 |
| ທ່ານເອກອັກຄະລັດຖະທູດ ດັ້ງດິ່ງກຸ່ຍ (ພາບ: ສປຊ) |
ກ່ອນທີ່ຈະສິ້ນສຸດອາຍຸການ, ທ່ານເອກອັກຄະລັດຖະທູດ ດັ້ງດິ່ງກຸ່ຍ ໄດ້ມີການພົບປະອຳລາທ່ານ António Guterres ເລຂາທິການໃຫຍ່ ສປຊ, ທ່ານ Jean-Pierre Lacroix ຮອງເລຂາທິການໃຫຍ່ ສປຊ ຮັບຜິດຊອບການເຄື່ອນໄຫວຮັກສາສັນຕິພາບ, ບັນດາເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າບັນດາປະເທດ ສປຊ, ກໍ່ຄືຄູ່ຮ່ວມມື, ເພື່ອນມິດຕ່າງໆ.
ບັນດາຜູ້ຕາງໜ້າ ສປຊ, ເອກອັກຄະລັດຖະທູດ, ຄູ່ຮ່ວມມື ແລະ ເພື່ອນມິດປະເທດປະຈຳຖິ່ນໄດ້ຕີລາຄາສູງການປະກອບສ່ວນຢ່າງແທດຈິງຂອງ ຫວຽດນາມ ແລະ ສ່ວນຕົວທ່ານເອກອັກຄະລັດຖະທູດຕໍ່ວຽກງານຂອງ ສປຊ ໃນໄລຍະຜ່ານມາ, ປະກອບສ່ວນຍົກສູງຖານະບົດບາດ, ພາບພົດຂອງ ຫວຽດນາມ ໃນປະຊາຄົມສາກົນ.
ທ່ານເອກອັກຄະລັດຖະທູດ ຮັບດົງຕຳແໜ່ງຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ, ນິວຢອກ ແຕ່ເດືອນກໍລະກົດປີ 2018. ໃນອາຍຸການປະຕິບັດງານຂອງຕົນ, ທ່ານເອກອັກຄະລັດຖະທູດ ໄດ້ຕາງໜ້າຫວຽດນາມ ໃນຖານະແມ່ນກຳມະການບໍ່ປະຈຳການຂອງ ສະພາຄວາມໝັ້ນຄົງ ສປຊ ອາຍຸການ 2020 – 2021, ໃນນັ້ນມີ 2 ເດືອນ ດຳລົງຕຳແໜ່ງເປັນປະທານສະພາຄວາມໝັ້ນຄົງ ສປຊ ໃນເດືອນມັງກອນປີ 2020 ແລະ ເດືອນເມສາປີ 2021.
ປີ 2020, ທ່ານເອກອັກຄະລັດຖະທູດ ໄດ້ຮັບດຳລົງບົດບາດເປັນປະທານຄະນະກຳມະການອາຊຽນ ປະຈຳ ນິວຢອກ ແລະ ຊຸກຍູ້ສະມັດຊາໃຫຍ່ ສປຊ ຮັບຮອງເອົາມະຕິກ່ຽວກັບການຮ່ວມມືອາຊຽນ - ສປຊ ກັບ 110 ປະເທດຮ່ວມອຸປະຖຳ. ປີ 2021, ທ່ານເອກອັກຄະລັດຖະທູດ ກໍ່ຊຸກຍູ້ສະມັດຊາໃຫຍ່ ສປຊ ຜ່ານການເຫັນດີຫັນພ້ອມມະຕິທີ່ຖືວັນທີ 27 ທັນວາແມ່ນວັນສາກົນຕ້ານໂລກລະບາດໂຄວິດ - 19 ດ້ວຍ 115 ປະເທດເຫັນດີ ແລະ ກໍ່ສ້າງກຸ່ມເພື່ອນມິດຂອງ ອະນຸສັນຍາ ສປຊ ປີ 1982 ກ່ຽວກັບກົດໝາຍວ່າດ້ວຍທະເລ (UNCLOS) ໂດຍມີການເຂົ້າຮ່ວມຂອງ 112 ປະເທດສະມາຊິກ.
ບຸນຄົງ
