| VUFO ເພີ່ມທະວີການຮ່ວມມືກັບ ສຳນັກພິມຈຳໜ່າຍການເມືອງແຫ່ງຊາດ ຊຶເທິດ | |
| ກວາງຫງາຍ ເຂົ້າຮ່ວມການສົ່ງເສີມການຄ້າ, ການລົງທຶນ ແລະ ການຮ່ວມມືຢູ່ ຍີ່ປຸ່ນ |
 |
| ທ່ານນາຍົກລັດຖະມົນຕີ ຟ້າມມິງຈິງ ຢືນຢັນຫວຽດນາມ ແລະ ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ກາຊັກສະຖານ Mukhtar Tileuberdi (ພາບ: TTXVN) |
ຫວ່າງແລ້ວນີ້, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ກາຊັກສະຖານ Mukhtar Tileuberdi ໄດ້ມາຢ້ຽມຢາມຫວຽດນາມ ຢ່າງເປັນທາງການແຕ່ວັນທີ 17 – 18 ສິງຫາ 2022, ທ່ານນາຍົກລັດຖະມົນຕີ ຟ້າມມິງຈິງ ຢືນຢັນຫວຽດນາມ ຍາມໃດກໍ່ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານກັບ ກາຊັກສະຖານ. ທ່ານນາຍົກລັດຖະມົນຕີ ຟ້າມມິງຈິງ ສະເໜີໃຫ້ 2 ຝ່າຍສືບຕໍ່ຊຸກຍູ້ການແລກປ່ຽນຄະນະຜູ້ແທນ ແລະ ການຕິດຕໍ່ພົວພັນທຸກຂັ້ນ, ໃນນັ້ນມີທັງຂັ້ນສູງ; ສືບຕໍ່ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສຫຼາຍຝ່າຍ ແລະ ບັນດາອົງການສາກົນ, ພິເສດແມ່ນຢູ່ສະຫະປະຊາຊາດ, ເວທີປາໄສການປະສານງານການກະທຳ ແລະ ບັນດາມາດຕະການສ້າງຄວາມໝັ້ນໃຈ (CICA)… ທ່ານນາຍົກລັດຖະມົນຕີ ສະເໜີໃຫ້ ກາຊັກສະຖານ ສ້າງຄວາມສະດວກໃຫ້ແກ່ຜະລິດຕະພັນທີ່ເປັນທ່າແຮງຂອງຫວຽດນາມຄື: ຜະລິດຕະພັນກະເສດ, ສິນທະເລ, ເຄື່ອງຕ່ຳແຜ່ນຕັດຫຍິບ, ເຄື່ອງເຟີນີເຈີເພື່ອເຂົ້າເຖິງຕະຫຼາດາຊັກສະຖານ; ພ້ອມກັນນັ້ນ, ທ່ານກໍສະເໜີໃຫ້ສອງຝ່າຍສົມທົບກັນສ້າງເງື່ອນໄຂສະດວກໃຫ້ແກ່ການຮ່ວມມືດ້ານການຄ້າ ແລະ ການລົງທຶນຂອງສອງຝ່າຍກ່ວາອີກ.
ສ່ວນທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ Mukhtar Tileuberdi ຢືນຢັນວ່າ ກາຊັກສະຖານ ປາດຖະໜາຢາກເພີ່ມທະວີການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານກັບ ຫວຽດນາມ, ພິເສດແມ່ນດ້ານເສດຖະກິດ, ການຄ້າ ແລະ ການລົງທຶນ. ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ Mukhtar Tileuberdi ຢືນຢັນວ່າ: 2 ຝ່າຍຍັງມີຄວາມສາມາດບົ່ມຊ້ອນຮ່ວມມືຫຼາຍດ້ານ, ພິເສດແມ່ນບັນດາຂົງເຂດກະສິກຳ, ການທ່ອງທ່ຽວ, ຄົມມະນາຄົມຂົນສົ່ງ, ການເງິນ ແລະ ພະລັງງານສະອາດ.
ບຸນຄົງ
