| ກຳປູເຈຍ ແລະ ຫວຽດນາມ ຍາກທີ່ຈະຮັກສາໄດ້ການສົ່ງອອກຜັກໝາກໄມ້ໄປຍັງຈີນ | |
| ປະຕິບັດສຳເລັດ 6 ຖ້ຽວບິນນຳສົ່ງພົນລະເມືອງ ຫວຽດນາມ ເກືອບ 1700 ຄົນ ຢູ່ ຢູແກຼນ ກັບເມືອປະເທດຢ່າງປອດໄພ |
 |
| ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດວັນຈຽນ (ພາບ: TTXVN) |
ເນື່ອງໃນໂອກາດບຸນປີໃໝ່ລາວ ແລະ ບຸນປີໃໝ່ Chol Thnam Thmay ກຳປູເຈຍ, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດວັນຈຽນ ໄດ້ສົ່ງຈົດໝາຍອວຍພອນ ທ່ານສິນລາວົງ ຄຸດໄພທູນ, ປະທານສູນກາງແນວລາວສ້າງຊາດ ແລະ ທ່ານ Heng Samrin ປະທານກິດຕິມະສັກພັກປະຊາຊົນກຳປູເຈຍ, ປະທານສະພາແຫ່ງຊາດກຳປູເຈຍ, ປະທານສະພາແນວໂຮມສາມັກຄີພັດທະນາແຫ່ງຊາດ.
ໃນຈົດໝາຍອວຍພອນປີໃໝ່ລາວ ຂອງ ທ່ານ ໂດວັນຈຽນ ສົ່ງໄປຍັງທ່ານ ສິນລາວົງ ຄຸດໄພທູນ, ກຳມະການກົມການເມືອງພັກປະຊາຊົນປະຕິວັດລາວ, ປະທານສູນກາງແນວລາວສ້າງຊາດ, ຂຽນວ່າ:
ຂ້າພະເຈົ້າດີໃຈຫຼາຍເມື່ອເຫັນວ່າ ໃນປີຜ່ານມາ, ພັກ, ລັດ ແລະປະຊາຊົນລາວ ອ້າຍນ້ອງຍາດໄດ້ຜົນງານທີ່ຍິ່ງໃຫຍ່ຫຼາຍຢ່າງໃນພາລະກິດແຫ່ງການສ້າງສາ ແລະ ພັດທະນາປະເທດຊາດ, ຮັບປະກັນການດຳລົງຊີວິດທີ່ເປັນປົກກະຕິຂອງປະຊາຊົນໃນສະພາບການໂລກລະບາດໂຄວິດ - 19 ທີ່ມີການຜັນແປຢ່າງສັບສົນ, ໃນນັ້ນມີການປະກອບສ່ວນຢ່າງຍິ່ງໃຫຍ່ຂອງຄະນະກຳມະການສູນກາງແນວລາວສ້າງຊາດ. ປີ 2022 ເປັນປີທີ່ມີຄວາມໝາຍສຳຄັນພິເສດຕໍ່ສອງປະເທດ ຫວຽດນາມ ແລະ ລາວ ເມື່ອສອງປະເທດສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນທາງການທູດ (5 ກັນຍາ 1962 – 5 ກັນຍາ 2022) ແລະ 45 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ (18 ກໍລະກົດ 1977 – 18 ກໍລະກົດ 2022).
ໃນຈົດໝາຍອວຍພອນປີໃໝ່ຂອງ ທ່ານ ໂດວັນຈຽນ ສົ່ງໄປຍັງທ່ານ Heng Samrin ປະທານກິດຕິມະສັກພັກປະຊາຊົນກຳປູເຈຍ, ປະທານສະພາແຫ່ງຊາດກຳປູເຈຍ, ປະທານສະພາແນວໂຮມສາມັກຄີພັດທະນາແຫ່ງຊາດ ຂຽນວ່າ: ຂ້າພະເຈົ້າດີໃຈຫຼາຍເມື່ອເຫັນວ່າ ໃນປີຜ່ານມາ, ລັດ ແລະ ປະຊາຊົນກຳປູເຈຍພາຍໃຕ້ການຊີ້ນຳນຳພາຂອງພັກປະຊາຊົນ ກຳປູເຈຍ ບັນລຸໄດ້ຜົນງານທີ່ຍິ່ງໃຫຍ່ຫຼາຍຢ່າງໃນພາລະກິດແຫ່ງການສ້າງສາ ແລະ ພັດທະນາປະເທດຊາດ, ພິເສດແມ່ນບັນດາຜົນງານສຳຄັນໃນບັ້ນຕໍ່ສູ້ຕ້ານໂລກລະບາດໂຄວິດ - 19, ຮັບປະກັນການດຳລົງຊີວິດຂອງປະຊາຊົນ ແລະ ປະກອບສ່ວນພັດທະນາເສດຖະກິດ - ສັງຄົມ, ໃນນັ້ນມີການປະກອບສ່ວນຢ່າງໃຫຍ່ຫຼວງຂອງສະພາແນວໂຮມສາມັກຄີພັດທະນາປະເທດຊາດແຫ່ງຊາດ ກຳປູເຈຍ.
ບຸນຄົງ
