 | ນະຄອນໂຮ່ຈິມິນ ລາວ-ໄທ ຄະນະພົວພັນຕ່າງປະເທດ: ເອກອັກຄະລັດຖະທູດວັດທະນະທຳ ເຊື່ອມຕໍ່ມິດຕະພາບລະຫວ່າງປະຊາຊົນ 3 ປະເທດ. |
| 9 ແຂວງຂອງ 3 ປະເທດ ຫວຽດນາມ - ລາວ - ໄທ ສືບຕໍ່ຮ່ວມມືຮອບດ້ານ |
ການຫັນເປັນດິຈິຕອນຂອງຂະແໜງການທະນາຄານ ບໍ່ພຽງແຕ່ເປັນທ່າອ່ຽງ ຫາກຍັງເປັນບາດກ້າວທີ່ສໍາຄັນໄປສູ່ອະນາຄົດທາງດ້ານການເງິນທີ່ທັນສະໄຫມ ແລະ ມີໄຫວພິບ. ໄລຍະທີ່ຜ່ານມາ, ທະນາຄານແຫ່ງລັດ ຫວຽດນາມ ໄດ້ອອກແຜນການ ແລະ ໂຄງການເຄື່ອນໄຫວຫຼາຍຢ່າງເພື່ອສ້າງເງື່ອນໄຂໃຫ້ລະບົບທະນາຄານນຳໃຊ້ເຕັກໂນໂລຊີ, ຊຸກຍູ້ການຫັນເປັນດິຈິຕອນ, ສະໜອງການບໍລິການທີ່ປອດໄພ ແລະ ສະດວກສະບາຍ, ນຳມາເຊິ່ງຜົນປະໂຫຍດໃຫ້ແກ່ປະຊາຊົນ ແລະ ວິສາຫະກິດ.
ມາຮອດທ້າຍເດືອນ ພະຈິກ ປີ 2023, ທົ່ວທ້ອງຕະຫຼາດມີຕູ້ ATM ຫຼາຍກວ່າ 21,000 ຕູ້ ແລະ 513,000 POS; 77,41% ຂອງຜູ້ເຖິງກະສຽນຊາວ ຫວຽດນາມ ມີບັນຊີຊຳລະເງິນຢູ່ທະນາຄານ ຫຼື ສະຖາບັນອື່ນໆທີ່ໄດ້ຮັບອະນຸຍາດ. ເຄືອຂ່າຍການຍອມຮັບການຊຳລະ (POS/QR Code) ກວມເອົາຮາກຖານທຸລະກິດສ່ວນໃຫຍ່, ຮ້ານອາຫານ, ໂຮງແຮມ, ຮ້ານສະດວກຊື້ ແລະ ຄ່ອຍຂະຫຍາຍໄປສູ່ຮາກຖານທາງການແພດ, ໂຮງໝໍ ແລະ ໂຮງຮຽນ.
 |
| ການຫັນເປັນດິຈິຕອນຂອງຂະແໜງການທະນາຄານ ບໍ່ພຽງແຕ່ເປັນທ່າອ່ຽງເທົ່ານັ້ນ ຫາກຍັງເປັນບາດກ້າວທີ່ສຳຄັນໄປສູ່ອະນາຄົດທາງການເງິນທີ່ທັນສະໄໝ ແລະ ມີໄຫວພິບ (ພາບປະກອບ: KT) |
ພິເສດ, ຮອດທ້າຍ ປີ 2023, ຫວຽດນາມ ໄດ້ສຳເລັດການເຊື່ອມຕໍ່ລະບົບຊຳລະເງິນຂ້າມຊາຍແດນຜ່ານ QR Code ກັບ ໄທ ແລະ ກຳປູເຈຍ (ກຳລັງຜັນຂະຫຍາຍຕໍ່ກັບ ລາວ), ໃຫ້ປະຊາຊົນໃນແຕ່ລະປະເທດສາມາດສະແກນ QR Code ເພື່ອຊຳລະຄ່າສິນຄ້າ ແລະ ການບໍລິການຢ່າງປອດໄພ, ສະດວກໃນບັນດາປະເທດດັ່ງກ່າວ ດ້ວຍແອັບທະນາຄານຂອງ ຫວຽດນາມ ໃນໂທລະສັບ ແລະ ກົງກັນຂ້າມ.
ທ່ານຜູ້ວ່າການທະນາຄານແຫ່ງລັດ ນາງ ຫງວຽນທິຮົ່ງ ໃຫ້ຮູ້ວ່າ: ຫວຽດນາມ ຈະຜັນຂະຫຍາຍລະບົບ QR code ໄປສູ່ຕ່າງປະເທດ “ຫວຽດນາມ ໄດ້ສຳເລັດການເຊື່ອມຕໍ່ການຊຳລະເງິນຂ້າມຊາຍແດນຜ່ານລະຫັດ Qr code ກັບ ໄທ ແລະ ກຳປູເຈຍ ແລະ ກຳລັງຜັນຂະຫຍາຍຕໍ່ກັບ ລາວ, ຄາດວ່າຈະສືບຕໍ່ຜັນຂະຫຍາຍຕໍ່ບັນດາປະເທດພາຍໃນ ແລະ ພາຍນອກພາກພື້ນ ອາຊຽນ. ນອກຈາກນັ້ນ, ທະນາຄານຍັງໄດ້ສົມທົບຢ່າງເຂັ້ມງວດກັບກະຊວງຕຳຫຼວດໃນການປ້ອງກັນອາດຊະຍາກໍາ, ໂດຍສະເພາະໃນການປະຕິບັດໜ້າທີ່ຢູ່ໃນແຜນຮ່າງເລກທີ 06, ສູນຂໍ້ມູນພົນລະເມືອງ ເພື່ອເຮັດໃຫ້ຂໍ້ມູນໂປ່ງໃສ ແລະ ການກວດສອບຢັ້ງຢືນຂໍ້ມູນລູກຄ້າທີ່ຖືກຕ້ອງ, ສະຫນັບສະຫນູນການກູ້ຢືມຂອງຜູ້ບໍລິໂພກໃນຊ່ອງທາງເອເລັກໂຕນິກ, ການຄໍ້າປະກັນທາງເອເລັກໂຕນິກ ພ້ອມທັງປະກອບສ່ວນຮັບປະກັນການເຄື່ອນໄຫວຂອງທະນາຄານ”.
ລະບົບນິເວດຜະລິດຕະພັນ, ການບໍລິການດິຈິຕອນຂອງຂະແໜງການທະນາຄານດ້ວຍວິທີການຊໍາລະທີ່ທັນສະໄໝ ແລະ ສະດວກທີ່ໄດ້ເຊື່ອມຕໍ່ກັນ, ປະສົມປະສານຢ່າງລຸລ່ວງກັບບັນດາຂະແໜງການ ແລະ ຂົງເຂດອື່ນໆ: ບັນດາການບໍລິການໃນປະຕູຖານບໍລິການສາທາລະນະແຫ່ງຊາດ, ການບໍລິການພົນລະເຮືອນເຊັ່ນ: ການຊຳລະເງິນຄ່າໄຟຟ້າ, ນ້ໍາປະປາ, ໂທລະຄົມ, ສາທາລະນະສຸກ, ການສຶກສາ, ສິນຄ້າໃນຊ່ອງການຄ້າເອເລັກໂຕນິກ, ການບໍລິການຈອງລົດ, ການຈອງຮ້ານອາຫານ ແລະ ການທ່ອງທ່ຽວໃນຊ່ອງທາງດິຈິຕອນ... ລ້ວນແລ້ວແຕ່ຖືກຍົກຂຶ້ນ ຫຼື ເຊື່ອມຕໍ່ກັບແອັບມືຖືຂອງທະນາຄານ, ຈັດຕັ້ງຕົວກາງການຊຳລະເງິນ, ບໍລິການ Mobile – Money ອະນຸຍາດໃຫ້ປະຊາຊົນ ແລະ ວິສາຫະກິດພົວພັນຊື້, ຂາຍ, ຊຳລະເງິນຢ່າງປອດໄພ, ສະດວກ, ປະຢັດເວລາ ແລະ ຈ່າຍໃນແອັບ, ໂປຼແກມດິຈິຕອນທີ່ລື້ງເຄີຍໃນຊີວິດປະຈຳວັນ. ຜົນສຳເລັດທີ່ຕັ້ງໜ້າຈາກນະວັດຕະກໍານີ້ ໄດ້ປ່ຽນແປງວິທີທີ່ປະຊາຊົນ ແລະ ວິສາຫະກິດພົວພັນກັບທະນາຄານ, ໃນຂະນະທີ່ເປີດໂອກາດໃຫມ່ ແລະ ສ້າງສະພາບແວດລ້ອມທາງດ້ານການເງິນທີ່ປອດໄພ ແລະ ສະດວກສະບາຍ.
ທ່ານ ຫວູແທ່ງຈູງ, ສະມາຊິກຄະນະບໍລິຫານງານ, ຜູ້ຮັບຜິດຊອບທະນາຄານດິຈິຕອນຂອງທະນາຄານ MB ໃຫ້ຮູ້ວ່າ: "ເຕັກໂນໂລຢີແມ່ນສາມາດຕອບສະຫນອງຄວາມຕ້ອງການປ່ຽນແປງໃນຊີວິດປະຈໍາວັນຂອງລູກຄ້າ, ຢາກເຮັດໄດ້ແນວນັ້ນ ການລົງທຶນໃຫ້ຊັບພະຍາກອນມະນຸດແມ່ນມີຄວາມສໍາຄັນຫຼາຍ, ພວກຂ້າພະເຈົ້າມີວິສະວະກອນເຕັກໂນໂລຢີຂໍ້ມູນຂ່າວສານ 10,000 ຄົນ, ຮັບປະກັນການປ່ຽນແປງປະຈໍາວັນ, ປະຈໍາອາທິດ. ອັນທີສອງ, ພວກຂ້າພະເຈົ້າອອກແບບໂປູແກູມທີ່ຫຼາກຫຼາຍສໍາລັບບັນດາກຸ່ມຂະແໜງການທີ່ແຕກຕ່າງກັນ, ດ້ວຍໜ້າທີ່ຊຳລະເງິນຄືກັນ ແຕ່ການຂາຍຍ່ອຍຈະແຕກຕ່າງກັບການຂາຍຍົກ, ການຂົນສົ່ງຈະແຕກຕ່າງກັນ".
ແທນທີ່ຈະຖືກປິດ ແລະ ບໍ່ແບ່ງປັນຂໍ້ມູນກັບລູກຄ້າ, ທະນາຄານໄດ້ເປີດ - Open Banking ກຳລັງຈະກາຍເປັນທ່າອ່ຽງທີ່ມີຄວາມນິຍົມຫຼາຍຂຶ້ນຢູ່ ຫວຽດນາມ. ບໍລິສັດເຕັກໂນໂລຊີ FPT ກໍ່ກຳລັງຊຸກຍູ້ Open Banking ຢູ່ ຫວຽດນາມ ແລະ ເຊື່ອມໂຍງເສດຖະກິດດີຈີຕອນທົ່ວໂລກ, ຄົ້ນຄວ້າ ແລະ ສະເໜີບັນດາມາດຕະການດ້ານເຕັກໂນໂລຢີ ເພື່ອຊ່ວຍແກ້ໄຂບັນດາບັນຫາເຊື່ອມໂຍງ ແລະ ມີຂັ້ນຕອນທີ່ເໍື່ອມຕໍ່ກັນລະຫວ່າງລະບົບທະນາຄານ.
ທ່ານ ຫວູແອງດຶກ, ຮອງຜູ້ອຳນວຍການສູນໂປູແກູມ ແລະ ການຢັ້ງຢືນຕົວຕົນດິຈິຕອນ, ບໍລິສັດລະບົບຂໍ້ມູນຂ່າວສານ FPT ໃຫ້ຮູ້ວ່າ: "ໃນປັດຈຸບັນເມື່ອໂອນ 10 ລ້ານ, ບໍ່ຈໍາເປັນຕ້ອງມີການກວດກາຢັ້ງຢືນ, ແຕ່ຫຼັງຈາກວັນທີ 1 ເດືອນ ກໍລະກົດ, ເມື່ອໂອນ 10 ລ້ານ, ພວກເຮົາຈະນໍາໃຊ້ຊີວະມິຕິ. ປົກກະຕິແລ້ວ ພວກເຮົາຈໍາເປັນຕ້ອງຈື່ລະຫັດຜ່ານ, ແຕ່ໃນປັດຈຸບັນພວກເຮົາຈະບໍ່ຈໍາເປັນຕ້ອງຈື່ຈຳ, ພວກເຮົາຈະນໍາໃຊ້ຮູບຫນ້າຂອງພວກເຮົາສໍາລັບແຕ່ລະການພົວພັນແລກປ່ຽນ, ແນວນັ້ນຈະມີຜົນປະໂຫຍດຫຼາຍຕໍ່ຜູ້ນຳໃຊ້ ແລະ ສັງຄົມໃນດ້ານການປ້ອງກັນການສໍ້ໂກງ ກໍຄືການນຳມາເຊິ່ງຄວາມປອດໄພດ້ານຮັກສາຄວາມລັບ”.
ຄຽງຂ້າງນັ້ນ, ບັນດາອົງການສິນເຊື່ອກໍາລັງສົມທົບຢ່າງຕັ້ງໜ້າກັບບັນດາວິສາຫະກິດທີ່ໄດ້ຮັບອະນຸຍາດຈາກກະຊວງຕຳຫຼວດ ເພື່ອສະຫນອງມາດຕະການການກວດກາຢັ້ງຢືນຜູ້ນຳໃຊ້ດ້ວຍບັດປະຈໍາຕົວພົນລະເມືອງທີ່ຕິດຊິບໃສ່ ເພື່ອຈັດຕັ້ງປະຕິບັດມາດຕະການການກວດກາຢັ້ງຢືນລູກຄ້າ. ໃນນັ້ນ, ອົງການສິນເຊື່ອຫຼາຍແຫ່ງໄດ້ລົງນາມໃນສັນຍາ ແລະ ພວມປະຕິບັດຕົວຈິງຄື: 48 ອົງການສິນເຊື່ອໄດ້ຈັດຕັ້ງປະຕິບັດການຢັ້ງຢືນລູກຄ້າດ້ວຍບັດປະຈຳຕົວພົນລະເມືອງທີ່ຕິດຊິບໃສ່ ຜ່ານແອັບໃນໂທລະສັບ; 60 ອົງການສິນເຊື່ອໄດ້ຈັດຕັ້ງປະຕິບັດການຢັ້ງຢືນລູກຄ້າດ້ວຍບັດປະຈຳຕົວພົນລະເມືອງທີ່ຕິດຊິບໃສ່ ຜ່ານອຸປະກອນທີ່ເຄົາເຕີ.
ກ່ຽວກັບການເຮັດຂໍ້ມູນໃຫ້ໂປ່ງໃສ: 24 ອົງການສິນເຊື່ອໄດ້ລົງນາມກັບກົມຕໍາຫຼວດຄຸ້ມຄອງການບໍລິຫານຄວາມເປັນລະບຽບຮຽບຮ້ອຍຂອງສັງຄົມ - ກະຊວງຕໍາຫຼວດ C06 ເພື່ອປະຕິບັດການເຮັດໃຫ້ຂໍ້ມູນລູກຄ້າໂປ່ງໃສຕາມວິທີ offline; 19 ອົງການສິນເຊື່ອກໍາລັງຜັນຂະຫຍາຍທົດສອບແອັບບັນຊີຢັ້ງຢືນລູກຄ້າ ແລະ ຢັ້ງຢືນເອເລັກໂຕຣນິກ (VNeID) ໃນການດໍາເນີນງານດັ່ງຕໍ່ໄປນີ້: ການເປີດບັນຊີຊໍາລະ; ຢັ້ງຢືນການພົວພັນແລກປ່ຽນການຊຳລະເງິນ; ປຽບທຽບ ແລະ ຢັ້ງຢືນຂໍ້ມູນລູກຄ້າ.
ທ່ານ ຫງວຽນຢຸ່ຍຫງອກ, ຮອງລັດຖະມົນຕີກະຊວງຕຳຫຼວດ ໄດ້ແບ່ງປັນກ່ຽວກັບມາດຕະການການຢັ້ງຢືນໂດຍໃຊ້ບັດປະຈຳຕົວພົນລະເມືອງຕິດຊິບວ່າ: “ມາດຕະການຈັດຕັ້ງປະຕິບັດການຢັ້ງຢືນໂດຍນຳໃຊ້ບັດປະຈຳຕົວພົນລະເມືອງທີ່ຕິດຊິບແມ່ນວ່ອງໄວ ແລະ ປອດໄພ. ຮອດປະຈຸບັນ, ພວກຂ້າພະເຈົ້າໄດ້ນຳເຂົ້າສູ່ໜ້າທີ່ຫຼັກ ເພື່ອຢັ້ງຢືນຊື່ຢ່າງມີປະສິດທິຜົນ 1,5 ລ້ານເທື່ອຂອງການນໍາໃຊ້ບໍລິການ, ໂດຍສະເລ່ຍຕໍ່ເດືອນ ຫຼາຍກວ່າ 300.000 ເທື່ອການໃຊ້ບໍລິການ, ຄຸນນະພາບການບໍລິການທີ່ໄດ້ຖືກອ່ານ ແລະ ຢືນຢັນຜົນສໍາເລັດດ້ວຍບັນດາຫົວອ່ານໃນເວລາຫນ້ອຍກວ່າ 2 ວິນາທີ, ໃນໂທລະສັບຈາກ 3-5 ວິນາທີ, ພວກເຮົາສາມາດໄວ້ວາງໃຈໃນມາດຕະການນີ້ ເພື່ອຄ່ອຍປ່ຽນແທນວິທີການແບບດັ້ງເດີມ, ລົບລ້າງອົງປະກອບທາງອາດຊະຍາກຳຂອງຄວາມປອດໄພດ້ານການເງິນ”.
ທ່ານ ຟ້າມແອງຕັວນ, ຫົວໜ້າກົມຊຳລະເງິນ (ທະນະຄານແຫ່ງລັດ) ໃຫ້ຮູ້ວ່າ: ປະຕິບັດບັນດານະໂຍບາຍ, ທິດທາງຂອງພັກ ແລະ ລັດຖະບານໃນການປະຕິວັດອຸດສາຫະກຳ 4.0 ແລະ ການຫັນເປັນດິຈິຕອນແຫ່ງຊາດ, ຂະແໜງການທະນາຄານທັງໝົດໄດ້ຕັ້ງໜ້າປະຕິບັດບັນດາໜ້າທີ່ໃນແຜນການຫັນເປັນດິຈິຕອນ. ນັບຕາມການສະເລ່ຍຂອງຂະແໜງການທັງໝົດ, ຫຼາຍເປົ້າຫມາຍໄດ້ເຂົ້າເຖິງ ຫຼື ເກີນເປົ້າຫມາຍທີ່ກໍານົດໄວ້ໃນປີ 2025.
ລະອຽດ ຢູ່ທະນາຄານແຫ່ງລັດ, 100% ຂອງລະບຽບການບໍລິຫານແມ່ນພຽງພໍໃຫ້ຄວາມຮຽກຮ້ອງທີ່ໄດ້ສະໜອງພາຍໃຕ້ຮູບແບບການບໍລິການສາທາລະນະຄົບວົງຈອນ ແລະ ປະສົມປະສານຢູ່ປະຕູຖານບໍລິການສາທາລະນະແຫ່ງຊາດ; ຫຼາຍກວ່າ 90% ຂອງສຳເນົາເອກະສານການເຮັດວຽກແມ່ນໄດ້ຮັບການຈັດການ ແລະ ເກັບຮັກສາໄວ້ໃນສະພາບແວດລ້ອມດິຈິຕອນ (ຍົກເວັ້ນສຳເນົາເອກະສານວຽກງານທີ່ເປັນຄວາມລັບຂອງລັດ). ໃນທ້າຍປີ 2023, 87% ຂອງຜູ້ທີ່ເຖິງກະສຽນອາຍຸ, ທຽບເທົ່າກັບ 182 ລ້ານບັນຊີຊໍາລະ, ເກີນແຜນການທີ່ໄດ້ວາງອອກໄວ້ໃນມະຕິຕົກລົງເລກທີ 1813/QD-TTg ຂອງນາຍົກລັດຖະມົນຕີ.
 | ສະເໜີລາວ, ກຳປູເຈຍ, ໄທ, ຫວຽດນາມ ພ້ອມກັນພັດທະນາການທ່ອງທ່ຽວ “4 ປະເທດ 1 ຈຸດໝາຍປາຍທາງ” ຍສໝ - ຕອນບ່າຍວັນທີ 17 ມັງກອນ 2024 (ຕາມເວລາທ້ອງຖິ່ນ) ຢູ່ Davos ປະເທດສະວິດ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເຂົ້າຮ່ວມ ແລະ ກ່າວປາໄສ ດ້ວຍຖານະນັກປາຖະກະຖາຫຼັກທີ່ກອງປະຊຸມປຶກສາຫາລື “ບົດຮຽນຈາກ ອາຊຽນ” ໃນຂອບກອງປະຊຸມປະຈຳປີຄັ້ງທີ 54 ຂອງເວທີປາໄສເສດຖະກິດໂລກ (WEF) Davos ປີ ... |
 | ຫວຽດນາມ ໄດ້ເຂົ້າອັນດັບໃນ 15 ປະເທດ ແລະ ເຂດແຄວ້ນທີ່ກ້າວໜ້າທີ່ສຸດໃນອາຊີ ຍສໝ - ຫວ່າງມໍ່ໆມານີ້, ຫວຽດນາມໄດ້ຂຶ້ນສູ່ອັນດັບ 15 ປະເທດກ້າວໜ້າທີ່ສຸດໃນອາຊີ, ອີງຕາມການຕີລາຄາຂອງເວັບໄຊຂ່າວການເງິນ Insider Monkey. ນອກຈາກຫວຽດນາມແລ້ວ, ອາຊີຕາເວັນອອກສ່ຽງໃຕ້ຍັງລວມມີສິງກະໂປ, ໄທ ແລະມາເລເຊຍ. |
ມິງດຶກ
