| ການທ່ອງທ່ຽວ ແຄງຮວ່າ ກຳລັງຂຸ້ນຂ້ຽວກະກຽມຕ້ອນຮັບນັກທ່ອງທ່ຽວຕ່າງປະເທດ | |
| ພິທີໄຂປີທ່ອງທ່ຽວແຫ່ງຊາດ 2022 ຈະດຳເນີນໃນ ເດືອນມີນາ ຢູ່ແຂວງ ກ໋ວາງນາມ |
ຕອນບ່າຍຂອງວັນທີ 9 ມີນາ, ທ່ານ ຫງວຽນມີງລວນ ຮອງປະທານຄະນະກຳມະການປະຊາຊົນແຂວງກາເມົ່າ ໃຫ້ຊາບວ່າ, ແຂວງກາເມົ່າໄດ້ມີການຮັບຮອງແຈ້ງປະກາດລາຍການກິດຈະກຳ “ ກາເມົ່າ-ຈຸດໝາຍປາຍທາງ ປີ 2022” ດ້ວຍຫຼາຍກິດຈະກຳການເຄື່ອນໄຫວທີ່ພົ້ນເດັ່ນ, ໜ້າດຶງດູດໃຈທາງດ້ານວັດທະນະທຳ, ການທ່ອງທ່ຽວ, ລົດຊາດອາຫານ,…
 |
| ພາບປະກອບ:baonhandan |
ບັນດາກິດຈະກຳທີ່ໂດດເດັ່ນໃນລາຍການ “ກາເມົ່າ-ຈຸດໝາຍປາຍທາງ ປີ 2022” ປະກອບມີ: ບຸນໄຫວ້ເຈົ້າທະເລ ງິງໂອງ ແຫ່ງເມືອງ ໂຊງດົກ, ບຸນປະເພນີລຳລຶກບຸນຄຸນແຜນດິນຊາດ; ເທດສະການເຂົ້າໜົມພື້ນບ້ານພາກໃຕ້ ຄັ້ງທີ II; ມະຫະກຳເຄື່ອງປ່າ ອູມິງ ອັນຫອມຫວນ; ເທດສະການປູກາເມົ່າ; ພິທີກຳຊັກທຸງຮ່ວມສາຍນະທີ; ເທດສະການລົດຊາດອາຫານດິນແດນປາຍດັງ; ການແຂ່ງຂັນແລ່ນມາລາທອນ - ດິນແດນປາຍດັງກາເມົ່າ 2022 ແລະ ກິດຈະກຳພົບຜູ້ປະກອບການ ແລະ ກິດຈະກຳການພັດທະນາຜະລິດຕະພັນ OCOP ປີ 2022.
ບັນດາກິດຈະກຳພົ້ນເດັ່ນໃນລາຍການ "ກາເມົ່າ-ຈຸດໝາຍປາງທາງ ປີ 2022” ດຳເນີນການໃນທົ່ວໄລຍະເວລາຂອງປີ 2022, ຈັດຂຶ້ນໃນທົ່ວທຸກທ້ອງຖິ່ນຂອງແຂວງ, ເປັນຕົ້ນແມ່ນສະຖານທີ່ທ່ອງທ່ຽວທີ່ມີຊື່ສຽງຂອງທ້ອງຖິ່ນທີ່ເຕັມໄປດ້ວຍມົນສະເໜ່ອັນສະເພາະທາງດ້ານວັດທະນະທຳ, ຊົນຊາດຊົນເຜົ່າເຂດສາຍແມ່ນ້ຳກາເມົ່າ ເຊັ່ນ: ພື້ນທີ່ປາຍດັງກາເມົ່າ, ປ່າສະຫງວນ ອູມີງຮ້າ, ໝູ່ບ້ານ ທອຍບິ່ງ,… ພິເສດ, ໃນເດືອນເມສາ 2022 ກາເມົ່າມີ 3 ກິດຈະກຳພົ້ນເດັ່ນຄື: ບຸນປະເພນີລຳລຶກບຸນຄຸນແຜນດິນຊາດ; ເທດສະການເຂົ້າໜົມພື້ນບ້ານພາກໃຕ້ ຄັ້ງທີ II; ມະຫະກຳເຄື່ອງປ່າ ອູມິງ ອັນຫອມຫວນ.
ກ່ອນນີ້ໃນຕົ້ນປີ 2021, ກາເມົ່າໄດ້ປະກາດຮັບຮອງກິດຈະກຳທີ່ຫຼາກຫຼາຍໃນລາຍການ “ກາເມົ່າ-ຈຸດໝາຍປາຍທາງ ປີ 2021” ແຕ່ຍ້ອນສະພາບການແຜ່ລະບາດຂອງພະຍາດທີ່ຜັນແປຢ່າງຫຍຸ້ງຍາກນັ້ນ ເຮັດໃຫ້ຫຼາຍກິດຈະກຳຕ້ອງໄດ້ໂຈະ ແລະ ຈຳກັດຈຳນວນຜູ້ເຂົ້າຮ່ວມ. ເຖິງຢ່າງໃດກໍຕາມ, ບັນດາກິດຈະກຳທີ່ແຂວງກາເມົ່າໄດ້ຈັດຕັ້ງຂຶ້ນເຖິງວ່າຈະເປັນຄັ້ງທຳອິດ ແຕ່ກໍໄດ້ຮັບການຕີລາຄາວ່າມີຜົນສຳເລັດ, ເປັນຕົ້ນແມ່ນ: ເທດສະການເຂົ້າໜົມພື້ນບ້ານພາກໃຕ້ ຄັ້ງທີ I; ການແຂ່ງຂັນເຮືອໄວປະກອບເຄື່ອງຈັກ Composite ກາເມົ່າ; ມະຫະກຳເຄື່ອງປ່າ ອູມິງ ອັນຫອມຫວນ.
ວິລະຊົນ
