| ແລກປ່ຽນກ່ຽວກັບຄວາມອາດສາມາດໃນການຮ່ວມມືດ້ານການແພດ ລະຫວ່າງ ຫວຽດນາມ - ອີຣານ | |
| VUFO, ສະມາຄົມມິດຕະພາບຫວຽດນາມ-ລາວ ອວຍພອນບຸນປີໃໝ່ລາວ 2022 |
 |
| ພາບປະກອບ: CTV/Vietnam+ |
ວັນທີ 6 ເມສານີ້, ການນຳສະໜາມບິນສາກົນໂນຍບາຍ ໃຫ້ຮູ້ວ່າ ຄາດວ່າປະລິມານການຂົນສົ່ງຜ່ານສະໜາມບິນໂນຍບາຍໃນໄລຍະວັນພັກເດືອນເມສາ 2022 ຈະເພີ່ມຂຶ້ນຢ່າງແຮງ.
ຕາມນັ້ນແລ້ວ, ໃນຊຸມມື້ວັນບຸນເດືອນເມສາປີນີ້, ການຂົນສົ່ງພາຍໃນປະເທດຜ່ານສະໜາມບິນສາກົນ ໂນຍບາຍ ຄາດວ່າຈະເພີ່ມຂຶ້ນຢ່າງແຮງ ດ້ວຍປະມານ 350 ຖ້ຽວບິນ ແລະ ຜູ້ໂດຍສານກ່ວາ 65.000 ເທື່ອຄົນ (ສະເພາະຜູ້ໂດຍສານພາຍໃນປະເທດ) ໃນຊ່ວງບຸນໄຫວ້ເຈົ້າຊີວິດຮຸ່ງ.
ແຕ່ວັນທີ 30 ເມສາຫາວັນທີ 1 ພຶດສະພານີ້, ສະໜາມບິນໂນຍບ່າຍ ຄາດວ່າຈະຂຸດຄົ້ນຖ້ຽວບິນ 400 ຖ້ຽວ ແລະ ຕ້ອນຮັບຜູ້ໂດຍສານພາຍໃນປະເທດປະມານ 75.000 ເທື່ອຄົນ.
“ເຖິງວ່າປະລິມານການບິນສາກົນຈະຢູ່ໃນລະດັບຕ່ຳ ໂດຍສະເລ່ຍ 100 ຖ້ຽວບິນ ແລະ ແຂກສາກົນ 3.600 ເທື່ອຄົນຕໍ່ມື້, ແຕ່ໄດ້ມີບັນດາສັນຍານແຫ່ງການເຕີບໂຕນັບຕັ້ງແຕ່ເວລາຫວຽດນາມ ໄດ້ເປີດປະຕູສູ່ພາຍນອກເພື່ອຕ້ອນຮັບນັກທ່ອງທ່ຽວສາກົນ” ການນຳສະໜາມບິນສາກົນ ໂນຍບາຍ ໃຫ້ຮູ້.
ເພື່ອແນໃສ່ປະຕິບັດສໍາເລັດບັນດາລະບຽບການການບິນໂດຍໄວ, ຮັບປະກັນຈັດຕັ້ງປະຕິບັດການບິນຢ່າງປອດໄພ ແລະ ທັນເວລາ, ສະໜາມບິນ ໂນຍບາຍ ແນະນຳໃຫ້ຜູ້ໂດຍສານຈົ່ງແຈ້ງໃບແຈ້ງອາການສຸຂະພາບທາງການແພດດ້ວຍຊອບແວ PC-Covid ກ່ອນຂຶ້ນຍົນ; ກະກຽມເອກະສານປະຈໍາຕົວຢ່າງຄົບຖ້ວນ; ເປັນເຈົ້າການໃນການຂຶ້ນຍົນໄວກ່ອນເວລາບິນ (ພະຍາຍາມມາ ກ່ອນເວລາບິນ 2 ຊົ່ວໂມງສໍາລັບຖ້ຽວບິນພາຍໃນປະເທດ, 3 ຊົ່ວໂມງສໍາລັບຖ້ຽວບິນສາກົນ); ປະສານງານ ແລະ ປະຕິບັດຕາມຄຳແນະນຳຂອງພະນັກງານສາຍການບິນ; ຫຼັງຈາກສຳເລັດຂັ້ນຕອນການເຊັກອິນ, ຮີບຟ້າວເຂົ້າຄິວເຂົ້າປະຕູຄວບຄຸມຄວາມປອດໄພສະໜາມບິນ…
ໄຊພອນ
