| ຄ້າຍພັກແລ້ງ ຫວຽດນາມ 2022: ພ້ອມກັນດຳເນີນຢູ່ 9 ແຂວງ, ນະຄອນໃນທົ່ວປະເທດ | |
| ຫວຽດນາມ ເຂົ້າຮ່ວມກອງປະຊຸມຄັ້ງທີ 2 ໃນ ປີ 2022 ຂອງຄະນະກຳມະການປະສານງານ ເຊື່ອມຕໍ່ອາຊຽນ |
 |
| ຄະນະຊາວໜຸ່ມຖ່າຍຮູບຢູ່ອະນຸສາວະລີ ແມ່ຫວຽດນາມ ວິລະຊົນ (ພາບ: scov.gov.vn.) |
ຕາມແຜນການ 4582 ກ່ຽວກັບການສົມທົບກັນຈັດຕັ້ງບັນດາການເຄື່ອນໄຫວໃນຂອບເຂດໂຄງການ “ຄ້າຍພັກແລ້ງ ຫວຽດນາມ 2022” ຫາກໍ່ໄດ້ປະກາດໃຊ້ ໂດຍຄະນະກຳມະການປະຊາຊົນແຂວງກ໋ວາງນາມ ໃນວັນທີ 14 ກໍລະກົດ 2022.
ລະອຽດແມ່ນ, ໃນລະຫວ່າງວັນທີ 28 – 30 ກໍລະກົດ, ຄະນະຊາວໜຸ່ມເຊື້ອຊາດຫວຽດນາມ ອາໄສຢູ່ຕ່າງປະເທດ ຈະເຂົ້າຮ່ວມ, ລົງພຶດຕິກຳຕົວຈິງ ການເຄື່ອນໄຫວທີ່ມີຄວາມໝາຍຄື: ຢ້ຽມຊົມຫໍພິພິທະພັນແຂວງ ແລະ ມອບຂອງຂວັນສະແດງຄວາມຮູ້ບຸນຄຸນໃຫ້ແກ່ແມ່ຫວຽດນາມ ວິລະຊົນ 5 ຄົນໃນແຂວງ, ຢ້ຽມຊົມ ແລະ ຈຸດທູບໄຕ້ທຽນໄວ້ອາໄລຢູ່ເຂດອະນຸສາວະລີ ແມ່ ຫວຽດນາມ ວິລະຊົນ, ຢ້ຽມຊົມໝູ່ບ້ານບິກຮວາຕາມແທັງ, ເຂົ້າຮ່ວມການເຄື່ອນໄຫວລົງພຶດຕິກຳຕິວຈິງແຕ້ມພາບບິກຮ້ວາ (ແຕ້ມພາບໃສ່ຝາ).
ຄ້າຍພັກແລ້ງຫວຽດນາມ ແມ່ນໜຶ່ງໃນບັນດາການເຄື່ອນໄຫວໂດຍຄະນະກຳມະການແຫ່ງລັດກ່ຽວກັບຊາວຫວຽດນາມອາໄສຢູ່ຕ່າງປະເທດ ຈັດຕັ້ງປະຈຳປີ ເພື່ອແນໃສ່ສ້າງສະຖານທີ່ລະຫຼີ້ນໃຫ້ແກ່ຊາວໜຸ່ມ, ນັກສຶກສາທີ່ຢູ່ຕ່າງປະເທດເຊື່ອມຕໍ່, ພົບປະແລກປ່ຽນກັບຊາວໜຸ່ມ, ນັກສຶກສາພາຍໃນປະເທດ, ກັບຄືນເມືອບ້ານເກີດເມືອງນອນເພື່ອສະແດງຄວາມຮູ້ບຸນຄຸນ, ລົງພຶດຕິກຳຕົວຈິງ, ສ້າງກາລະໂອກາດເພື່ອໃຫ້ໄວໜຸ່ມ ຫວຽດນາມ ທັງຢູ່ພາຍໃນ ແລະ ຕ່າງປະເທດ ຊຸກຍູ້ການຮ່ວມມືເພື່ອແນໃສ່ເສີມຂະຫຍາຍບົດບາດຫຼັກແຫຼ່ງ, ປະກອບສ່ວນເຂົ້າໃນພາລະກິດແຫ່ງການສ້າງສາ ແລະ ປົກປັກຮັກສາປະເທດຊາດ.
ຄ້າຍພັກແລ້ງຫວຽດນາມປີນີ້ ມີການເຂົ້າຮ່ວມຂອງຜູ້ແທນ 108 ທ່ານໃນເກນອາຍຸແຕ່ 16 – 24 ປີ ໂດຍແມ່ນຜູ້ຕາງໜ້າໃຫ້ແກ່ ຄະນະຊາວໜຸ່ມເຊື້ອຊາດຫວຽດນາມ ອາໄສຢູ່ຕ່າງປະເທດ ທີ່ມາຈາກ 25 ປະເທດໃນໂລກ. ບັນດາການເຄື່ອນໄຫວໃນຂອບເຂດຂອງຄ້າຍພັກແລ້ວ ຫວຽດນາມ ປີ 2022 ຈະດຳເນີນຢູ່ 9 ແຂວງ, ນະຄອນ ໃນທົ່ວປະເທດ, ໃນນັ້ນ ມີແຂວງກ໋ວາງນາມ. ພິທີໄຂຈະຈັດຕັ້ງຢູ່ນະຄອນວິງ, ເງະອານ ແລະ ພິທີອັດຈະຈັດຕັ້ງຢູ່ນະຄອນວູງເຕົ່າ. ໂດຍເຂົ້າຮ່ວມບັນດາການເຄື່ອນໄຫວຄືຢ້ຽມຊົມທິວທັດທຳມະຊາດ, ຮ່ອງຮອຍວັດທະນະທຳປະຫວັດສາດ, ບັນດາໂຄງການພົວພັນແລກປ່ຽນ, ການເຄື່ອນໄຫວທຳການກຸສົນຢູ່ບັນດາທ້ອງຖິ່ນ.
ບຸນຄົງ
