 | ປະທານປະເທດ ເລືອງເກື່ອງ ສົນທະນາທາງໄກກັບທ່ານເລຂາທິການໃຫຍ່, ປະທານປະເທດລາວ |
| ຫວຽດນາມ - ລາວ ຢືນຢັນ, ເພີ່ມທະວີສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ |
ສະມາຄົມມິດຕະພາບ ຫວຽດນາມ-ລາວ ໄດ້ສ້າງຕັ້ງຂຶ້ນໃນປີ 2013, ມາຮອດປະຈຸບັນ, ສະມາຄົມໄດ້ຜັນຂະຫຍາຍຫຼາຍການເຄື່ອນໄຫວທີ່ແທດຈິງ, ມີປະສິດທິຜົນຕາມແນວທາງ, ນະໂຍບາຍການຕ່າງປະເທດຂອງພັກ ແລະ ລັດ, ເສີມຂະຫຍາຍບັນດາການເຄື່ອນໄຫວໃນວຽກງານການທູດປະຊາຊົນ, ຜ່ານຄວາມຫຍຸ້ງຍາກ ເພື່ອໃຫ້ປະສົບຜົນສຳເລັດຮອບດ້ານໃນໜ້າທີ່, ຮັກສາສະພາບແວດລ້ອມສັນຕິພາບ, ຊຸກຍູ້ການຮ່ວມມືສາກົນຫຼາຍຂະແໜງການ ແລະ ຫຼາຍຂົງເຂດ ກໍ່ຄືການພັດທະນາເຄືອຂ່າຍການເຄື່ອນໄຫວການທູດປະຊາຊົນໃນບໍລິເວນແຂວງ.
ພາຍຫຼັງກອງປະຊຸມໃຫຍ່ຄັ້ງທີ II ອາຍຸການ 2021 – 2026, ສະມາຄົມມິດຕະພາບ ຫວຽດນາມ - ລາວ ໄດ້ສຸມໃສ່ວຽກງານກໍ່ສ້າງອົງການ, ພັດທະນາເຄືອຂ່າຍສະມາຄົມເຖິງຂັ້ນເມືອງ, ຕາແສງ ແລະ ດຳເນີນບັນດາການເຄື່ອນໄຫວເພື່ອເພີ່ມທະວີການແລກປ່ຽນມິດຕະພາບ, ຄວາມສາມັກຄີລະຫວ່າງປະຊາຊົນສອງປະເທດ ຫວຽດນາມ ແລະ ລາວ, ປະກອບສ່ວນປົກປັກຮັກສາ ແລະ ພັດທະນາສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ. ມາຮອດປະຈຸບັນ, ສະມາຄົມມີ 8 ສາຂາສະມາຄົມທີ່ມີສະມາຊິກທັງໝົດ 150 ທ່ານ, ເຮັດວຽກງານໃນບັນດາຂະແໜງການສຶກສາ, ການແພດ, ໄປສະນີ, ປ່າໄມ້, ການຄ້າ. ໃນນັ້ນ, ມີ 130 ຄົນແມ່ນທະຫານອາສາສະໝັກ ແລະ ນັກຊ່ຽວຊານການທະຫານ ຫວຽດນາມ ທີ່ຊ່ວຍເຫຼືອການປະຕິວັດລາວ.
ໜຶ່ງໃນບັນດາການເຄື່ອນໄຫວທີ່ພົ້ນເດັ່ນຂອງສະມາຄົມແມ່ນໄດ້ສົມທົບກັບບັນດາຄະນະຕິດຕໍ່ພົວພັນທະຫານອາສາສະໝັກ ແລະ ຊ່ຽວຊານການທະຫານ ເພື່ອຊອກຫາອັດຖິ ແລະ ສຳເນົາເອກະສານຂອງນັກຮົບທີ່ເສຍສະຫຼະຊີວິດໃນລາວ ຄືການຊອກຫານັກຮົບທີ່ສະຫຼະຊີວິດເພື່ອຊາດ 47 ຄົນ ແຕ່ແຂວງ ກາວບັ່ງ ຫາແຂວງ ຊຽງຂວາງ ຫຼື ເຕົ້າໂຮມນັກຮົບທີ່ສະຫຼະຊີວິດເພື່ອຊາດ 38 ຄົນ ແຕ່ແນວຮົບພາກເໜືອ ລາວ ໄປຍັງສຸສານມິດຕະພາບ ຫວຽດນາມ-ລາວ ຢູ່ ດ້ຽນບຽນ. ສະມາຄົມຍັງໄດ້ສະເໜີການມອບຫຼຽນໄຊ ແລະ ຫຼຽນກາລະນຶກໃຫ້ແກ່ບັນດາອະດີດທະຫານອາສາສະໝັກ ແລະ ຊ່ຽວຊານການທະຫານທີ່ໄດ້ປະກອບສ່ວນເຂົ້າໃນພາລະກິດປະຕິວັດລາວ.
 |
| ຄະນະປະຕິບັດສະມາຄົມມິດຕະພາບ ຫວຽດນາມ - ລາວ ແຂວງ ກາວບັ່ງ ອາຍຸການ 2021 - 2026. |
ໂດຍສຸມໃສ່ຍູ້ແຮງການສຶກສາມູນເຊື້ອມິດຕະພາບ ຫວຽດນາມ - ລາວ ຜ່ານບັນດາການເຄື່ອນໄຫວລະນຶກ, ຕອບບຸນແທນຄຸນ, ການຮ່ວມມືດ້ານເສດຖະກິດ, ວັດທະນະທຳ ແລະ ກິລາລະຫວ່າງ 2 ປະເທດ. ສະມາຄົມ ໄດ້ເຂົ້າຮ່ວມງານບຸນມິດຕະພາບປະຊາຊົນ ຫວຽດນາມ - ລາວ ແລະ ໄດ້ຈັດຕັ້ງການໂອ້ລົມສົນທະນາເພື່ອສະເຫຼີມສະຫຼອງວັນມູນເຊື້ອທະຫານອາສາສະໝັກ ແລະ ນັກຊ່ຽວຊານການທະຫານ ຫວຽດນາມ ທີ່ຊ່ວຍເຫຼືອການປະຕິວັດລາວ.
ສະມາຄົມມິດຕະພາບ ຫວຽດນາມ - ລາວ ແລະ ສະຫະພັນບັນດາອົງການຈັດຕັ້ງມິດຕະພາບແຂວງ ໄດ້ສົມທົບກັນຮຽບຮຽງປື້ມ ບັນດາປະຊາຊົນຢູ່ ກາວບັ່ງ ກັບການປະຕິວັດ ລາວ ແລະ ຈັດຕັ້ງການສຳມະນາວິທະຍາສາດກ່ຽວກັບບົດບາດຂອງທະຫານອາສາສະໝັກ ກາວບັ່ງ ໃນການຕໍ່ສູ້ປົດປ່ອຍຊາດ ແລະ ສ້າງສາປະເທດ ລາວ”, ໂດຍມີການເຂົ້າຮ່ວມຂອງອະດີດທະຫານອາສາສະໝັກ ແລະ ນັກຊ່ຽວຊານການທະຫານຂອງແຂວງ 30 ກວ່າຄົນ ໄປຊ່ວຍເຫຼືອການປະຕິວັດ ລາວ. ຜ່ານນັ້ນ, ກໍ່ຢືນຢັນຮູບຮ່າງ ແລະ ຄວາມໝາຍປະຫວັດສາດຂອງການພົວພັນສາກົນແບບພິເສດລະຫວ່າງ ຫວຽດນາມ - ລາວ ໃນປະຫວັດສາດ, ເສີມຂະຫຍາຍຄວາມສາມັກຄີ, ມິດຕະພາບ, ການຮ່ວມມື, ການຊ່ວຍເຫຼືອເຊິ່ງກັນ ແລະ ກັນລະຫວ່າງ 2 ປະເທດໃນພາລະກິດການຕໍ່ສູ້ປົດປ່ອຍປະເທດຊາດ ກໍ່ຄືໃນພາລະກິດແຫ່ງການສ້າງສາປະເທດຊາດ.
ເຖິງວ່າ ກາວບັ່ງ ບໍ່ມີຊາຍແດນຮ່ວມກັບ ລາວ ກໍ່ຕາມ, ແຕ່ການພົວພັນລະຫວ່າງ 2 ປະເທດໄດ້ເຊື່ອມຕົວເຂົ້າກັນຢ່າງເລິກເຊິ່ງ ໂດຍຜ່ານການປະກອບສ່ວນອັນໃຫຍ່ຫຼວງຂອງບັນດາອະດີດທະຫານອາສາສະໝັກ ແລະ ນັກຊ່ຽວຊານການທະຫານ. ເຂົາເຈົ້າຍັງຄົງຮັກສາບົດບາດອັນຕັ້ງໜ້າໃນສະມາຄົມ, ເຖິງວ່າມີອາຍຸສູງກໍ່ຕາມ, ແຕ່ກໍ່ເພື່ອຖ່າຍທອດແປວໄຟແຫ່ງຄວາມສາມັກຄີ ຫວຽດນາມ - ລາວ ໃຫ້ລຸ້ນໜຸ່ມ.
ໃນໄລຍະຈະມາເຖິງ, ສະມາຄົມມິດຕະພາບ ຫວຽດນາມ - ລາວ ແຂວງ ກາວບັ່ງ ຈະສືບຕໍ່ປະກອບສ່ວນເຂົ້າໃນການພົວພັນທາງການທູດປະຊາຊົນ ແລະ ຊຸກຍູ້ການພົວພັນມິດຕະພາບລະຫວ່າງ 2 ປະເທດ, ປະກອບສ່ວນເພີ່ມທະວີຄວາມສາມັກຄີ, ການຮ່ວມມືຮອບດ້ານໃນເງື່ອນໄຂໃໝ່.
 | ຍສໝ - ງານບຸນ ຫວຽດນາມ - ຍີ່ປຸ່ນ ຄັ້ງທີ 9 ໄດ້ຈັດຕັ້ງນັບແຕ່ວັນທີ 9 – 10 ມີນາ 2024 ຢູ່ສວນສາທາລະນະ 23/9, ເມືອງ 1, ນະຄອນ ໂຮ່ຈີມິນ ດ້ວຍຫົວຂໍ້ວ່າ “ຈັບມືກັນ - ນັບແຕ່ນີ້ໄປ” ໄດ້ນຳເອົາໃຫ້ນັກທ່ອງທ່ຽວ ... |
 | ດານັງ ໄດ້ສ້າງຕັ້ງການພົວພັນມິດຕະພາບ, ການຮ່ວມມືກັບ 48 ທ້ອງຖິ່ນຂອງ 22 ປະເທດ ແລະ ເຂດແຄວ້ນ ຍສໝ - ໂດຍໄດ້ຮັບການຕີລາຄາວ່າ ແມ່ນໜຶ່ງໃນບັນດາທ້ອງຖິ່ນນຳໜ້າຂອງທົ່ວປະເທດ ກ່ຽວກັບການສົ່ງເສີມ ແລະ ຜັນຂະຫຍາຍບັນດາລາຍການຮ່ວມມືສອງຝ່າຍຂັ້ນທ້ອງຖິ່ນ. ມາຮອດປະຈຸບັນ, ນະຄອນ ດານັງ ໄດ້ສ້າງຕັ້ງການພົວພັນມິດຕະພາບ, ການຮ່ວມມືກັບ 48 ທ້ອງຖິ່ນຂອງ 22 ປະເທດ ແລະ ເຂດແຄວ້ນ ດ້ວຍສັນຍາທີ່ໄດ້ລົງນາມ 104 ສະບັບ. |
ແທັງຮັ່ງ
