ທ່ານ ເຈິ່ນວັນຕຸຍ ປະທານສະມາຄົມມິດຕະພາບຫວຽດນາມ-ລາວ ສະແດງ ຄວາມປິຕິຊົມຊື່ນ ແລະ ຄວາມພາກພູມໃຈກ່ຽວກັບການພົວພັນມິດຕະພາບທີ່ ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ, ສອງລັດ ແລະ ປະຊາຊົນສອງປະເທດຫວຽດນາມ-ລາວ ທີ່ໄດ້ຮັບການປັບປຸງ, ພັດທະນາ ຢ່າງບໍ່ຢຸດຢັ້ງ, ນັບມື້ນັບຍືນຍົງ, ເລິກເຊິ່ງ, ແມ່ນຊັບສິນລໍ້າຄ່າໃຫ້ບັນດາ ຮຸ່ນປະຈຸບັນ ແລະ ອະນາຄົດ.
 |
| ຄະນະ VUFO, ສະມາຄົມມິດຕະພາບຫວຽດນາມ-ລາວ ໄປຢ້ຽມຢາມ ແລະ ອວຍພອນບຸນປີໃໝ່ລາວ 2022 ຢູ່ສະຖານທູດລາວ ປະຈໍາ ຫວຽດນາມ. ພາບ: thoidai.com.vn |
ກ່າວຄໍາເຫັນທີ່ພິທີ, ທ່ານ ແສງເພັດ ຮຸ່ງບຸນຍວງ ໄດ້ຂອບໃຈຄະນະ VUFO, ສະມາຄົມມິດຕະພາບຫວຽດນາມ-ລາວ ທີ່ໄດ້ໄປອວຍພອນສະຖານທູດລາວ ປະຈຳ ຫວຽດນາມ ເນື່ອງໃນໂອກາດບຸນປີໃໝ່ລາວ. ນີ້ແມ່ນແຫຼ່ງປຸກລະດົມກຳລັງໃຈສໍາຄັນທີ່ສຸດເພື່ອພະນັກງານ, ພາລະກອນສະຖານທູດລາວ ປະຈໍາ ຫວຽດນາມ ມີກໍາລັງໃຈຕື່ມອີກ ເພື່ອປະຕິບັດໜ້າທີ່ຂອງຕົນໃນປີໃໝ່ໃຫ້ປະສົບຜົນສໍາເລັດ, ປະກອບສ່ວນປັບປຸງ, ພັດທະນານໍ້າໃຈມິດຕະພາບອ້າຍນ້ອງ ຫວຽດນາມ-ລາວ.
ທ່ານ ແສງເພັດ ຮຸ່ງບຸນຍວງ ກໍ່ຢັ້ງຢືນວ່າ ໃນຖານະຕໍາແໜ່ງຂອງຕົນ ຈະພ້ອມກັບພະນັກງານ, ພາລະກອນສະຖານທູດມານະພະຍາຍາມກວ່າອີກເພື່ອ ແນໃສ່ປະກອບສ່ວນຊຸກຍູ້ການພົວພັນລະຫວ່າງສອງປະເທດ, ໃນນັ້ນສືບຕໍ່ ບຸລິມະສິດຍູ້ແຮງບັນດາການເຄື່ອນໄຫວການພົວພັນຕ່າງປະເທດປະຊາຊົນລະຫວ່າງສອງປະເທດ.
ບູນມີ
