| ປະຊາຄົມຊາວຫວຽດນາມ ຢູ່ ລັດເຊຍ ລະຫຼິ້ນມ່ວນຊື່ນວັນເດັກນ້ອຍ 1 ມິຖຸນາ | |
| ງານພົບປະແລກປ່ຽນບຸນວັນເດັກ ຫວຽດນາມ - ລັດເຊຍ |
 |
| ໂຄງການຝຶກອົບຮົບຍົກລະດັບໃຫ້ແກ່ຄູ່ສອນພາສາ ລັດເຊຍ ໃນບັນດາອົງການສຶກສາຢູ່ ຫວຽດນາມ (ພາບ: ສູນວິທະຍາສາດ ແລະ ວັດທະນະທຳລັດເຊຍ ປະຈຳ ຮ່າໂນ້ຍ) |
ເຂົ້າຮ່ວມເຫດການມີຜູ້ຕາງໜ້າສູນວິທະຍາສາດ ແລະ ວັດທະນະທຳ ລັດເຊຍ, ທ່ານຮອງສາດສະດາຈານ S. V. Ermolenko, ຫົວໜ້າໜ່ວຍວິຊາພາສາ ລັດເຊຍ ຄືພາສາຕ່າງປະເທດ ຂຶ້ນກັບພະແນກ ວັນນະຄະດີພາສາສາດ - ມະຫາວິທະຍາໄລແຫ່ງຊາດ Tomsk ພ້ອມກັບຄູອາຈານສອນພາສາລັດເຊຍ ທີ່ພວມສອນຢູ່ຮາກຖານການສຶກສາຂອງ ຫວຽດນາມ.
ກ່າວຄຳເຫັນທີ່ພິທີໄຂ “ສັບປະດາພາສາລັດເຊຍ ປະຈຳ ຫວຽດນາມ”, ທ່ານ A.A. Borodenko ຮອງຜູ້ອຳນວຍການສູນວິທະຍາສາດ ແລະ ວັດທະນະທຳ ລັດເຊຍ ປະຈຳ ຮ່າໂນ້ຍ ໃຫ້ຮູ້ວ່າ ໃນໄລຍະໃກ້ໆນີ້ ສູນວິທະຍາສາດ ແລະ ວັດທະນະທຳລັດເຊຍ ຍາມໃດກໍ່ມານະພະຍາຍາມສ້າງສະພາບແວດລ້ອມແຫ່ງການສອນພາສາລັດເຊຍ ທີ່ເປັນມືອາຊີບໃຫ້ແກ່ຊາວຫວຽດນາມ. ທ່ານ Borodenko ຫວັງວ່າ ເຫດການໂດຍສູນວິທະຍາສາດ ແລະ ວັດທະນະທຳ ລັດເຊຍ ຈັດຕັ້ງຈະໜູນຊ່ວຍ ແລະ ປຸກລຸກຄວາມສົນໃຈຂອງບັນດາຄູອາຈານ ຫວຽດນາມ ໃນວຽກງານການສອນພາສາ ລັດເຊຍ.
ທ່ານ Ermolenko ແຈ້ງໃຫ້ຊາບກ່ຽວກັບ ເວັບໄຊ ສະຫງວນໃຫ້ນັກສຶກສາຄົ້ນຄ້ວາ ແລະ ເຮັດທົດລອງບັນດາບົດກວດກາລະດັບພາສາລັດເຊຍ ໂດຍມະຫາວິທະຍາໄລແຫ່ງຊາດ Tomsk ຄົ້ນຄ້ວາ “SpeakRus” (https://omega.ru-tsu.org). ໄປຄຽງຄູ່ກັນນັ້ນ, ບັນດາບັນຫາຮີບດ່ວນໃນການສິດສອນພາສາລັດເຊຍ ຄືພາສາຕ່າງປະເທດ, ການປຽບທຽບພາສາລັດເຊຍ ແລະ ພາສາຫວຽດນາມ, ແປພາສາ, ນຳໃຊ້ເຕັກໂນໂລຢີຂໍ້ມູນຂ່າວສານໃນການສອນພາສາ ລັດເຊຍ ແລະ ບັນດາບັນຫາກ່ຽວກັບການແລກປ່ຽນວັດທະນະທຳ ທີ່ໄດ້ຮັບການປຶກສາຫາລືແລ້ວ.
ບຸນຄົງ
