ຫຼົງໄຫຼກັບຮອຍຍິ້ມຮ່າຢາງທ່າມກາງທົ່ງດອກໂຊບະຍາມທ້າຍລະດູໃບໄມ້ຫຼົ່ນ
ຍສໝ - ດອກໂຊບະ (Buckwheat) ເລີ່ມບານສະພັ່ງຢູ່ຮ່າຢາງ, ດຶງດູດແຂກທ່ອງທ່ຽວທົ່ວທຸກສາລະທິດ. ອາກາດປອດໂປ່ງ, ໜາວໜ້ອຍໜຶ່ງ, ທິວທັດທຳມະຊາດທີ່ມີຄວາມປະທັບໃຈ ແລະ ປະຊາຊົນທີ່ຮັກແພງແຂກຄົນ ໄດ້ເຮັດໃຫ້ເຂດດິນແດນແຫ່ງນີ້ກາຍເປັນສະຖານທີ່ທ່ອງທ່ຽວທີ່ບໍ່ຄວນພາດ ສຳລັບຜູ້ຫຼົງໄຫຼໃນການຄົ້ນຫາ.
 |
| ໃນຊຸມວັນທ້າຍເດືອນຕຸລາ, ຕົ້ນເດືອນພະຈິກ, ດອກໂຊບະຈີ່ງເລີ່ມບານສະພັ່ງຢູ່ຮ່າຢາງ, ດຶງດູດແຂກທ່ອງທ່ຽວທົ່ວທຸກສາລະທິດ. ແຂກທ່ອງທ່ຽວມາແຫ່ງນີ້ເພື່ອລົງພຶດຕິກຳຕົວຈິງບັນຍາກາດໜາວເຢັນຂອງລະດູໃບໄມ້ຫຼົ່ນ, ຮັບຊົມທົ່ງດອກໄມ້ຂາວປະສົມກັບສີບົວຢູ່ທົ່ວທຸກແຫ່ງຂອງເຂດພູສູງ. |
 |
| ຫວ່າງມໍ່ໆມານີ້, ທ້າວ ເຈືອງກວາງວິງ (ອາຍຸ 21 ປີ, ບ້ານເກີດ ວິງຟຸກ), ຮົ່ງງອກ (ຮ່າໂນ້ຍ) ພ້ອມກັບໝູ່ເພື່ອນສະໜິດຂອງຕົນ ມີການເດີນທາງໄປທ່ຽວຮ່າຢາງເປັນເວລາ 3 ວັນ 2 ຄືນ. |
 |
| ທັງກຸ່ມໄດ້ມາຢ້ຽມຢາມຫຼັກໝາຍເລກ 0, ທຳນຽບຂອງຕະກຸນ ເວືອງ, ພູພຽງຫີນດົ່ງວັນ, ໝູ່ບ້ານເກົ່າ ທຽນເຮືອງ, ມ໊າຟີແລັງ. “ມູມໃດຂອງຮ່າຢາງກໍ່ງາມທີ່ສຸດ ດັ່ງນັ້ນ ເມື່ອໄປບ່ອນໃດງາມໆ, ທັງກຸ່ມ ກໍຢຸດລົດຊົມວິວຢ່າງລະອຽດ, ຖ່າຍຮູບເປັນທີ່ລະນຶກ. ເຖິງວ່າ ມາຮ່າຢາງເປັນເວລາ 3 ຄັ້ງແລ້ວ ແຕ່ເຮົາເອງ ກໍຍັງຫຼົງໄຫຼກັບທຳມະຊາດຢູ່ແຫ່ງນີ້”, ຮົ່ງງອກ ແບ່ງປັນ. |
 |
| ກວາງວິງມັກຊົມ ແລະ ບັນທຶກຮ້ອຍຍິ້ມຂອງເດັກນ້ອຍຢູ່ດິນແດນຮ່າຢາງ |
 |
| ອາກາດຢູ່ຮ່າຢາງມີການປ່ຽນແປງຢ່າງຕໍ່ເນື່ອງ ໃນຈຸດເວລາຕ່າງໆຂອງວັນ. |
 |
| ແມ່ນ້ຳຍໍເກ໊ ເບິ່ງຈາກບ່ອນສູງເທິງກິ່ວ ມ໊າຟີແລ່ງ. |
 |
| ກຸ່ມເພື່ອນມາຢ້ຽມຢາມສະຫະກອນ ແລັງລຸ່ງຕ໊າມ (ກວານບະ, ຮ່າຢາງ). ຕ່ຳແຜ່ນແລັງ ແມ່ນອາຊີບພື້ນເມືອງຂອງຫຼາຍຄອບຄົວຊາວເຜົ່າມົ້ງ ຢູ່ຕາແສງເຂດພູສູງນີ້. ບັນດາເພື່ອນໜຸ່ມກໍ່ຮູ້ສຶກຕື່ນຕົກໃຈທີ່ສຸດ ເມື່ອໄດ້ຮູ້ວ່າ ເພື່ອໃຫ້ມີຜະລິດຕະພັນແລັງ ທີ່ມີເຄື່ອງໝາຍແລ້ງລຸງຕ໊າມ ຕ້ອງຜ່ານ 41 ຂັ້ນຕອນ. |
 |
| ສະຖານທີ່ກຸ່ມເພື່ອນນິຍົມທີ່ສຸດໃນການເດີນທາງແມ່ນໝູ່ບ້ານເກົ່າແກ່ຮ້ອຍປີ ທຽນເຮືອງ. ໝູ່ບ້ານທຽນເຮືອງ (ຫຼືຍັງໄດ້ເອີ້ນວ່າໝູ່ບ້ານ ມ໊າປັງ) ຫ່າງຈາກໃຈກາງເທດສະບານ ດົ່ງວັນ ໂດຍໃຊ້ເວລາເດີນທາງ 30 ນາທີ. ເຮືອນຂອງພໍ່ແມ່ພີ່ນ້ອງຢູ່ແຫ່ງນີ້ໄດ້ກໍ່ສ້າງຕາມສະຖາປັດຕະຍາກຳເກົ່າແກ່ ດ້ວຍການມຸງຫຼັງຄາດິນຂໍເຮັດເປັນຮ່ອງຫຼຸບໂນນ ແລະ ເຮັດຝາດ້ວຍດິນ. |
 |
| ກຸ່ມເພື່ອນຜ່ານຜ່າເສັ້ນທາງປ່າເພື່ອໄປຍັງຈອມໂນນພູ - ເພື່ອຮັບຊົມທິວທັດທຳມະຊາດຂອງໝູ່ບ້ານຮ້ອຍປີນີ້. |
 |
| ທິວທັດທຳມະຊາດທີ່ສະຫງົບສຸກຍາມຄ່ຳຄືນຢູ່ຮ່າຢາງ. |
ບຸນຄົງ
