ຕອນຄ່ຳວັນທີ 1 ມິຖຸນາ, ຢູ່ກຸ່ມປະສົມ ຮ່າໂນ້ຍ - Moskva (Incentra) ຢູ່ນະຄອນຫຼວງສະຫະພັນລັດເຊຍ, ໄດ້ຈັດຕັ້ງເຫດການສະເຫຼີມສະຫຼອງວັນເດັກນ້ອຍສາກົນ ແນໃສ່ສ້າງບັນດາການເຄື່ອນໄຫວຊຸມຊົນ ເພື່ອສະໜິດຕິດພັນກັບປະຊາຄົມຊາວ ຫວຽດນາມ ພາຍຫຼັງ 2 ປີທີ່ເກີດໂລກລະບາດ ໂຄວິດ-19.
 |
| ປະຊາຄົມຊາວຫວຽດນາມ ຢູ່ ລັດເຊຍ ລະຫຼິ້ນມ່ວນຊື່ນວັນເດັກນ້ອຍ 1 ມິຖຸນາ. ພາບ: TTXVN |
ເຫດການດັ່ງກ່າວໄດ້ຮັບການສະໜັບສະໜູນຂອງບັນດາຄອບຄົວທີ່ດຳເນີນທຸລະກິດ ແລະ ດຳລົງຊີວິດຢູ່ Incentra ດ້ວຍຜູ້ເຂົ້າຮ່ວມປະມານ 400 ຄົນ, ໃນນັ້ນມີເດັກນ້ອຍໃນບັນດາຄອບຄົວຊາວ ຫວຽດນາມ ປະມານ 230 ຄົນ.
ທ່ານ ຮ່າຫວຽດລອງ, ສະມາຊິກຄະນະບໍລິຫານງານຊົ່ວຄາວ ສະມາຄົມຊາວຫວຽດນາມ ຢູ່ກຸ່ມປະສົມ ຮ່າໂນ້ຍ - Moskva ໃຫ້ຮູ້ວ່າ: ເຫດການນີ້ໄດ້ຮັບການຈັດຕັ້ງດ້ວຍຄວາມປາດຖະໜາຢາກເຊື່ອມຕໍ່ບັນດາຄອບຄົວຢູ່ບັນດາກຸ່ມ ປະສົມ ຮ່າໂນ້ຍ - Moskva ໃຫ້ມີຄວາມສາມັກຄີ, ເຂັ້ມແຂງເພື່ອພ້ອມກັນ ພັດທະນາ, ເພື່ອຊີວິດກາຍເປັນຢູ່ອັນດີງາມ.
ບູນມີ
