| ຫວຽດນາມ ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານກັບ ກາຊັກສະຖານ | |
| ຊຸກຍູ້ການພັດທະນາການພົວພັນມິດຕະພາບທີ່ເປັນມູນເຊື້ອລະຫວ່າງຫວຽດນາມ - Azerbaijan |
ຫວ່າງແລ້ວນີ້, ສະມາຄົມມິດຕະພາບ ຫວຽດນາມ - ມາເລເຊຍ ໄດ້ຈັດພິທີປະກາດຂໍ້ຕົກລົງສ້າງຕັ້ງ ແລະ ສະເໜີຕົວຄະນະບໍລິຫານງານສະມາຄົມຢູ່ ນະຄອນ ກົວລາລຳເປີ.
 |
| ປະກາດຂໍ້ຕົກລົງສ້າງຕັ້ງສະມາຄົມມິດຕະພາບມາເລເຊຍ - ຫວຽດນາມ. ພາບ: TTXVN |
ສະມາຄົມມິດຕະພາບ ມາເລເຊຍ - ຫວຽດນາມ ແມ່ນອົງການຕາງໜ້າ ປະຊາຄົມຊາວ ຫວຽດນາມ ອາໄສຢູ່ ມາເລເຊຍ ແລະ ສະຖານທູດ ຫວຽດນາມ ປະຈຳ ມາເລເຊຍ. ການເຄື່ອນໄຫວຂອງສະມາຄົມແມ່ນມຸ່ງໄປເຖິງການຊຸກຍູ້, ເຮັດໃຫ້ການພົວພັນຮ່ວມມືລະຫວ່າງປະຊາຊົນສອງປະເທດ, ອົງການ, ໝູ່ຄະນະຂອງ ຫວຽດນາມ ແລະ ມາເລເຊຍ ເລິກເຊິ່ງຂຶ້ນຕື່ມ; ຍົກສູງການຮ່ວມມືລະຫວ່າງ 2 ປະເທດໃນຂົງເຂດການເມືອງ, ເສດຖະກິດ ແລະ ວັດທະນະທຳ-ສັງຄົມ; ໂຄສະນາ ແລະ ໜູນຊ່ວຍປະຊາຊົນ ຫວຽດນາມ ເຄົາລົບກົດໝາຍປະເທດປະຈຳຖິ່ນ... ທ່ານນາງ ເຈິ່ນທິຈາງ, ຜູ້ສ້າງຕັ້ງ ສະມາຄົມແມ່ຍິງ ຫວຽດນາມ, ສະໂມສອນພາສາຫວຽດ ແລະ ຄະນະຕິດຕໍ່ຊາວ ຫວຽດນາມ ອາໄສຢູ່ ມາເລເຊຍ, ປະຈຸບັນແມ່ນປະທານ ສະມາຄົມມິດຕະພາບ ມາເລເຊຍ - ຫວຽດນາມ.
ໂດຍອວຍພອນສະມາຄົມມິດຕະພາບ ມາເລເຊຍ - ຫວຽດນາມ ທີ່ໄດ້ ຮັບການສ້າງຕັ້ງ, ທ່ານເອກອັກຄະລັດຖະທູດ ຫວຽດນາມ ປະຈຳ ມາເລເຊຍ ເຈິ່ນຫວຽດທາຍ ຕີລາຄາສູງບົດບາດຂອງທ່ານນາງ ເຈິ່ນທິຈາງ ໃນບັນດາການເຄື່ອນໄຫວການກຸສົນໃຫ້ແກ່ປະຊາຄົມຊາວ ຫວຽດນາມ ອາໄສຢູ່ ມາເລເຊຍ, ພ້ອມທັງສະແດງຄວາມຫວັງວ່າ ສະມາຄົມຈະຕິດພັນ ແລະ ຊຸກຍູ້ການພົວພັນລະຫວ່າງ 2 ປະເທດຫຼາຍກວ່າອີກ.
ບູນມີ
