 |
| ກອງປະຊຸມລັດຖະມົນຕີການຕ່າງປະເທດແມ່ນ້ຳຂອງ - ແມ່ນ້ຳລ້ານຊ້າງ ຄັ້ງທີ 7(ພາບ: TTXVN) |
ກອງປະຊຸມໄດ້ເນັ້ນໜັກເຖິງບັນດາຫຼັກການການຮ່ວມມືທີ່ເຫັນດີເຫັນພ້ອມ, ສະເໝີພາບ, ປຶກສາຫາລືເຊິ່ງກັນ ແລະ ກັນ, ແບ່ງປັນຜົນປະໂຫຍດ, ເຄົາລົບກົດບັດສະຫະປະຊາຊາດ ແລະ ກົດໝາຍສາກົນ, ກໍຄືຄວາມແທດເໝາະກັບຂໍ້ກໍານົດ ແລະ ກົດໝາຍຂອງແຕ່ລະປະເທດ; ພ້ອມກັນນັ້ນ, ກໍເຫັນດີເປັນເອກະພາບຊຸກຍູ້ການຮ່ວມມື MLC…
ກອງປະຊຸມໄດ້ຮັບຮອງເອົາຖະແຫຼງການສື່ມວນຊົນລວມ ແລະ 4 ຖະແຫຼງລວມ ກ່ຽວກັບການເພີ່ມທະວີການຮ່ວມມືດ້ານກະສິກຳ, ການປ້ອງກັນ ແລະ ຕ້ານໄພທໍາມະຊາດ, ພາສີ ແລະ ອໍານວຍຄວາມສະດວກດ້ານການຄ້າ, ແລະ ພົບປະແລກປ່ຽນລະຫວ່າງບັນດາພື້ນຖານອະລິຍະທຳ MLC. ຕາມນັ້ນແລ້ວ, ການຮ່ວມມື MLC ໃນໄລຍະຈະມາເຖິງ ຈະສຸມໃສ່ບັນດາເນື້ອໃນຄື ການຟື້ນຟູ ແລະ ພັດທະນາເສດຖະກິດ; ການຄຸ້ມຄອງໄພທໍາມະຊາດ, ການປົກປັກຮັກສາສິ່ງແວດລ້ອມ, ການປັບຕົວກັບການປ່ຽນແປງດິນຟ້າອາກາດ, ການນຳໃຊ້ຊັບພະຍາກອນທຳມະຊາດແບບຍືນຍົງ; ການປັບປຸງຄວາມໝັ້ນຄົງ ແລະ ການແພດ; ການພົບປະແລກປ່ຽນກັບປະຊາຊົນ.
ໂດຍການກ່າວຄຳປາໄສທີ່ກອງປະຊຸມ, ທ່ານລັດຖະມົນຕີກະຊວງການຕ່າງປະເທດ ຫວຽດນາມ ບຸຍແທັງເຊີນ ຢືນຢັນຄວາມຖືເປັນສຳຄັນ ແລະ ການປະກອບຢ່າງມີປະສິດທິຜົນຂອງຫວຽດນາມ ໃນການຮ່ວມມືກັບ MLC, ພ້ອມກັນນັ້ນ ກໍໄດ້ສະເໜີ 4 ກຸ່ມວິທີການຕົ້ນຕໍຄື ນໍາການຮ່ວມມື ເພື່ອຟື້ນຟູເສດຖະກິດ ແລະ ຍົກສູງຄວາມຕ້ານຂອງພື້ນຖານເສດຖະກິດເປັນຈຸດສຸມ, ເພີ່ມທະວີການຮ່ວມມືດ້ານພາສີ ແລະ ອໍານວຍຄວາມສະດວກດ້ານການຄ້າ ເພື່ອແກ້ໄຂສິນຄ້າທີ່ຜ່ານແດນຊັກຊ້າ, ຮັບປະກັນການຈະລາຈອນ ສິນຄ້າ ແລະ ບໍລິການ; ໜູນຊ່ວຍບັນດາປະເທດສະມາຊິກປັບຕົວເຂົ້າກັບການປ່ຽນແປງຂອງດິນຟ້າອາກາດ ແລະ ຫັນໄປສູ່ຮູບແບບເສດຖະກິດສີຂຽວ, ລວມມີ ການຍົກສູງຄວາມສາມາດການຜະລິດ ແລະ ການເກັບຮັກສາພະລັງງານສະອາດ, ການໜູນໃຊ້ເຕັກໂນໂລຊີທັນສະໄໝເຂົ້າໃນການພັດທະນາກະສິກຳທັນສະໄໝ, ການປັບຕົວກັບສະພາບອາກາດ; ການຊຸກຍູ້ການຮ່ວມມືໃນການຄຸ້ມຄອງ ແລະ ນຳໃຊ້ຊັບພະຍາກອນນ້ຳແບບຍືນຍົງ, ໂດຍສະເພາະແມ່ນການເລັ່ງລັດການວາງແຜນກະທໍາການຮ່ວມມືດ້ານຊັບພະຍາກອນນ້ຳ MLC ໄລຍະ 2023-2027; ການເພີ່ມທະວີເຊື່ອມຕໍ່ປະຊາຊົນໂດຍຜ່ານການຟື້ນຟູ ແລະ ຂະຫຍາຍການເຄື່ອນໄຫວດ້ານທ່ອງທ່ຽວ, ການຮ່ວມມືລະຫວ່າງບັນດາອຳນາດການປົກຄອງທ້ອງຖິ່ນ ແລະ ບັນດາລາຍການວັດທະນະທຳ, ກິລາ, ສື່ມວນຊົນ, ການມອບສິດໃຫ້ແມ່ຍິງ ແລະ ຊາວໜຸ່ມ.
ຫອມມາລາ
