ທີ່ກອງປະຊຸມ, ທ່ານ ໂງແທ່ງເຊີນ, ຮອງປະທານຄະນະກຳມະການແນວໂຮມປະເທດຊາດ ຫວຽດນາມ ນະຄອນໂຮ່ຈີມິນ ເນັ້ນໜັກວ່າ ເພີ່ມທະວີການສົມທົບກັນ ເພື່ອຍົກສູງປະສິດທິຜົນຂອງວຽກງານການທູດປະຊາຊົນ ແລະ ວຽກງານຂອງຊາວຫວຽດນາມ ອາໄສຢູ່ຕ່າງປະເທດ ເພື່ອປະກອບສ່ວນເຂົ້າໃນການຮັກສາສະພາບແວດລ້ອມສັນຕິພາບ, ສະຖຽນລະພາບ, ປົກປັກຮັກສາຜົນປະໂຫຍດແຫ່ງຊາດ-ຊົນເຜົ່າຢ່າງຕັ້ງໜ້າ; ເປີດກ້ວາງ ແລະ ເພີ່ມທະວີການພົວພັນມິດຕະພາບ, ຄວາມເຂົ້າໃຈລະຫວ່າງປະຊາຊົນນະຄອນ ກັບປະຊາຊົນບັນດາປະເທດ.
 |
| ບັນຍາກາດທີ່ກອງປະຊຸມ. ພາບ: ຄະນະກຳມະການແນວໂຮມປະເທດຊາດຫວຽດນາມ ນະຄອນໂຮ່ຈິມິນ |
ພ້ອມກັນນັ້ນ, ກໍ່ເສີມຂະຫຍາຍແຫຼ່ງກຳລັງອັນໃຫຍ່ຫຼວງ, ນ້ຳໃຈຮັກຊາດຂອງວວົງຄະນະຍາດຢູ່ຕ່າງປະເທດທີ່ມີຕໍ່ບ້ານເກີດເມືອງນອນ, ປະເທດຊາດຂອງຕົນ; ຊ່ວຍໃຫ້ປະຊາຄົມສາກົນເຂົ້າໃຈກ່ຽວກັບປະເທດຊາດ, ປະຊາຊົນ ຫວຽດນາມ, ແຜນນະໂຍບາຍ, ນະໂຍບາຍຂອງພັກ, ລັດ ຫວຽດນາມ ຫຼາຍກວ່າເກົ່າ, ສ້າງແຫຼ່ງກຳລັງ, ຄວາມເຫັນອົກເຫັນໃຈ, ໜູນຊ່ວຍສາກົນຕໍ່ພາລະກິດແຫ່ງການສ້າງສາ ແລະ ປົກປັກຮັກສາປະເທດຊາດຕື່ມອີກ...
ທ່ານ ໂງແທງເຊີນ ສະເໜີໃຫ້ບັນດາຫົວໜ່ວຍທີ່ເຂົ້າຮ່ວມການລົງນາມສົມທົບວຽກງານສຸມໃສ່ເຊື່ອມຊຶມ, ໂຄສະນາເຜີຍແຜ່, ສ້າງຄວາມຫັນປ່ຽນໃນການຮັບຮູ້ຢ່າງເລິກເຊິ່ງກ່ຽວກັບບົດບາດ, ທີ່ຕັ້ງ, ຄວາມສຳຄັນຂອງວຽກງານການທູດປະຊາຊົນ ແລະ ວຽກງານຂອງຊາວຫວຽດນາມ ອາໄສຢູ່ຕ່າງປະເທດ ແມ່ນໜ້າທີ່ຂອງທັງລະບົບການເມືອງ, ພະນັກງານ, ສະມາຊິກຂອງພັກ, ປະຊາຊົນແຕ່ລະຄົນ. ຍົກສູງປະສິດທິຜົນວຽກງານການທູດປະຊາຊົນ ແລະ ວຽກງານຂອງຊາວຫວຽດນາມ ອາໄສຢູ່ຕ່າງປະເທດ ເພື່ອປະກອບສ່ວນປັບປຸງກຸ່ມກ້ອນມະຫາສາມັກຄີທົ່ວປວງຊົນທັງຊາດ, ຮັບໃຊ້ພາລະກິດແຫ່ງການສ້າງສາ ແລະ ປົກປັກຮັກສາປະເທດຊາດຢ່າງແທດຈິງໃນສະພາບການໃໝ່.
ທີ່ກອງປະຊຸມ, ຜູ້ຕາງໜ້າຄະນະກຳມະການແນວໂຮມປະເທດຊາດຫວຽດນາມ ນະຄອນໂຮ່ຈິມິນ ແລະ ຄະນະຊາວໜຸ່ມນະຄອນ, ສະຫະພັນແມ່ຍິງ, ສະຫະພັນແຮງງານນະຄອນ, ສະມາຄົມຊາວກະສິກອນ, ສະມາຄົມນັກຮົບເກົ່າ, ສະພາກາແດງ, ສະຫະພັນບັນດາອົງການມິດຕະພາບນະຄອນໂຮ່ຈິມິນ ໄດ້ລົງນາມໃນໂຄງການເຄື່ອນໄຫວສົມທົບກັນຜັນຂະຫຍາຍວຽກງານການທູດປະຊາຊົນ ໄລຍະ 2024-2029.
 |
| ພາບທີ່ພິທີລົງນາມໂຄງການຮ່ວມມື. ພາບ: ຄະນະກຳມະການແນວໂຮມປະເທດຊາດຫວຽດນາມ ນະຄອນໂຮ່ຈິມິນ |
ຕາມນັ້ນແລ້ວ, ໃນໄລຍະ 2024-2029, ຄະນະກຳມະການແນວໂຮມປະເທດຊາດ ຫວຽດນາມ ນະຄອນ ໂຮ່ຈີມິນ ແລະ ບັນດາອົງການສະມາຊິກ ຈະສືບຕໍ່ເສີມຂະຫຍາຍບົດບາດຂອງຕົນໃນວຽກງານການທູດປະຊາຊົນ; ເຮັດສຳເລັດກົນໄກສົມທົບ, ຂໍ້ມູວຽກງານການທູດປະຊາຊົນຢ່າງໃກ້ຊິດ ແລະ ເປັນເອກະພາບ, ໃຫ້ການໜູນຊ່ວຍເຊິ່ງກັນແລະກັນ; ສ້າງການຈັດວາງກຳລັງໃນແຜນນະໂຍບາຍວຽກງານການທູດປະຊາຊົນສັງລວມ, ຮອບດ້ານຂອງນະຄອນ ໂຮ່ຈີມິນ ປະກອບສ່ວນພ້ອມກັບວຽກງານການພົວພັນຕ່າງປະເທດຂອງພັກ, ການທູດຂອງລັດ, ປະຕິບັດແນວທາງ, ທັດສະນະ, ເປົ້າໝາຍຂອງວຽກງານພົວພັນຕ່າງປະເທດ, ການທູດ ເວົ້າລວມ ໂດຍກ່າວທີ່ມະຕິກອງປະຊຸມໃຫຍ່ຄັ້ງທີ 13 ຂອງພັກ ແລະ ມະຕິກອງປະຊຸມໃຫຍ່ຄັ້ງທີ 11 ຂອງອົງຄະນະພັກນະຄອນ ຢ່າງມີໄຊ.
ໃນ 5 ປີຕໍ່ໜ້າ, ຄະນະກຳມະການແນວໂຮມປະເທດຊາດຫວຽດນາມ ນະຄອນ ໂຮ່ຈີມິນ ແລະ ບັນດາອົງການສະມາຊິກ ຈະສືບຕໍ່ຫັນຄຳສັ່ງເລກທີ 12-CT/TW ຂອງຄະນະເລຂາທິການ ແລະ ແຈ້ງການເລກທີ 14-TT/TU ຂອງຄະນະປະຈຳພັກນະຄອນ ກ່ຽວກັບວຽກງານການທູດປະຊາຊົນເປັນອັນລະອຽດ ໂດຍຜ່ານການກໍ່ສ້າງໂຄງການກະທຳຂອງແຕ່ລະອົງການ, ຫົວໜ່ວຍ, ນຳເນື້ອໃນວຽກງານການທູດປະຊາຊົນເຂົ້າໃນໂຄງການ, ແຜນການປະຕິບັດງານປະຈຳປີຂອງອົງການ, ຫົວໜ່ວຍ. ພ້ອມກັນນັ້ນ, ກໍ່ເພີ່ມທະວີການພົວພັນກັບບັນດາອົງການຕ່າງປະເທດ ແລະ ປະຊາຄົມຊາວຕ່າງປະເທດທີ່ດຳລົງຊີວິດ ແລະ ເຮັດວຽກຢູ່ນະຄອນ; ເປີດກວ້າງການພົວພັນມິດຕະພາບ, ການຮ່ວມມືກັບປະຊາຊົນບັນດາປະເທດ...
ຜູ້ຕາງໜ້າຄະນະກຳມະການແນວໂຮມປະເທດຊາດຫວຽດນາມ ນະຄອນ ໂຮ່ຈີມິນ ແລະ ຄະນະກຳມະການກ່ຽວກັບຊາວຫວຽດນາມ ອາໄສຢູ່ຕ່າງປະເທດ ນະຄອນ ໂຮ່ຈີມິນ ໄດ້ລົງນາມໃນໂຄງການສົມທົບວຽກງານຂອງຊາວຫວຽດນາມ ອາໄສຢູ່ຕ່າງປະເທດ ໄລຍະ 2024-2029.
2 ຝ່າຍກໍ່ເຫັນດີເປັນເອກະພາບສືບຕໍ່ເສີມຂະຫຍາຍບົດບາດຂອງຊາວຫວຽດນາມ ຢູ່ຕ່າງປະເທດ, ສະມາຄົມຊາວຫວຽດນາມ ອາໄສຢູ່ຕ່າງປະເທດ. ຄຽງຂ້າງນັ້ນ, ກໍ່ສົມທົບກັນເພື່ອເອົາໃຈໃສ່ປົກປັກຮັກສາສິດ ແລະ ຜົນປະໂຫຍດອັນຊອບທຳຂອງຊາວຫວຽດນາມ ອາໄສຢູ່ຕ່າງປະເທດ, ຍ້ອງຍໍກົມກອງລວມໝູ່, ບຸກຄົນທີ່ເຮັດວຽກງານລະດົມຊາວຫວຽດນາມ ອາໄສຢູ່ຕ່າງປະເທດເປັນຢ່າງດີ...
ເນື່ອງໃນໂອກາດນີ້, ຄະນະກຳມະການແນວໂຮມປະເທດຊາດຫວຽດນາມ ນະຄອນ ໂຮ່ຈີມິນ ໄດ້ຍ້ອງຍໍ, ມອບໃບຍ້ອງຍໍໃຫ້ 22 ກົມກອງລວມໝູ່ ແລະ 5 ບຸກຄົນທີ່ມີຜົນງານດີເດັ່ນໃນວຽກງານການທູດປະຊາຊົນ ແລະ ວຽກງານຂອງຊາວຫວຽດນາມ ອາໄສຢູ່ຕ່າງປະເທດ ໄລຍະ 2020-2024.
 | ນະຄອນໂຮ່ຈິມິນ: ເປີດຕົວສາຂາສະມາຄົມມິດຕະພາບຫວຽດນາມ - ກຳປູເຈຍ ຢູ່ເມືອງ ບິ່ງແຈ໋ງ ຍສໝ - ຕອນບ່າຍວັນທີ 5 ຕຸລາ, ສາຂາສະມາຄົມມິດຕະພາບຫວຽດນາມ - ກຳປູເຈຍ ຢູ່ເມືອງ ບິ່ງແຈ໋ງ ໄດ້ປະກາດຂໍ້ຕົກລົງວ່າດ້ວຍການສ້າງຕັ້ງ ແລະ ຈັດຕັ້ງພິທີເປີດຕົວ. |
 | ຄະນະຜູ້ແທນທ້ອງຖິ່ນສາກົນ 35 ຄະນະ ເຂົ້າຮ່ວມກອງປະຊຸມສົນທະນາມິດຕະພາບ ນະຄອນໂຮ່ຈິມິນ 2024 ຍສໝ - ວັນທີ 24 ກັນຍາ, ຢູ່ນະຄອນ ໂຮ່ຈີມິນ ໄດ້ເປີດກອງປະຊຸມສົນທະນາມິດຕະພາບ ນະຄອນໂຮ່ຈີມິນ ປີ 2024 ດ້ວຍຫົວຂໍ້ “ການຫັນປ່ຽນອຸດສາຫະກຳ: ປະສົບການພັດທະນາ ແລະ ບຸລິມະສິດການຮ່ວມມື”. |
ມີງດຶກ
