ເນື່ອງໃນໂອກາດສະເຫຼີມສະຫຼອງ 97 ປີແຫ່ງວັນສື່ມວນຊົນປະຕິວັດຫວຽດນາມ (ວັນທີ 21 ມິຖຸນາ 1925 – ວັນທີ 21 ມິຖຸນາ 2022), ວັນທີ 13 ມິຖຸນາ, ທ່ານນາງເອກອັກຄະລັດຖະທູດ ຫງວຽນເຟືອງງາ, ປະທານສະຫະພັນບັນດາ ອົງການຈັດຕັ້ງມິດຕະພາບ ຫວຽດນາມ (VUFO) ໄດ້ໄປຢ້ຽມຢາມ ແລະ ອວຍພອນບັນດາພະນັກງານ, ນັກຂ່າວ, ບັນນາທິການວິທະຍຸກະຈາຍສຽງ ຫວຽດນາມ (VOV) ແລະ ໜັງສືພິມກອງທັບປະຊາຊົນ.
 |
| ທ່ານນາງເອກອັກຄະລັດຖະທູດ ຫງວຽນເຟືອງງາ, ປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ (VUFO) ຢ້ຽມຢາມ ແລະ ອວຍພອນບັນດາພະນັກງານ, ນັກຂ່າວ, ນັກ ບັນນາທິການ VOV. ພາບ: vufo.org.vn |
ທ່ານນາງເອກອັກຄະລັດຖະທູດ ຫງວຽນເຟືອງງາ ໄດ້ສົ່ງຄຳອວຍພອນອັນດີງາມເຖິງບັນດາການນຳ, ນັກຂ່າວ, ນັກບັນນາທິການ VOV ເນື່ອງໃນໂອກາດວັນສື່ມວນຊົນປະຕິວັດຫວຽດນາມ. ຕີລາຄາສູງວິຊາຊີບ ແລະ ຄວາມຖືກຕ້ອງຊັດເຈນຂອງ VOV, ທ່ານນາງເອກອັກຄະລັດຖະທູດ ຫງວຽນເຟືອງງາ ໄດ້ຂອບໃຈ VOV ທີ່ຍາມໃດກໍ່ໜູນຊ່ວຍ, ຊ່ວຍເຫຼືອສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ແລະ ໄດ້ໃຊ້ເວລາຫຼາຍສົມຄວນໃນການພົວພັນທາງການທູດປະຊາຊົນ. ທ່ານນາງເອກອັກຄະລັດຖະທູດ ໄດ້ສະແດງຄວາມຊົມເຊີຍພະນັກງານ, ນັກຂ່າວ, ນັກບັນນາທິການ VOV ທີ່ຜ່ານຜ່າທຸກຄວາມຫຍຸ້ງຍາກ, ສິ່ງທ້າທາຍ, ປະຕິບັດສຳເລັດໜ້າທີ່ ແລະ ສືບຕໍ່ພັດທະນາ.
ທ່ານ ຟ້າມແມ້ງຮຸ່ງ, ຮອງຜູ້ອຳນວຍການໃຫຍ່ VOV ໃຫ້ຮູ້ວ່າ: ວິທະຍຸກະຈາຍສຽງຫວຽດນາມ ຍາມໃດກໍ່ພ້ອມແລ້ວທີ່ຈະຮ່ວມມືກັບສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ປະຕິບັດໜ້າທີ່ຂອງຕົນ.
ກໍ່ໃນວັນດຽວກັນ, ທ່ານນາງເອກອັກຄະລັດຖະທູດ ຫງວຽນເຟືອງງາ ໄດ້ມອບດອກໄມ້ ແລະ ອວຍພອນບັນດາການນຳ, ນັກຂ່າວ, ນັກບັນນາທິການໜັງສືພິມກອງທັບປະຊາຊົນ ເນື່ອງໃນໂອກາດວັນສື່ມວນຊົນປະຕິວັດຫວຽດນາມ.
 |
| ທ່ານນາງເອກອັກຄະລັດຖະທູດ ຫງວຽນເຟືອງງາ, ປະທານສະຫະພັນບັນດາອົງການຈັດຕັ້ງມິດຕະພາບ ຫວຽດນາມ (VUFO) ຢ້ຽມຢາມ ແລະ ອວຍພອນບັນດາພະນັກງານ, ນັກຂ່າວ, ນັກບັນນາທິການໜັງສືພິມກອງທັບປະຊາຊົນ. ພາບ: vufo.org.vn |
ທ່ານນາງເອກອັກຄະລັດຖະທູດ ຫງວຽນເຟືອງງາ ໃຫ້ຮູ້ວ່າ: ສະຫະພັນບັນດາອົງການມິດຕະພາບຫວຽດນາມ ແມ່ນກຳລັງຫຼັກແຫຼ່ງໃນການພົວພັນທາງການທູດປະຊາຊົນ. ຢືນຢັນວ່າ ການໜູນຊ່ວຍ ແລະ ການຮ່ວມມືຂອງໜັງສືພິມກອງທັບປະຊາຊົນມີຄຸນຄ່າທີ່ສຸດ, ທ່ານນາງເອກອັກຄະລັດຖະທູດ ໃຫ້ຮູ້ວ່າ: ໃນໄລຍະຈະມາເຖິງ, ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ຈະເພີ່ມທະວີການຮ່ວມມືດ້ານການທູດປ້ອງກັນຊາດ ເພື່ອເຂົ້າຮ່ວມຢ່າງເລິກເຊິ່ງກວ່າອີກ, ເພີ່ມທະວີການເຄື່ອນໄຫວພົວພັນຕ່າງປະເທດຂອງພັກ ແລະ. ລັດໃຫ້ອຸດົມສົມບູນກວ່າອີກ.
ທ່ານພັນເອກພິເສດ ເຈີ່ນແອງຕ໋ວນ, ຮອງບັນນາທິການ ໜັງສືພິມກອງທັບປະຊາຊົນໄດ້ຂອບໃຈທ່ານນາງເອກອັກຄະລັດຖະທູດ ຫງວຽນເຟືອງງາ ແລະ ສະຫະພັນ ບັນດາອົງການຈັດຕັ້ງມິດຕະພາບຫວຽດນາມ ທີ່ສະຫງວນອາລົມຈິດ ທີ່ດີໃຫ້ໜັງສືພິມກອງທັບປະຊາຊົນ. ທ່ານພັນເອກພິເສດ ເຈີ່ນແອງຕ໋ວນ ຢືນຢັນວ່າ: ໜັງສືພິມກອງທັບປະຊາຊົນ ແລະ ຂະແໜງການການທູດເວົ້າລວມ, ສະຫະພັນບັນດາອົງການຈັດຕັ້ງມິດຕະພາບ ຫວຽດນາມ ເວົ້າສະເພາະ ແມ່ນມີຄວາມສະໜິດຕິດພັນອັນເລິກເຊິ່ງ. ຄຽງຂ້າງການພົວພັນການຕ່າງປະເທດຂອງພັກ ແລະ ລັດ, ການທູດປ້ອງກັນຊາດກໍ່ແມ່ນໜ້າທີ່ສຳຄັນ, ເຊິ່ງເພື່ອປະຕິບັດ ສໍາເລັດໜ້າທີ່ນັ້ນ, ໜັງສືພິມກອງທັບປະຊາຊົນກໍ່ປາດຖະໜາຢາກໃຫ້ຜູ້ເຮັດວຽກງານການທູດປະຊາຊົນຄືສະຫະພັນບັນດາອົງການຈັດຕັ້ງມິດຕະພາບຫວຽດນາມ ຊ່ວຍເຫຼືອ.
ບູນມີ
