 | ເປີດສະຫຼອງວັນວັດທະນະທຳ ຫວຽດນາມ ຢູ່ສະຫະພັນ ລັດເຊຍ |
| ຊາວ ຫວຽດນາມ ອາໄສຢູ່ຕ່າງປະເທດເຜີຍແຜ່ຄຸນຄ່າວັດທະນະທຳ ຫວຽດນາມ ຢູ່ ຝລັ່ງ |
ເນື່ອງໃນໂອກາດເດີນທາງມາເຖິງ ຝລັ່ງ ເພື່ອເຂົ້າຮ່ວມພິທີເປີດງານກິລາໂອແລມປິກ ປາຣີ 2024, ກຳມະການສູນກາງພັກ, ລັດຖະມົນຕີກະຊວງວັດທະນະທຳ, ກິລາ ແລະ ການທ່ອງທ່ຽວ ຫວຽດນາມ ທ່ານ ຫງວຽນວັນຮຸ່ງ ໄດ້ປະດັບຫຼຽນກາລະນຶກ “ເພື່ອພາລະກິດວັດທະນະທຳ, ກິລາ ແລະ ການທ່ອງທ່ຽວ” ໃຫ້ແກ່ທ່ານເອກອັກຄະລັດຖະທູດ ຫວຽດນາມ ປະຈຳ ຝລັ່ງ ດິງຕວ່ານຖັງ.
 |
| ທ່ານລັດຖະມົນຕີ ຫວຽດນາມ ຫງວຽນວັນຮຸ່ງ (ທີ່ສອງຈາກຂວາ) ຊົມເຊີຍທ່ານເອກອັກຄະລັດຖະທູດ ດິງຕວ່ານຖັງ ພ້ອມດ້ວຍຄອບຄົວ. |
ກ່າວຄຳປາໄສທີ່ພິທີມອບລາງວັນທີ່ຈັດຂຶ້ນຢູ່ສູນວັດທະນະທຳ ຫວຽດນາມ ປະຈຳ ຝລັ່ງ, ທ່ານລັດຖະມົນຕີ ຫງວຽນວັນຮຸ່ງ ໄດ້ຕີລາຄາສູງບັນດາການປະກອບສ່ວນຂອງທ່ານເອກອັກຄະລັດຖະທູດ ດິງຕວ່ານຖັງ, ຜູ້ທີ່ສຸດອົກສຸດໃຈພ້ອມກັບກະຊວງວັດທະນະທຳ, ກິລາ ແລະ ທ່ອງທ່ຽວມານະພະຍາຍາມນຳເອົາວັດທະນະທຳ ຫວຽດນາມ ມາສູ່ເພື່ອນມິດ ຝລັ່ງ ແລະ ສາກົນ, ເຮັດໃຫ້ເພື່ອນມິດ ຝລັ່ງ ນັບມື້ນັບເຂົ້າໃຈກ່ຽວກັບ ຫວຽດນາມ ຫຼາຍກ່ວາອີກ.
ທ່ານລັດຖະມົນຕີ ຫງວຽນວັນຮຸ່ງ ເນັ້ນໜັກວ່າ: ວັດທະນະທຳແມ່ນກຳລັງດຶງດູດທາງດ້ານວັດທະນະທຳຂອງປະເທດຊາດ ແລະ ເປັນກຳລັງແຮງຊຸກຍູ້ການພັດທະນາແບບຍືນຍົງ. ການໂຄສະນາວັດທະນະທຳ ຫວຽດນາມ ຢູ່ຕ່າງປະເທດ ແມ່ນຂົວເຊື່ອມຕໍ່ລະຫວ່າງ ຫວຽດນາມ ແລະ ເພື່ອນມິດໃນໂລກຢ່າງແທ້ຈິງ, ໂດຍຜ່ານວັດທະນະທຳເພື່ອແນໃສ່ປຸກກຳລັງໃຈແຫ່ງຄວາມສາມັກຄີ, ການຮ່ວມມື, ສ້າງກຳລັງແຮງໃນບັນດາບັນຫາການຮ່ວມມືທີ່ສອດຄ່ອງກັບແນວທາງການຕ່າງປະເທດຂອງພັກເຮົາ.
ບັນດາອົງການຕາງໜ້າ ຫວຽດນາມ ຢູ່ ຝລັ່ງ ຍາມໃດກໍ່ຕັ້ງໜ້າເພີ່ມທະວີການຮ່ວມມື, ປະກອບສ່ວນກໍ່ສ້າງພື້ນຖານວັດທະນະທຳ ຫວຽດນາມ ທີ່ກ້າວໜ້າ ແລະ ອຸດົມສົມບູນດ້ວຍສີສັນຂອງຊາດ. ບັນດາໝາກຜົນພົ້ນເດັ່ນໃນຊຸມປີຜ່ານມາຢູ່ ຝລັ່ງ ໄດ້ມີການປະກອບສ່ວນສຳຄັນຂອງອົງການການທູດ ຫວຽດນາມ, ໂດຍທ່ານເອກອັກຄະລັດຖະທູດ ນຳໜ້າ.
ພິເສດ, ປີ 2023 ແມ່ນຂີດໝາຍຂອງບັນດາເຫດການທີ່ຟົດຟື້ນຢູ່ ຝລັ່ງ, ນັບແຕ່ງານວາງສະແດງສິລະປະ, ດົນຕີພື້ນເມືອງ, ຕະຫຼອດຮອດສັບປະດາອາຫານຂອງ ຫວຽດນາມ ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ແລະ 10 ປີແຫ່ງວັນສ້າງຕັ້ງການພົວພັນຄູ່ຮ່ວມມືຍຸດທະສາດ ຫວຽດນາມ - ຝລັ່ງ. ບັນດາການເຄື່ອນໄຫວດັ່ງກ່າວໄດ້ຮັບການຕອບສະໜອງຢ່າງຕັ້ງໜ້າຈາກປະຊາຊົນ ຝລັ່ງ, ປະກອບສ່ວນເພີ່ມທະວີການພົວພັນມິດຕະພາບລະຫວ່າງ ສອງປະເທດຊາດໃຫ້ເລິກເຊິ່ງກ່ວາອີກ.
 |
| ການສະແດງສິລະປະໃນຄ່ຳຄືນວັດທະນະທຳ ຫວຽດນາມ ໄດ້ຈັດຂຶ້ນຢູ່ໂຮງລະຄອນ Le Trianon (ປາຣີ, ຝລັ່ງ) ໃນເດືອນ ພະຈິກ ປີ 2023. |
ໂດຍຂອບໃຈການຮັບຮູ້ຂອງທ່ານລັດຖະມົນຕີ ຫງວຽນວັນຮຸ່ງ, ທ່ານເອກອັກຄະລັດຖະທູດ ດິງຕວ່ານຖັງ ຢືນຢັນວ່າ: ການໂຄສະນາວັດທະນະທຳແມ່ນວຽກງານລວມທີ່ສຳຄັນທີ່ສຸດ. ບັນດາອົງການຜູ້ຕາງໜ້າຢູ່ ຝລັ່ງ ໄດ້ມານະພະຍາຍາມປະຕິບັດຫຼາຍກິດຈະກຳ ເພື່ອແນໃສ່ເຊີດຊູບັນດາຄຸນຄ່າວັດທະນະທຳທີ່ເປັນມູນເຊື້ອອັນດີງາມຂອງ ຫວຽດນາມ ມາສູ່ເພື່ອນມິດສາກົນ, ໂດຍຜ່ານນັ້ນ ກໍ່ປະຕິບັດມະຕິກອງປະຊຸມໃຫຍ່ຄັ້ງທີ 13 ຂອງພັກ ໃຫ້ເປັນຢ່າງດີ.
ຕາມທ່ານເອກອັກຄະລັດຖະທູດ ດິງຕວ່ານຖັງ ແລ້ວ, ນີ້ບໍ່ພຽງແຕ່ແມ່ນລາງວັນສ່ວນຕົວຂອງທ່ານເທົ່ານັ້ນ ຫາກຍັງແມ່ນການຮັບຮູ້ບັນດາຄວາມມານະພະຍາຍາມຢ່າງບໍ່ຢຸດຢັ້ງຂອງພະນັກງານ, ລັດຖະກອນຂອງສະຖານທູດ ແລະ ບັນດາອົງການຜູ້ຕາງໜ້າ ຫວຽດນາມ ປະຈຳ ຝລັ່ງ ໃນການໂຄສະນາວັດທະນະທຳ, ກິລາ ແລະ ການທ່ອງທ່ຽວ ຫວຽດນາມ ມາສູ່ເພື່ອນມິດ ຝລັ່ງ ແລະ ສາກົນ.
 | ນັກສຶກສາລາວ ຢູ່ ກວາງຫງາຍ ຊອກຮູ້ມູນເຊື້ອປະຫວັດສາດ ແລະ ວັດທະນະທຳ ຫວຽດນາມ ຍສໝ - ວັນທີ 25 ພຶດສະພາ, ພະແນກການຕ່າງປະເທດແຂວງ ກວາງຫງາຍ ໄດ້ຈັດຕັ້ງໂຄງການ Homestay ປີ 2024 ໃຫ້ແກ່ນັກສຶກສາລາວ ທີ່ກຳລັງຮໍ່າຮຽນສຶກສາຢູ່ ກວາງຫງາຍ. |
 | ເປີດກວ້າງບັນດາການເຄື່ອນໄຫວພົບປະແລກປ່ຽນວັດທະນະທຳ ຫວຽດນາມ - ຍີ່ປຸ່ນ ໄປຍັງຫຼາຍທ້ອງຖິ່ນ ຍສໝ - ນີ້ແມ່ນເນື້ອໃນ ທີ່ໄດ້ຮັບການເຫັນດີເປັນເອກະພາບທີ່ການພົບປະເຮັດວຽກລະຫວ່າງທ່ານ ນາງ ຫງວຽນເຟືອງຮວ່າ ຫົວໜ້າກົມຮ່ວມມືສາກົນ (ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ) ແລະ ທ່ານ Yoshioka Norihiko ຜູ້ອຳນວຍການໃໝ່ສູນພົບປະແລກປ່ຽນວັດທະນະທຳ ຍີ່ປຸ່ນ ປະຈຳ ຫວຽດນາມ ໃນວັນທີ 23 ພຶດສະພາ ຢູ່ ຮ່າໂນ້ຍ. |
ມິງດຶກ
