| ແຂວງນິງບິງສົ່ງເສີມການທ່ອງທ່ຽວ | |
| ແຂວງເທື່ອທຽນເຫວ້ ເພີ່ມທະວີການຮ່ວມມື ພັດທະນາ ການທ່ອງທ່ຽວ ກັບບັນດາແຂວງພາກເໜືອ |
ດ້ວຍຊາຍຝັ່ງທະເລທີ່ງາມທີ່ສຸດລະດັບຕົ້ນໃນພາກກາງ ແລະ ປະສົບການໃນການທົດລອງຕ້ອນຮັບນັກທ່ອງທ່ຽວສາກົນ, ແຂວງ ແຄງຮວ່າ ຮອດເວລານີ້ມີຄວາມເຊື່ອມໝັ້ນທີ່ຈະເປີດການທ່ອງທ່ຽວຄືນດັ່ງໄລຍະເຕີບໂຕເມື່ອກ່ອນ. ໃນສະຖານທີ່ທ່ອງທ່ຽວໝູ່ເກາະ ຢຽບເຊີນ (ເມືອງ ວັນນີງ, ແຂວງ ແຄງຮວ່າ), ເຈົ້າຂອງສະຖານທີ່ທ່ອງທ່ຽວໄດ້ລົງມືເຂົ້າໃນການປັບປຸງ, ຟື້ນຟູຄືນພື້ນຖານສິ່ງອຳນວຍຄວາມສະດວກ ເພື່ອຮັບຕ້ອນນັກທ່ອງທ່ຽວພາຍໃນ ແລະ ສາກົນ ພາຍຫຼັງວັນທີ 15 ມີນາ ຕາມທິດແນະນຳຂອງລັດຖະບານ.
 |
| ພາບປະກອບ: vietnamfinance |
ເພື່ອເປັນການຮັບຕ້ອນນັກທ່ອງທ່ຽວສາກົນຢ່າງຕັ້ງໜ້າ, ຂະແໜງການທ່ອງທ່ຽວແຂວງ ແຄງຮວ່າ ກ່ອນໜ້ານີ້ ໄດ້ຈັດຕັ້ງຄະນະສຳຫຼວດສະເພາະຂະແໜງການ ເພື່ອແນະນຳພື້ນຖານທີ່ພັກອາໄສ, ສະຖານທີ່ທ່ອງທ່ຽວ, ຂົນສົ່ງ, ບໍ່ລິສັດຂົນສົ່ງທ່ອງທ່ຽວ, ສະຖານທີ່ຈັບຈ່າຍຕ່າງໆ ເພື່ອກະກຽມແຫຼ່ງບຸກຄະລາກອນ, ແບ່ງພື້ນທີ່ຮັບຕ້ອນນັກທ່ອງທ່ຽວສາກົນຕາມລະບຽບການ ພ້ອມກັບຕ້ອງຮັບປະກັນໃຫ້ດີບັນດາມາດຕະຖານກ່ຽວກັບ “ແທດເໝາະກັບຄວາມປອດໄພ, ຢືດຢຸນ, ຄວບຄຸມການແຜ່ລະບາດພະຍາດໂຄວິດ-19 ຢ່າງມີປະສິດທິພາບ” ໃນການເຄື່ອນໄຫວທຸລະກິດການບໍລິການທ່ອງທ່ຽວ ແລະ ກຽມພ້ອມຮັບຕ້ອນນັກທ່ອງທ່ຽວສາກົນທີ່ມີ “ໜັງສືຜ່ານແດນວັກຊີນ”.
ທ່ານ ນາງ ຫງວຽນຖີ້ເລແທງ - ອຳນວຍການພະແນກທ່ອງທ່ຽວ ແຄງຮວ່າ - ໃຫ້ຊາບວ່າ, ຈາກຜົນສຳເລັດໃນການເປີດຄືນຂອງຕະຫຼາດການທ່ອງທ່ຽວພາຍໃນ, ຂະແໜງການທ່ອງທ່ຽວ ແຄງຮວ່າ ໄດ້ກຳລັງສູມໃສ່ການດຶງດູດນັກທ່ອງທ່ຽວສາກົນໂດຍຜ່ານການຜັນຂະຫຍາຍຄຳແນະນຳຈັດຕັ້ງທົດລອງຮັຍຕ້ອນນັກທ່ອງທ່ຽວສາກົນມາທີ່ ແຄງຮວ່າ ນັບແຕ່ເດືອນພະຈິກ 2021.
“ໃນຂະບວນການຟື້ນຟູຄືນກິດຈະກຳການທ່ອງທ່ຽວພາຍໃນ ແລະ ສາກົນ, ແຄງຮວ່າ ກຳນົດຈະຟື້ນຟູຢ່າງມີຂັ້ນຕອນ, ວິທີທາງໃນແຕ່ລະບາດກ້າວ. ກຳນົດເອົາແຫຼ່ງຕະຫຼາດພາຍໃນໃຫ້ມີບົດບາດຫຼັກໃນໄລຍະການຟື້ນຟູຂະແໜງການທ່ອງທ່ອງທ່ຽວ. ຮ່ວມກັນນັ້ນ, ຂະແໜງການທ່ອງທ່ຽວກໍຕ້ອງຕິດຕາມການແນະນຳຂອງລັດຖະບານ ແລະ ກະຊວງວັດທະນະທຳ, ຂໍ້ມູນຂ່າວສານ ແລະ ທ່ອງທ່ຽວ ໃນການເປີດຄືນກິດຈະກຳການທ່ອງທ່ຽວ ເພື່ອຈະມີການທິດຊີ້ນຳທີ່ເໝາະສົມ” - ທ່ານ ນາງ ຫງວຽນຖີ້ເລແທງ ແລກປ່ຽນກັບພວກເຮົາ.
ວິລະຊົນ
