ນີ້ແມ່ນການຢັ້ງຢືນຂອງ ທ່ານພົນໂທ ຮ່ວາງຊວັນຈຽນ, ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ຢູ່ກອງປະຊຸມເຈົ້າໜ້າທີ່ອາວຸໂສການປ້ອງກັນຊາດ ອາຊຽນ ເປີດກວ້າງ (ADSOM+) ທີ່ໄດ້ດຳເນີນໃນຕອນເຊົ້າວັນທີ 3 ສິງຫາ ຢູ່ອິນໂດເນເຍ.
 |
| ບັນດາຜູ້ແທນເຂົ້າຮ່ວມກອງປະຊຸມ (ພາບ: VOV) |
ຫວຽດນາມ ຍາມໃດກໍຍຶດໝັ້ນຫຼັກການແກ້ໄຂການຂັດແຍ່ງກັນຢູ່ທະເລຕາເວັນອອກໂດຍສັນຕິພາບວິທີ, ບົນພື້ນຖານເຄົາລົບເອກະລາດ, ອະທິປະໄຕ ແລະ ຜົນປະໂຫຍດອັນຊອບທຳຂອງບັນດາປະເທດ, ປະຕິບັດຕາມກົດໝາຍສາກົນ ໃນນັ້ນມີສົນທິສັນຍາສະຫະປະຊາຊາດ ກ່ຽວກັບກົດໝາຍວ່າດ້ວຍທະເລປີ 1982 (UNCLOS 1982).
ຫວຽດນາມ ສະໜັບສະໜູນການປະຕິບັດຖະແຫຼງການຮ່ວມຂອງບັນດາຝ່າຍກ່ຽວກັບການປະພຶດຢູ່ທະເລຕາເວັນອອກ (DOC) ຢ່າງຄົບຖ້ວນ ເເລະ ມີປະສິດທິຜົນ, ສິ້ນສຸດເຈລະຈາ ແລະ ລົງນາມໂດຍໄວໃນກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ທີ່ແທ້ຈິງ, ມີປະສິດທິຜົນສອດຄ່ອງກັບກົດໝາຍສາກົນ.
ທ່ານພົນໂທ ຮ່ວາງຊວັນຈຽນ ເນັ້ນໜັກວ່າ ບັນດາສະມາຊິກຂອງ ອາຊຽນ ແລະ ຄູ່ຮ່ວມມື ຍາມໃດກໍ່ປາດຖະໜາຢາກມີການພົວພັນຮ່ວມມືພ້ອມກັນພັດທະນາ, ສ້າງປະຊາຄົມ ອາຊຽນ ໃຫ້ນັບມື້ນັບເຂັ້ມແຂງ, ເສີມຂະຫຍາຍບົດບາດເປັນໃຈກາງຂອງ ອາຊຽນ. ດັ່ງນັ້ນ, ບັນດາປະເທດຕ້ອງເພີ່ມທະວີການສ້າງຄວາມໄວ້ເນື້ອເຊື່ອໃຈ, ໄມຕິຈິດ, ພ້ອມກັນຮັບມືກັບບັນດາສິ່ງທ້າທາຍລວມ, ພ້ອມກັນສ້າງໂຄງປະກອບພາກພື້ນແບບເປີດກວ້າງ, ໂປ່ງໃສ, ກວມລວມ ແລະ ຍົກສູງກົດໝາຍສາກົນ, ບັນດາຄຳໝັ້ນສັນຍາໃນພາກພື້ນ, ສືບຕໍ່ປະກອບສ່ວນໃຫ້ແກ່ການພັດທະນາລວມຂອງ ອາຊຽນ ຢ່າງແທດຈິງ ແລະ ມີປະສິດທິຜົນກ່ວາອີກ, ເພື່ອສັນຕິພາບ, ວັດທະນາຖາວອນ ແລະ ຄວາມໝັ້ນຄົງລວມຂອງພາກພື້ນ ແລະ ໂລກ.
ດີງເລື້ອງ
