| ທ່ານປະທານສະພາແຫ່ງຊາດ ນິວຊີແລນຖືເປັນສຳຄັນການພົວພັນກັບ ຫວຽດນາມ | |
| ຫວຽດນາມ ຍາມໃດກໍ່ຖືເປັນສຳຄັນການຮັກສາ ແລະ ເສີມຂະຫຍາຍສາຍພົວພັນແບບພິເສດ ຫວຽດນາມ - ລາວ |
ເຮືອນໃໝ່ສໍາລັບພວກອ້າຍ
ເຂດຫໍບູຊາ ບັນດາວິລະຊົນ ແລະ ນັກຮົບເສຍສະຫຼະຊີວິດເພື່ອຊາດ ຫວຽດນາມ - ລາວ ໄດ້ສ້າງຢູ່ບ້ານຍວນ, ເມືອງແປກ, ແຂວງຊຽງຂວາງ (ລາວ) ໃນເນື້ອທີ່ 10 ເຮັກຕາ. ນີ້ແມ່ນຫໍບູຊາແຫ່ງທຳອິດໂດຍປະຊາຄົມຊາວຫວຽດນາມ ຢູ່ ລາວ ກໍ່ສ້າງເພື່ອລະນຶກເຖິງບັນດາວິລະຊົນ ແລະ ນັກຮົບເສຍສະຫຼະຊີວິດເພື່ອຊາດ ທີ່ໄດ້ເສຍສະຫຼະຊີວິດໃນໄລຍະຕໍ່ສູ້ຍາດເອົາເອກະລາດໃຫ້ແກ່ປະຊາຊົນສອງຊາດ.
ວັນທີ 24 ມີນານີ້, ໂຄງການໄດ້ເລີ່ມດໍາເນີນການກໍ່ສ້າງ. ຕາມແຜນການ, ໄລຍະທີ 1 ຂອງໂຄງການໄດ້ສຳເລັດໃນເດືອນ ກໍລະກົດ 2022, ກົງກັບໂອກາດທີ່ສອງປະເທດກໍາລັງຈັດຕັ້ງການເຄື່ອນໄຫວຫຼາຍຢ່າງເພື່ອສະເຫຼີມສະຫຼອງປີສາມັກຄີມິດຕະພາບ ຫວຽດນາມ - ລາວ, ລາວ - ຫວຽດນາມ 2022.
 |
| ທ່ານ ຮ່າວັນແກ໊ງ, ປະທານສະມາຄົມ ຊາວຫວຽດນາມ ແຊວງຊຽງຂວາງ ( ພາບ: ເຈື່ອງຮູ່ງ) |
ຕາມແຜນກໍານົດ, ໂຄງການລວມມີບັນດາລາຍການຕົ້ນຕໍຄື ຫໍບູຊາຢຸ່ລຸ່ມ, ຫໍບູຊາກາງ, ຫໍບູຊາເທິງ, ເຂດດຳລົງຊີວິດຂອງປະຊາຄົມ, ຫໍພິພິທະພັນສົງຄາມ ລາວ - ຫວຽດນາມ, ບໍລິເວນສິລາຈາລຶກທີ່ສະຫຼັກຊື່ບັນດາວິລະຊົນ ແລະ ນັກຮົບເສຍສະຫຼະຊີວິດເພື່ອຊາດ ຫວຽດນາມ - ລາວ.
ຕາມທ່ານນາງ ບົວສີ ນາຖາວົງ, ປະທານແນວລາວສ້າງຊາດແຂວງຊຽງຂວາງແລ້ວ “ຄຽງຂ້າງບັນດາຄວາມໝາຍດ້ານຄວາມສັດທາເຫຼື້ອມໃສ, ການກໍ່ສ້າງເຂດຫໍບູຊາບັນດາວິລະຊົນ ແລະ ນັກຮົບເສຍສະຫຼະເພື່ອຊາດ ລາວ-ຫວຽດນາມ ຢູ່ແຂວງຊຽງຂວາງ ຈະຊ່ວຍໃຫ້ແຂວງມີສະຖານທີ່ປະຫວັດສາດອີກແຫ່ງໜຶ່ງເພື່ອໃຫ້ລຸ້ນໜຸ່ມໄປທັດສະນະສຶກສາ ແລະ ເຂົ້າໃຈຕື່ມອີກກ່ຽວກັບປະຫວັດສາດການພົວພັນແບບພິເສດລະຫວ່າງສອງປະເທດ. ສະຖານທີ່ແຫ່ງນີ້ຈະກາຍເປັນແຫຼ່ງທ່ອງທ່ຽວທີ່ສຳຄັນຂອງແຂວງຊຽງຂວາງ ເພື່ອໃຫ້ນັກທ່ອງທ່ຽວມາຢ້ຽມຊົມ ແລະ ລະນຶກເຖິງການເສຍສະຫຼະຊີວິດຂອງບັນດາວິລະຊົນ ແລະ ນັກຮົບເສຍສະຫຼະເພື່ອຊາດ ຫວຽດນາມ ແລະ ລາວ ທີ່ເສຍສະຫຼະຊີວິດໃນສະໄໝສົງຄາມ. ພ້ອມກັນນັ້ນ, ຍັງເປັນສະຖານທີ່ສຳຄັນຂອງແຂວງຊຽງຂວາງ ເພື່ອພັດທະນາການທ່ອງທ່ຽວຕາມຮູບແບບສີຂຽວ, ສະອາດ ແລະ ສວຍງາມຢ່າງໝັ້ນຄົງ.
 |
| ການກໍ່ສ້າງໂຄງການຫໍບູຊາກາງ, ມຸ່ງໄປເຖິງໂອກາດລະນຶກວັນທະຫານເສຍອົງຄະ - ເສຍສະຫຼະຊີວິດເພື່ອຊາດ ຄົບຮອບ 75 ປີ ( 27 ກໍລະກົດ 1947- 27 ກໍລະກົດ 2022) ( ພາບ: ເຈື່ອງຮູ່ງ) |
ຮ່ວມແຮງ, ຮ່ວມໃຈ
ທ່ານ ຮ່າວັນແກ໊ງ, ປະທານສະມາຄົມ ຊາວຫວຽດນາມ ແຂວງຊຽງຂວາງ ໃຫ້ຮູ້ວ່າ ປີ 2009, ມີຄັ້ງໜຶ່ງມາເຮັດວຽກຢູ່ແຂວງຊຽງຂວາງ, ພະອາຈານ ທິກງວຽນເທາະ, ຫົວໜ້າຄະນະບໍລິຫານງານພຸດທະສາສະໜາຫວຽດນາມ ເມືອງ ຊວຽນມົກ (ບາເຣຍ - ຫວຸງເຕົາ) ໄດ້ແບ່ງປັນຄວາມຄິດສ້າງຫໍບູຊາເພື່ອບູຊາບັນດາວິລະຊົນ ແລະ ນັກຮົບເສຍສະຫຼະຊີວິດເພື່ອຊາດ ຫວຽດນາມ-ລາວ.
ເມື່ອມາເຖິງບ້ານຍວນ (ເມືອງແປກ, ແຂວງຊຽງຂວາງ), ພະອາຈານ ທິກງວຽນເທາະ ໄດ້ພົບເຫັນພູໃຫຍ່ແຫ່ງໜຶ່ງທີ່ມີຮູບຂອງໂຕສິງ, ພູໃຫຍ່ຢູ່ອີກເບື້ອງໜຶ່ງມີຮູບຂອງໂຕຊ້າງກໍາລັງກົ້ມລົງ, ຮວງຈຸ້ຍເໝາະສົມກັບການສ້າງໂຄງການດັ່ງກ່າວ.
 |
| ເຂດຫໍບູຊາບັນດາວິລະຊົນ ແລະ ນັກຮົບເສຍສະຫຼະຊີວິດເພື່ອຊາດ ຫວຽດນາມ - ລາວ ໄດ້ສ້າງຢູ່ບ້ານຍວນ, ເມືອງແປກ, ແຂວງຊຽງຂວາງ (ລາວ) ( ພາບ: ເຈື່ອງຮູ່ງ) |
ໂດຍຮັບເອົາຄໍາເຫັນຈາກພະອາຈານ ທິກງວຽນເທາະ, ທ່ານ ຮ່າວັນແກ໊ງ ແລະ ທ່ານ ເຈື່ອງຢາງ, ຜູ້ອໍານວຍການທະນານຄານຮ່ວມທຸລະກິດ ລາວ-ຫວຽດ ຈໍາກັດ (LaoVietBank), ສາຂາ ແຂວງ ຊຽງຂວາງ ໄດ້ຈ້າງອອກແບບ, ຄົ້ນຄວ້າ ແລະ ແລ່ນເອກະສານສະເໜີອຳນາດການປົກຄອງແຂວງມອບດິນເພື່ອສ້າງເຂດຫໍບູຊາ.
ແຕ່ປີ 2018, ເພື່ອສຳເລັດສໍາເນົາເອກະສານ, ທຸກໆຕອນບ່າຍວັນສຸກ, ທ່ານ ຢາງ ພັດຂຶ້ນລົດເມຈາກສະຖານີລົດເມ ເນຶອກເງີມ (ຮ່າໂນ້ຍ) ໄປແຂວງຊຽງຂວາງ ເພື່ອພົບປະ, ແລກປ່ຽນກັບເຈົ້າແຂວງເພື່ອຊອກຫາວິທີແກ້ໄຂ. ມາຮອດປີ 2020, ໂຄງການໄດ້ຮັບການອະນຸມັດຈາກກະຊວງພາຍໃນຂອງລາວ ແລະ ອຳນາດການປົກຄອງແຂວງໄດ້ລົງນາມຂໍ້ຕົກລົງມອບທີ່ດິນ 10 ເຮັກຕາໃຫ້ສະມາຄົມຊາວຫວຽດນາມ ແຂວງຊຽງຂວາງ ກໍ່ສ້າງ.
ພະອາຈານ ທິກງວຽນເທາະ ໄດ້ສະໜັບສະໜູນບໍລິເວນເຮືອນໄມ້ 5 ຫ້ອງໃຫ້ໂຄງການຫໍບູຊາກາງ. ຈໍານວນອຸປະກອນເຫຼົ່ານີ້ ແມ່ນປະຊາຊົນໄດ້ອຸປະຖໍາເງິນຈໍານວນໜຶ່ງເພື່ອຂົນສົ່ງຈາກບາເຣຍ - ຫວູງເຕົາ ມາ, ເລັ່ງໃຫ້ສຳເລັດໃນເດືອນກໍລະກົດ.
ແຕ່ວ່າ, ປະຈຸບັນ, ບາງລາຍການຕ້ອງໂຈະຍ້ອນຂາດທຶນກໍ່ສ້າງ, ຄື ຫໍບູຊາເທິງ ໄດ້ເທພື້ນສໍາເລັດແລ້ວ, ບັນດາລາຍການຍັງເຫຼືອກໍຍັງບໍ່ມີງົບປະມານເພື່ອຜັນຂະຫຍາຍ.
ຕໍ່ສະພາບການດັ່ງກ່າວ, ວັນທີ 2 ມິຖຸນາ 2022, ຄະນະບໍລິຫານງານສະມາຄົມຊາວຫວຽດນາມ ແຂວງຊຽງຂວາງ ໄດ້ຂຽນຈົດໝາຍເພື່ອຮຽກຮ້ອງບັນດາອົງການຈັດຕັ້ງ, ບຸກຄົນ, ຜູ້ໃຈສັດທາ, ຍາດຕິພີ່ນ້ອງຂອງບັນດາວິລະຊົນ ແລະ ນັກຮົບເສຍສະຫຼະຊີວິດເພື່ອຊາດ... ກຸສົນກໍາ, ສະໜັບສະໜູນກໍ່ສ້າງໂຄງການ.
ຫວ່າງມໍ່ໆນີ້, ໃນວັນທີ 24 ກໍລະກົດ, ກ່ອນພິທີສູດອະນິດຈາໃຫ້ແກ່ບັນດາວິລະຊົນ ແລະ ນັກຮົບເສຍສະຫຼະເພື່ອຊາດ, ປະຊາຊົນທີ່ເສຍຊີວິດ ຫວຽດນາມ-ລາວ ຢູ່ຫໍບູຊາ, ຄະນະນັກຮົບເກົ່າອາສາສະໝັກ ຫວຽດນາມ ປະຈໍາລາວ ນະຄອນຮ່າໂນ້ຍ ໄດ້ມອບໂຖດອກໄມ້ 2 ອັນທີ່ພິມຮູບທຸງຊາດ ຫວຽດນາມ - ລາວ ແລະ 30 ລ້ານດົ່ງ ເພື່ອປະກອບສ່ວນເຂົາໃນການກໍ່ສ້າງເຂດຫໍບູຊາໄລຍະ 2.
ຕາມປະຊາຄົມຊາວຫວຽດນາມ ຢູ່ແຂວງຊຽງຂວາງແລ້ວ, ເຂດຫໍບູຊາຍັງເປັນສະຖານທີ່ພົບປະ, ແລກປ່ຽນ, ແບ່ງປັນຄວາມໂສກເສົ້າ ແລະ ຄວາມເບີກບານມ່ວນຊື່ນ, ເປັນໂອກາດຮ່ວມມື, ຊ່ວຍເຫຼືອເຊິ່ງກັນ ແລະ ກັນ.
ຫອມມາລາ
