| ບັນດາຮູບແບບທີ່ມີປະສິດທິຜົນໃນການປົກປັກຮັກສາອະທິປະໄຕຜືນແຜ່ນດິນ, ຄວາມໝັ້ນຄົງຢູ່ເຂດຊາຍແດນ | |
| ຫວຽດນາມ ຮຽກຮ້ອງຈີນ ຖອນກຳປັ່ນທັງໝົດອອກຈາກເຂດເສດຖະກິດຈຳເພາະຂອງ ຫວຽດນາມ |
 |
| ທ່ານນາງ ຟ້າມທູຮັ່ງ ຮອງໂຄສົກກະຊວງການຕ່າງປະເທດຫວຽດນາມ (ພາບ: ກະຊວງການຕ່າງປະເທດ) |
ການຖະແຫລງຂ່າວນັດສາມັນຂອງກະຊວງການຕ່າງປະເທດຫວຽດນາມ ດຳເນີນໃນຕອນບ່າຍວັນທີ 7 ເມສາ, ທ່ານນາງ ຟ້າມທູຮັ່ງ ຮອງໂຄສົກກະຊວງການຕ່າງປະເທດຫວຽດນາມ ຢັ້ງຢືນອີກຄັ້ງຫນຶ່ງ ກ່ຽວກັບອະທິປະໄຕ, ອຳນາດອະທິປະໄຕ, ອຳນາດສານ ຂອງຫວຽດນາມ ສຳລັບໝູ່ເກາະ ເຈື່ອງຊາ ແລະ ຮ່ວາງຊາ. ທຸກການກະທຳຫັນເປັນການທະຫານຂອງຈີນ ທີ່ບັນດາໂຄງສ້າງຢູ່ໝູ່ເກາະສອງແຫ່ງດັ່ງກ່າວ ແມ່ນລ່ວງລ້ຳອະທິປະໄຕຂອງຫວຽດນາມ ແລະ ກົດໝາຍສາກົນ. ເມື່ອສະແດງຄິດເຫັນຕໍ່ຂ່າວຄາວ: ຈີນ ໄດ້ດຳເນີນການຫັນເປັນການທະຫານຢູ່ບາງໂຄງສ້າງໃນໝູ່ເກາະ ເຈື່ອງຊາ, ທ່ານນາງ ຟ້າມທູຮັ່ງ ຊີ້ແຈ້ງວ່າ:
“ເລື່ອງຊຸກຍູ້ການຫັນເປັນການທະຫານຢູ່ບາງໂຄງສ້າງໃນໝູ່ເກາະເຈື່ອງຊາ ບໍ່ພຽງແຕ່ແມ່ນການລ່ວງລ່້ຳອະທິປະໄຕຂອງຫວຽດນາມ ສຳລັບໝູ່ເກາະແຫ່ງນີ້ ຫາກຍັງກໍ່ຄວາມວິຕົກກັງວົນຕໍ່ບັນດາປະເທດໃນພາກພື້ນ. ຫວຽດນາມ ຮຽກຮ້ອງ ຈີນ ຈົ່ງເຄົາລົບອະທິປະໄຕຂອງ ຫວຽດນາມ ຢຸດຕິການເຄື່ອນໄຫວຫັນເປັນການທະຫານ, ບໍ່ຄວນມີການກະທຳທີ່ກໍ່ຄວາມເຄັ່ງຕຶງຢູ່ພາກພື້ນ, ຮັກສາເງື່ອນໄຂສະດວກ, ສືບຕໍ່ມານພະຍາຍາມພ້ອມກັບອາຊຽນ ຊຸກຍູ້ການເຈລະຈາເພື່ອບັນລຸໄດ້ກົດແຫ່ງການປະພຶດຢູ່ທະເລຕາເວັນອອກ (COC) ຢ່າງແທດຈິງ, ມີປະສິດທິຜົນ, ສອດຄ່ອງກັບກົດໝາຍສາກົນ ແລະ UNCLOS”.
ທ່ານນາງ ຟ້າມທູຮັ່ງ ຢັ້ງຢືນວ່າ ຫວຽດນາມມີພື້ນຖານນິຕິກຳ ແລະ ຫຼັກຖານປະຫວັດສາດຢ່າງຄົບຖ້ວນ ເພື່ອຢັ້ງຢືນອະທິປະໄຕຕໍ່ໝູ່ເກາະເຈື່ອງຊາ ແລະ ໝູ່ເກາະຮ່ວາງຊາ ສອດຄ່ອງກັບກົດໝາຍສາກົນ, ກໍ່ຄືສິດອະທິປະໄຕ, ສິດອຳນາດສານຕໍ່ບັນດາເຂດທະເລທີ່ສອດຄ່ອງກັບກົດໝາຍສາກົນ, ໃນນັ້ນມີ UNCLOS 1982.
ຕໍ່ໜ້າເລື່ອງມີອະດີດຜູ້ພິພາສາສານສູງສຸດຟີລິບປິນຄົນໜຶ່ງສະເໜີປະເທດນີ້ພ້ອມກັບບັນດາປະເທດອື່ນ, ລວມມີຫວຽດນາມ ປະຕິບັດການລາດຕະເວນລວມຢູ່ທະເລຕາເວັນອອກ, ທ່ານນາງ ຟ້າມທູຮັ່ງ ຢັ້ງຢືນວ່າ ຫວຽດນາມ ຍາມໃດກໍ່ຢາກຮ່ວມມືກັບບັນດາປະເທດ, ປະກອບສ່ວນໃຫ້ແກ່ການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພ, ການຮ່ວມມື ແລະ ພັດທະນາຢູ່ທະເລຕາເວັນອອກ.
ບຸນຄົງ
