ວັນທີ 2 ກັນຍາ, ຢູ່ນະຄອນຫຼວງ Ottawa, ຜູ້ຕາງໜ້າຄະນະບໍລິຫານງານສະຫະສະມາຄົມ ການາດາ ຫວຽດນາມ (CVS) ພ້ອມທັງປະຊາຊົນຈໍານວນໜຶ່ງ ໄດ້ຈັດຕັ້ງພິທີເອົາທຸງຊາດຂຶ້ນ, ທຸງຊາດປິວສະບັດຢູ່ຕໍ່ໜ້າສຳນັກງານເທດສະບານນະຄອນ ພ້ອມກັນກັບທຸງຊາດ ການາດາ. ນີ້ແມ່ນຄັ້ງທຳອິດທີ່ປະຊາຄົມຊາວຫວຽດນາມ ອາໄສຢູ່ Ottawa ໄດ້ເຫັນທຸງຊາດສີແດງດາວສີເຫຼືອງຢູ່ຮາກຖານບໍລິຫານລັດຂອງ ການາດາ ໃນໂອກາດວັນບຸນເອກະລາດຂອງ ຫວຽດນາມ.
 |
| ທຸງສີແດງດາວສີເຫຼືອງຂອງ ຫວຽດນາມ ໄດ້ປິວສະບັດຢູ່ຕໍ່ໜ້າສຳນັກງານເທດສະບານ Toronto. |
ໃນສານທີ່ໄດ້ປະກາດຢ່າງກວ້າງຂວາງ, ທ່ານ Mark Sutcliffe, ເຈົ້າຄອງນະຄອນ Ottawa ໃຫ້ຮູ້ວ່າ ທ່ານໄດ້ຮັບຮູ້ວັນທີ 2 ກັນຍາ ແມ່ນວັນຊາດ ຫວຽດນາມ ຢູ່ນະຄອນຫຼວງ ການາດາ ເພາະວ່າວັນນີ້ ຍາມໃດກໍ່ຢູ່ໃນທີ່ຕັ້ງທີ່ພິເສດໃນດວງໃຈຂອງຊາວ ຫວຽດນາມ ຢູ່ທົ່ວທຸກບ່ອນ, ຂີດໝາຍຈຸດເວລາປະຫວັດສາດກ່ຽວກັບຄວາມເອກອ້າງທະນົງໃຈແຫ່ງຊາດຂອງພວກເຂົາ. ນະຄອນຫຼວງ Ottawa ກໍ່ໄດ້ຮັບຮູ້ເຖິງຄວາມສຳຄັນຂອງພິທີສະເຫຼີມສະຫຼອງວັນຊາດ ຫວຽດນາມ, ນັ້ນແມ່ນການເຊີດຊູນ້ຳໃຈຄວາມເອກອ້າງທະນົງໃຈຂອງຊາວຫວຽດນາມ, ເຮັດໃຫ້ການພົວພັນມິດຕະພາບລະຫວ່າງບັນດາປະຊາຄົມທີ່ດຳລົງຊີວິດຢູ່ນະຄອນຫຼວງເລິກເຊິ່ງຕື່ມອີກ.
ທ່ານ ດັ້ງຈຸງເຟືອກ, ປະທານສະຫະສະມາຄົມ ການາດາ ຫວຽດນາມ ໃຫ້ຮູ້ວ່າ ພິທີຊັກທຸງຂຶ້ນໄດ້ຈັດຕັ້ງຢ່າງຄ່ອງແຄ້ວ, ພິເສດແມ່ນເມື່ອໄດ້ຮັບການອະນຸຍາດຂອງນາຍົກເທດສະມົນຕີນະຄອນ Ottawa ແລະ ຮັບຮູ້ວ່າແມ່ນວັນບຸນເອກະລາດຂອງ ຫວຽດນາມ. ໃນອະນາຄົດ, ສະມາຄົມ CVS ຈະຊອກຫາວິທີທີ່ເພື່ອທະວີຄູນຂະບວນການນີ້ໃນທົ່ວ ການາດາ ເພື່ອຮັກສາຄວາມງາມທາງດ້ານວັດທະນະທໍານີ້.
 |
| ທ່ານເຈົ້າຄອງນະຄອນ Philip Brown (ເບື້ອງຂວາທີ 2) ພ້ອມກັບຄະນະບໍລິຫານງານສະມາຄົມຊາວຫວຽດນາມ ຢູ່ PEI ທີ່ພິທີຊັກທຸງຊາດຂຶ້ນຢູ່ສຳນັກງານເທສະບານ Charlottetown. (ພາບ: TTXVN) |
ຕາມທ່ານ ດັ້ງຈຸງເຟືອກ ແລ້ວ, ຊາວຫວຽດນາມ ທຸກຄົນບໍ່ວ່າຈະຢູ່ໃສກໍຕ້ອງສະແດງຄວາມຮູ້ບຸນຄຸນຕໍ່ລຸງໂຮ່, ຜູ້ກໍ່ຕັ້ງປະເທດຫວຽດນາມ. ທ່ານຮູ້ສຶກເປັນກຽດຫຼາຍທີ່ໄດ້ຢືນພາຍໃຕ້ທຸງຊາດໃນວັນບຸນເອກະລາດ, ຢູ່ນະຄອນຫຼວງຂອງ ການາດາ. ທ່ານຫວັງວ່າ ຊາວຫວຽດນາມ ທຸກຄົນທີ່ອາໄສຢູ່ ການາດາ ຈະຮ່ວມແຮງຮ່ວມໃຈເພື່ອສ້າງສາບ້ານເກີດເມືອງນອນທີ່ອຸດົມສົມບູນ ແລະ ສວຍງາມກວ່າ.
ນອກຈາກນັ້ນ, ຢູ່ Toronto - ສະຖານທີ່ທີ່ຄຶກຄື້ນທີ່ສຸດໃນ ການາດາ ແລະ ແມ່ນເມືອງເອກຂອງແຂວງລັດ Ontario, ທຸງສີແດງດາວສີເຫຼືອງຂອງ ຫວຽດນາມ ກໍ່ໄດ້ປິວສະບັດຢູ່ກາງສຳນັກງານເທດສະບານນະຄອນ, ສ້າງຂີດໝາຍບັນດາປະຖົມປັດໄຈໃໝ່ໃຫ້ແກ່ບັນດາການເຄື່ອນໄຫວພົບປະແລກປ່ຽນປະຊາຊົນ ພ້ອມທັງການພົວພັນອັນດີງາມລະຫວ່າງ ຫວຽດນາມ ແລະ ການາດາ.
 | ຍສໝ - ຕັ້ງຄ້າຍລະດູຮ້ອນ ໂດຍຄະນະກຳມະການຊາວຫວຽດນາມ ອາໄສຢູ່ຕ່າງປະເທດ ນະຄອນ ສົມທົບກັບຄະນະຊາວໜຸ່ມນະຄອນ ໂຮ່ຈີມິນ ແລະ ພະແນກການຕ່າງປະເທດນະຄອນດ່າໜັງ ຈັດຂື້ນ. ນີ້ແມ່ນໂອກາດເພື່ອໃຫ້ນັກທ່ອງທ່ຽວຕັ້ງແຄ້ມແຕ່ລະຄົນໄດ້ສຳຜັດກັບລະດັບຄວາມແຕກຕ່າງກັນກ່ຽວກັບບັນດາສະຖານທີ່ທີ່ຕົນໄປ, ວັດທະນະທຳ, ຮີດຄອງ, ປະເພນີຂອງຊາດຫວຽດນາມ ແລະ ບັນດາການເຄື່ອນໄຫວທີ່ຕົນເຂົ້າຮ່ວມ. |
 | ຍສໝ - ເຖິງວ່າຈະຫຍຸ້ງກັບວຽກງານ, ແຜນການເຄື່ອນໄຫວວຽກງານຫຼາຍຢ່າງ, ແຕ່ທ່ານເລຂາທິການໃຫຍ່ ຫງວຽນຟູ໋ຈ້ອງ ຍາມໃດກໍ່ຍາດເວລໄປພົບປະກັບປະຊາຄົມຊາວຫວຽດນາມຢູ່ຕ່າງປະເທດ, ສະແດງໃຫ້ເຫັນຄວາມຮັບຜິດຊອບ ແລະ ຄວາມຮັກແພງຊາວຫວຽດນາມ ຢູ່ຕ່າງປະເທດເປັນພິເສດ. |
ມີງດຶກ
