ຕອນບ່າຍວັນທີ 30 ມິຖຸນາ, ຢູ່ນະຄອນ ເກີນເທີ, ກະຊວງກະສິກຳ ແລະ ພັດທະນາຊົນນະບົດ ສົມທົບກັບສະມາຄົມກະສິກຳ ເຢຍລະມັນ (DLG), ສະຖາບັນຄົ້ນຄວ້າກ່ຽວກັບເຂົ້າ ສາກົນ (IRRI) ໄດ້ຈັດຕັ້ງພິທີປະກາດເຫດການ Agritechnica Asia Live 2022 ດ້ວຍຫົວຂໍ້ "ຫັນເປັນການນຳໃຊ້ກົນຈັກຢ່າງຄົບຊຸດມຸ່ງໄປເຖິງກະສິກຳແບບຍືນຍົງ".
 |
| Agritechnica Asia Live 2022 ຈະຈັດຂຶ້ນຢູ່ ເກິນເທີ ແຕ່ວັນທີ 24 ຫາ 26 ສິງຫາ. |
ນີ້ແມ່ນເຫດການສາກົນຈຸດສຸມທີ່ມີຂີດໝາຍຂອງຂະແໜງກະສິກຳ ແລະ ພັດທະນາຊົນນະບົດໃນປີ 2022 ເພື່ອຊຸກຍູ້ການຜະລິດກະສິກຳແບບຍືນຍົງຜ່ານການນຳໃຊ້ບັນດາວິທີແກ້ໄຂເຕັກໂນໂລຢີທີ່ກ້າວໜ້າ ແລະ ທັນສະໄໝ. ເຫດການຈະດຳເນີນຢູ່ນະຄອນ ເກີນເທີ ແຕ່ວັນທີ 24 – 26 ສິງຫາ. ຄາດວ່າຈະມີຜູ້ແທນ, ແຂກຢ້ຽມຊົມພາຍໃນ ແລະຕ່າງປະເທດປະມານ 4.000 ຄົນເຂົ້າຮ່ວມເຫດການ.
Agritechnica Asia Live 2022 ຈະດຳເນີນບັນດາການເຄື່ອນໄຫວຕົ້ນຕໍລວມມີ: ສະແດງຮູບແບບປະຕິບັດການຜະລິດ, ເຕັກໂນໂລຢີ ແລະກົນຈັກກະສິກຳໃນທົ່ງນາ; ວາງສະແດງ ແລະງານວາງສະແດງເຕັກໂນໂລຢີ, ເຄື່ອງຈັກ ແລະມາດຕະການປະດິດຄິດສ້າງ, ຍືນຍົງໃນບັນດາຂົງເຂດ ຄື: ປູກຝັງ, ລ້ຽງສັດ, ປູກລ້ຽງສິນໃນນ້ຳ...
ຕາມທ່ານ ເລກວກແທ່ງ, ຫົວໜ້າສູນສົ່ງເສີມກະສິກຳແຫ່ງຊາດ, ກະຊວງກະສິກຳ ແລະ ພັດທະນາຊົນນະບົດ ແລ້ວ, Agritechnica Asia Live 2022 ຈະແມ່ນໂອກາດເພື່ອໃຫ້ຊາວກະສິກອນ ແລະສະຫະກອນເຂົ້າເຖິງບັນດາເຕັກໂນໂລຢີ, ເຄື່ອງຈັກ ແລະຮູບແບບກະສິກຳທັນສະໄໝຢ່າງວ່ອງໄວ ແລະມີປະສິດ ທິຜົນ; ສ້າງບ່ອນຫຼິ້ນໃຫ້ວິສາຫະກິດພາຍໃນ ແລະຕ່າງປະເທດ ໄດ້ມີໂອກາດໂຄສະນາຜະລິດຕະພັນ ແລະອຸປະກອນ, ຊຸກຍູ້ການແລກປ່ຽນ ແລະການຮ່ວມມືດ້ານກະສິກຳ; ...
ບູນມີ
