 |
| ພາບປະກອບ: TTXVN |
ຕາມກະຊວງການຕ່າງປະເທດຫວຽດນາມແລ້ວ, ໂດຍປະຕິບັດຕາມຄຳຊີ້ນຳຂອງການນຳພັກ, ລັດ ຫວຽດນາມ, ມາຮອດປັດຈຸບັນ, ກະຊວງການຕ່າງປະເທດ ຫວຽດນາມ ໄດ້ສົມທົບກັບບັນດາກະຊວງ, ຂະແໜງການທີ່ກ່ຽວຂ້ອງ, ອົງການຜູ້ຕາງໜ້າ ຫວຽດນາມ ປະຈຳປະເທດປະຈຳຖິ່ນ ຜັນຂະຫຍາຍການຍົກຍ້າຍພົນລະເມືອງ ຫວຽດນາມ ຢູ່ ຢູແກຼນ ປະມານ 5200 ຄົນ ໄປຢູ່ບ່ອນປອດໄພ, ຈັດຖ້ຽວບິນ 6 ຖ້ຽວ ເພື່ອນຳສົ່ງພົນລະເມືອງ ຫວຽດນາມເກືອບ 1700 ຄົນກັບເມືອປະເທດ ແລະ ພົນລະເມືອງນັບສິບໆຄົນໄດ້ກັບເມືອປະເທດໃນຖ້ຽວບິນການຄ້າ, ຮັບປະກັນການເປີດເຜີຍ, ໂປ່ງໃສ ແລະ ອຳນວຍຄວາມສະດວກທີ່ສຸດໃຫ້ແກ່ປະຊາຊົນ.
ໄລ່ມາຮອດປັດຈຸບັນ, ການຍົກຍ້າຍພົນລະເມືອງໄດ້ປະຕິບັດສຳເລັດໂດຍພື້ນຖານແລ້ວ, ຕອບສະໜອງຄວາມມຸ່ງມາດປາດຖະໜາຢາກກັບເມືອປະເທດຂອງພໍ່ແມ່ປະຊາຊົນ ຫວຽດນາມ ເກືອບທັງໝົດ. ມີພໍ່ແມ່ປະຊາຊົນຈຳນວນໜຶ່ງທີ່ຖືສັນຊາດ ຫຼື ມີໜັງສືຖືກຕ້ອງຕາມກົດໝາຍ ໂດຍ ຢູແກຼນ ອອກໃຫ້ນັ້ນ ໄດ້ເປັນເຈົ້າການເລືອກໄປຢູ່ປະເທດອື່ນ. ປັດຈຸບັນ, ມີພໍ່ແມ່ຊາວຫວຽດນາມ ຈຳນວນໜຶ່ງເລືອກຢູ່ຕໍ່ ຢູແກຼນ ຍ້ອນເຫດຜົນສ່ວນຕົວ.
vovworld.vn
