| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ພົບປະກັບປະຊາຄົມຊາວ ຫວຽດນາມ ຢູ່ ອົດສະຕາລີ | |
| ຫວຽດນາມ ເນັ້ນໜັກເຖິງບັນດາຄຸນຄ່າ ແລະ ຫຼັກການຂອງກົດບັດ ສປຊ ແມ່ນພື້ນຖານຂອງກົດໝາຍສາກົນ |
ທ່ານໂຄສົກກະຊວງການຕ່າງປະເທດ ຫວຽດນາມ ນາງ ຟ້າມທູຮັ່ງ ໃຫ້ຮູ້ວ່າ ກໍຄືຫຼາຍຄັ້ງທີ່ຢັ້ງຢຶນແລ້ວນັ້ໜ, ຫວຽດນາມ ມີພື້ນຖານນິຕິກຳ ແລະ ຫຼັກຖານປະຫວັດສາດຢ່າງຄົບຖ້ວນ ເພື່ອຢັ້ງຢືນອະທິປະໄຕຂອງ ຫວຽດນາມ ສຳລັບ 2 ໝູ່ເກາະ ຮ່ວາງຊາ ແລະ ເຈື່ອງຊາ ທີ່ສອດຄ່ອງກັບກົດໝາຍສາກົນ, ກໍຄືມີອະທິປະໄຕ, ສິດອະທິປະໄຕ ແລະ ສິດພິພາກສາກ່ຽວກັບບັນດາເຂດທະເລຂອງຕົນ ເຊິ່ງໄດ້ກຳນົດເໝາະສົມກັບສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS).
 |
| ເກາະ ເຈື່ອງຊາ (ແຄ໊ງຮວ່າ). (ພາບ: ທູເຟື່ອງ/TTXVN) |
ວັນທີ 23 ມີນາ, ໂດຍຕອບຄຳຖາມຂອງນັກຂ່າວກ່ຽວກັບທັດສະນະຂອງ ຫວຽດນາມ ຕໍ່ຄຳກ່າວປາໄສຂອງທ່ານໂຄສົກກະຊວງການຕ່າງປະເທດ ຈີນ ຫວັງເວິນປິ່ນ ໃນວັນທີ 14 ມີນາ 2024 ແລະ ຖະແຫຼງການຂອງກະຊວງການຕ່າງປະເທດ ຟີລິບປິນ ໃນວັນທີ 17 ມີນາ 2024 ກ່ຽວກັບບັນຫາທະເລຕາເວັນອອກ, ທ່ານໂຄສົກກະຊວງການຕ່າງປະເທດ ຫວຽດນາມ ນາງ ຟ້າມທູຮັ່ງ ເນັ້ນໜັກວ່າ: ກ່ຽວກັບບັນດາຄຳຮຽກສິດຢູ່ທະເລຕາເວັນອອກທີ່ໄປຝືນກັບກົດໝາຍສາກົນ, ລະເມີດອະທິປະໄຕຂອງ ຫວຽດນາມ ສຳລັບ 2 ໝູ່ເກາະ ຮ່ວາງຊາ ແລະ ເຈື່ອງຊາ, ກໍ່ຄືລະເມີດອະທິປະໄຕ, ສິດອະທິປະໄຕ ແລະ ສິດພິພາກສາຂອງ ຫວຽດນາມ ກ່ຽວກັບບັນດາເຂດທະເລຂອງຕົນ ໄດ້ກຳນົດຢ່າງສອດຄ່ອງກັບສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982, ຫຼັກໝັ້ນຂອງ ຫວຽດນາມ ຍາມໃດກໍ່ຈະແຈ້ງ, ສະເໝີຕົ້ນສະເໝີປາຍ ແລະ ໄດ້ຮັບການຢືນຢັນເປັນຫຼາຍຄັ້ງ, ຕາມນັ້ນແລ້ວ, ຫວຽດນາມ ກໍ່ເດັດດ່ຽວປະຕິເສດຄຳຮຽກສິດທັງໝົດດັ່ງກ່າວ.
ທ່ານນາງ ຟ້າມທູຮັ່ງ ຢືນຢັນວ່າ ຫວຽດນາມ ປາດຖະໜາຢາກໃຫ້ບັນດາປະເທດທີ່ກ່ຽວຂ້ອງເຄົາລົບ ແລະ ປະຕິບັດບັນດາຂໍ້ກຳນົດຂອງ UNCLOS 1982 ຢ່າງແທ້ຈິງ, ປະກອບສ່ວນຮັກສາສັນຕິພາບ, ສະຖຽນລະພາບ ແລະ ຊອກຫາບັນດາມາດຕະການແກ້ໄຂພື້ນຖານ, ຍາວນານຢູ່ທະເລຕາເວັນອອກ.
ມິງດຶກ
