ຂໍ້ມູນຈາກກົມໃຫຍ່ທ່ອງທ່ຽວ (ກະຊວງວັດທະນະທໍາ, ກິລາ ແລະ ທ່ອງທ່ຽວ ຫວຽດນາມ) ໃຫ້ຮູ້ວ່າ: ໃນວັນທີ 7 ຫາວັນທີ 9 ພະຈິກ, ຄະນະຜູ້ແທນຫວຽດນາມ ໄດ້ເຂົ້າຮ່ວມງານຕະຫຼາດນັດການທ່ອງທ່ຽວສາກົນ WTM 2022.
 |
| ສານ “Live fully in Vietnam” ຈະໄດ້ໂຄສະນາທີ່ງານຕະຫຼາດນັດການທ່ອງທ່ຽວສາກົນ WTM2022. |
ພາຍຫຼັງ 2 ປີທີ່ຢຸດການຈັດຕັ້ງຍ້ອນຜົນສະທ້ອນຂອງໂລກລະບາດ ໂຄວິດ-19, ງານຕະຫຼາດນັດການທ່ອງທ່ຽວສາກົນ WTM ຫາກໍ່ໄດ້ຈັດຂຶ້ນຄືນໃໝ່.
ກ່ອນນັ້ນ, ການທ່ອງທ່ຽວຫວຽດນາມ ໄດ້ເຂົ້າຮ່ວມງານຕະຫຼາດນັດເປັນເວລາ 10 ປີລຽນຕິດ ແລະ ປະສົບຜົນສຳເລັດຢ່າງຕັ້ງໜ້າໃນການໂຄສະນາ, ແນະນຳ ພາບພົດຂອງປະເທດຊາດ, ປະຊາຊົນ, ວັດທະນະທໍາຫວຽດນາມ ທີ່ເປັນໜ້າສົນໃຈ, ເປັນມິດ, ມີຄຸນນະພາບ, ປອດໄພໃຫ້ແກ່ນັກທ່ອງທ່ຽວຢູ່ຕະຫຼາດ ອັງກິດ ເວົ້າສະເພາະ ແລະ ເອີລົບ ເວົ້າລວມ. ງານຕະຫຼາດນັດຍັງແມ່ນໂອກາດເພື່ອໃຫ້ບັນດາວິສາຫະກິດທ່ອງທ່ຽວ ຫວຽດນາມ ໄດ້ສໍາຜັດ, ຊອກຮູ້ບັນດາລັກສະນະແລະ ທ່າອ່ຽງພັດທະນາຕະຫຼາດ, ເປີດກວ້າງການຮ່ວມມືດ້ານດໍາເນີນທຸລະກິດ.
ປີນີ້, ຮ້ານທ່ອງທ່ຽວ ຫວຽດນາມ ຢູ່ WTM 2022 ມີເນື້ອທີ່ 250 ຕາແມັດ. ທີ່ງານຕະຫຼາດນັດຄັ້ງນີ້, ການທ່ອງທ່ຽວຫວຽດນາມ ສືບຕໍ່ຍູ້ແຮງຂະບວນການໂຄສະນາ “Live fully in Vietnam”.
ໃນຂອບເຂດງານວາງສະແດງ ມີຫຼາຍເຫດການ ແລະ ການເຄື່ອນໄຫວຂອງຂະແໜງທ່ອງທ່ຽວຫວຽດນາມ ໄດ້ຈັດຕັ້ງຄື: ກອງປະຊຸມຂ່າວແນະນຳການທ່ອງທ່ຽວຫວຽດນາມ, ພົບປະກັບບັນດາຄູ່ຮ່ວມມື ແລະ ວິສາຫະກິດສາກົນ, ຕອບສຳພາດບັນດາສໍານັກຂ່າວສານ, ສື່ມວນຊົນ, ແນະນຳປີທ່ອງທ່ຽວແຫ່ງຊາດ 2023. ຫົວຂໍ້ “ບິ່ງທ້ວນ - ເຕົ້າໂຮມສີຂຽວ”...
ບູນມີ
