pierre Archambault, ເລຂາທິການ ສະມາຄົມມິດຕະພາບ ຝລັ່ງ - ຫວຽດນາມ. |
 |
| ໄລຍະ 2021-2030, ຫວຽດນາມ ວາງແຜນສຶກສາ ແລະ ສະເໜີເຂົ້າຮ່ວມສົນທິສັນຍາ ILO ຕື່ມອີກ 15 ສະບັບ ເພື່ອແນໃສ່ຊຸກຍູ້ມາດຕະຖານແຮງງານສາກົນຢູ່ ຫວຽດນາມ. |
ຫວຽດນາມ ຍາມໃດກໍເອົາໃຈໃສ່ເຖິງຄວາມສະເໝີພາບລະຫວ່າງຍິງ - ຊາຍ ແລະ ຮັບປະກັນສິດທິຂອງກຸ່ມຄົນທີ່ມີຄວາມສ່ຽງໃນສັງຄົມຄື ຜູ້ເຖົ້າ, ແມ່ຍິງ, ເດັກນ້ອຍ ແລະ ຄົນພິການ; ຕັ້ງໜ້າເຂົ້າຮ່ວມສົນທິສັນຍາສະບັບຕ່າງໆຂອງ ສປຊ ເພື່ອປົກປ້ອງກຸ່ມຄົນດັ່ງກ່າວ.
ເມື່ອເຕື້ອງເຖິງບັນດາຄວາມມານະພະຍາຍາມຂອງພັກ ແລະ ລັດຫວຽດນາມ ເພື່ອຮັບປະກັນສິດທິຂອງປະຊາຊົນ, ທ່ານ Jean – Pierre Archambault ເນັ້ນໜັກວ່າ ຍຸດທະສາດຮັບມືກັບໂລກລະບາດໂຄວິດ - 19 ທີ່ມີປະສິດທິຜົນຂອງ ຫວຽດນາມ ໃນໄລຍະຫາກໍ່ລະບາດນັ້ນ ກໍ່ໄດ້ຮັບການຮັບຮູ້ຈາກອົງການອະນາໄມໂລກ (WHO) ແລະ ໄດ້ຮັບການຊື່ນຊົມຈາກສື່ມວນຊົນສາກົນ. ຫວຽດນາມ ໄດ້ມານະພະຍາຍາມຮັບປະກັນສິດທິໃຫ້ແກ່ປະຊາຊົນເປັນຕົ້ນແມ່ນການກວດປິ່ນປົວພະຍາດໂດຍບໍ່ເສຍຄ່າ, ສັກວັກຊິນປ້ອງກັນໂລກລະບາດໂຄວິດ - 19, ຊ່ວຍເຫຼືອວິສາຫະກິດ ແລະ ປະຊາຊົນຜູ້ປະສົບກັບຄວາມຫຍຸ້ງ ຍາກຍ້ອນໂລກລະບາດກໍ່ຂຶ້ນ ແລະ ປະຕິບັດວຽກງານຮັກສາເບິ່ງແຍງສຸຂະພາບ, ສິດທິພື້ນຖານຂອງມະນຸດໄດ້ເປັນຢ່າງດີ.
ບູນມີ
