| ທ່ານລັດຖະມົນຕີການຕ່າງປະເທດ ບຸຍແທັງເຊີນ ເຂົ້າຮ່ວມກອງປະຊຸມລັດຖະມົນຕີການຕ່າງປະເທດແມ່ນ້ຳຂອງ - ແມ່ນ້ຳລ້ານຊ້າງ ຄັ້ງທີ 7 | |
| ມອບຂໍ້ຕົກລົງເລື່ອນຊັ້ນພົນເອກໃຫ້ສະຫາຍ ໂຕເລິມ ແລະສະຫາຍ ເລືອງເກື່ອງ |
 |
| ພ່ບປະກອບ (ພາບ: VOV) |
ທີ່ການຕ້ອນຮັບ, ທ່ານລັດຖະມົນຕີ ໂຕເລິມ ເນັ້ນໜັກວ່າ, ການຢ້ຽມຢາມ ແລະ ເຮັດວຽກຂອງຄະນະຜູ້ແທນກະຊວງປ້ອງກັນຄວາມສະຫງົບ ລາວ ໄດ້ຢືນຢັນຄືນໃໝ່ອີກເທື່ອໜຶ່ງເຖິງຄວາມໄວ້ເນື້ອເຊື່ອໃຈທາງດ້ານການເມືອງ, ນໍ້າໃຈອ້າຍນ້ອງ, ສະຫາຍໃນຄອບຄົວດຽວກັນລະຫວ່າງກຳລັງຕຳຫຼວດປະຊາຊົນສອງປະເທດຫວຽດນາມ - ລາວ; ແມ່ນພື້ນຖານໃຫ້ແກ່ບັນດາອົງການເຈົ້າໜ້າທີ່ຂອງສອງກະຊວງເພື່ອຊຸກຍູ້ການຮ່ວມມືດ້ານຄວາມໝັ້ນຄົງ, ປ້ອງກັນ ແລະ ຕ້ານອາດຊະຍາກຳ, ວຽກງານການເມືອງ. ທ່ານຮອງລັດຖະມົນຕີ ວັນທອງ ກອງມະນີ ເຊື່ອໝັ້ນວ່າ ການພົວພັນຮ່ວມມືລະຫວ່າງກຳລັງຕຳຫຼວດສອງປະເທດຈະນັບມື້ນັບພັດທະນາ, ເຂົ້າສູ່ລວງເລິກ, ຮັບໃຊ້ໜ້າທີ່ພັດທະນາເສດຖະກິດ - ສັງຄົມ ແລະ ການຕ່າງປະເທດຂອງແຕ່ລະປະເທດຢ່າງແທດຈິງ.
ຕອນເຊົ້າວັນດຽວກັນ, ກະຊວງຕໍາຫຼວດ ໄດ້ຈັດພິທີຕ້ອນຮັບຄະນະຜູ້ແທນກະຊວງປ້ອງກັນຄວາມສະຫງົບແຫ່ງ ສປປ ລາວ ຢ່າງເປັນທາງການ ໂດຍທ່ານພົນຕີ ວັນທອງ ກອງມະນີ ຮອງລັດຖະມົນຕີກະຊວງປ້ອງກັນຄວາມສະຫງົບ ເປັນຫົວໜ້າຄະນະ, ເດີນທາງມາຢ້ຽມຢາມ ແລະ ເຮັດວຽກຢູ່ຫວຽດນາມ. ພາຍຫຼັງພິທີຕ້ອນຮັບ, ທ່ານພົນໂທ ເຈີນກວັກຕໍ໊, ຮອງລັດຖະມົນຕີກະຊວງຕຳຫຼວດ ແລະ ຄະນະຜູ້ແທນກະຊວງຕຳຫຼວດ ຫວຽດນາມ ໄດ້ມີການເຮັດວຽກ ກັບທ່ານຮອງລັດຖະມົນຕີ ວັນທອງ ກອງມະນີ ແລະ ຄະນະຜູ້ແທນກະຊວງປ້ອງກັນຄວາມສະຫງົບ ລາວ.
ຫອມມາລາ
