 |
| ພາບປະກອບ: etime.danviet.vn |
ໂດຍຄັດສະເໜີແຫຼ່ງຂ່າວຈາກ Producereport, ໝາກມ່ວງສົດຊະນິດຕ່າງຂອງ ກຳປູເຈຍ ພວມປະສົບກັບຄວາມຫຍຸ້ງຍາກໃນການຮັກສາການສົ່ງອອກໄປຍັງຕະຫຼາດຈີນ ພາຍຫຼັງເກືອບ 1 ປີນັບແຕ່ເວລາ ຈີນ ອະນຸດຍາດໃຫ້ການນຳເຂົ້າໝາກມ່ວງສົດຈາກກຳປູເຈຍຄືນໃໝ່, ຍ້ອນບັນດາການຈຳກັດຢູ່ເຂດຊາຍແດນທີ່ກ່ຽວຂ້ອງເຖິງສະພາບການໂລກລະບາດໂຄວິດ - 19 ແລະ ການສົ່ງອອກສິນຄ້າຊ້າລົງ.
ໝາກມ່ວງກາຍເປັນໝາກໄມ້ສົດຊະນິດທີ 2 ຂອງ ກຳປູເຈຍ ທີ່ໄດ້ຮັບອະນຸຍາດສົ່ງອອກໄປຍັງຕະຫຼາດຈີນ ນັບແຕ່ ເດືອນເມສາ ປີ 2021. ໝາກມ່ວງສົດຂອງກຳປູເຈຍໄດ້ສົ່ງອອກໄປຍັງຕະຫຼາດຈີນງວດທຳອິດໃນເດືອນພຶດສະພາ ປີ 2021. ການສົ່ງອອກໝາກມ່ວງສົດໄປຍັງຈີນ ມີຄວາມສາມາດບົ່ມຊ້ອນທີ່ສຸດ. ຕາມຕົວເລກສະຖິຕິນັບແຕ່ເວລາກະຊວງກະສິກຳ, ປ່າໄມ້ ແລະ ສິນໃນນ້ຳ ກຳປູເຈຍ, ໃນປີ 2021 ການສົ່ງອອກໝາກມ່ວງສົດຂອງປະເທດນີ້ໄປຍັງຕະຫຼາດຈີນ ບັນລຸໄດ້ 4,77 ພັນ (477.000) ໂຕນ.
ໃນຂະນະນັ້ນ, ສະພາບການສົ່ງອອກຜັກໝາກໄມ້ຂອງ ຫວຽດນາມ ໄປຍັງຈີນ ກໍ່ບໍ່ມີສັນຍາດີປານໃດ. ຕາມການຄາດຄະນເນ, ການສົ່ງອອກຜັກໝາກໄມ້ຂອງ ຫວຽດນາມ ໃນເດືອນເມສາ ປີ 2022 ພຽງແຕ່ບັນລຸໄດ້ 340 ລ້ານ USD, ຫຼຸດລົງ 15,4% ເມື່ອທຽບໃສ່ກັບເດືອນມີນາ ປີ 2021. ຄາດວ່າ, ໃນ 3 ເດືອນຕົ້ນປີ 2022, ການສົ່ງອອກຜະລິດຕະພັນຜັກໝາກໄມ້ຂອງ ຫວຽດນາມ ຄາດຄະເນວ່າ ຈະບັນລຸ 849 ລ້ານ USD, ຫຼຸດລົງ 12% ເມື່ອທຽບໃສ່ກັບໄລຍະດຽວກັນຂອງປີ 2021.
ບຸນຄົງ
