 |
| ທ່ານ ດິງຕຽນຢຸງ ເລຂາຄະນະພັກນະຄອນຮ່າໂນ້ຍ ແລະ ທ່ານ Leonid Kalashnikov, ຮອງປະທານພັກ KPRF (ພາບ: kinhtedothi.vn) |
ຫວ່າງແລ້ວນີ້, ຢູ່ສຳນັກງານຄະນະພັກນະຄອນ ຮ່າໂນ້ຍ, ທ່ານເລຂາຄະນະພັກນະຄອນ ຮ່າໂນ້ຍ ດິ່ງຕຽນຢຸງ ໄດ້ຕ້ອນຮັບ ຄະນະຜູ້ແທນພັກກອມມຸູນິດ ສະຫະພັນ ຣັດເຊຍ (KPRF) ທ່ານ Leonid Kalashnikov, ຮອງປະທານພັກ KPRF, ປະທານຄະນະກຳມະການບັນດາບັນຫາກ່ຽວກັບກຸ່ມວົງຄະນະຍາດບັນດາປະເທດເອກະລາດ, ການຮ່ວມສຳພັນ ອາຊີ - ເອີຣົບ ແລະ ຊາວ ຣັດເຊຍ ຢູ່ຕ່າງປະເທດຂອງສະພາຕ່ຳ (Duma) ຣັດເຊຍ ແລະ ຄະນະຜູ້ແທນ Duma ແຫ່ງຊາດ ຂຶ້ນກັບພັກກອມມູນິດ ສະຫະພາບຣັດເຊຍ, ຮອງຫົວໜ້າຄະນະກຳມະການຕະຫຼາດການເງິນ Duma ແຫ່ງຊາດ ສະຫະພັນລັດເຊຍ Vadim Kumin.
ຕາມທ່ານເລຂາ ດິ່ງຕຽນຢູ່ງ ແລ້ວ, ເລື່ອງ ຫວຽດນາມ ເຊັນສັນຍາການຄ້າເສລີ ຫວຽດນາມ - ສະຫະພັນເສດຖະກິດ ອາຊີ - ເອີຣົບ ໄດ້ເປີດການຮ່ວມມືໃໝ່ກ່ຽວກັບດ້ານການຄ້າ, ການລົງທຶນ ແລະ ການທ່ອງທ່ຽວສຳລັບ 2 ຝ່າຍ. ບົນພື້ນຖານນັ້ນ, ສອງຝ່າຍຕ້ອງສືບຕໍ່ຮ່ວມມື ແລະ ຂຸດຄົ້ນສັນຍາ EAEU ເພື່ອສົມກັບຄວາມສາມາດບົ່ມຊ້ອນລະຫວ່າງສອງຝ່າຍ.
ທ່ານ ດິງຕຽນຢຸງ ເລຂາຄະນະພັກນະຄອນຮ່າໂນ້ຍ ໄດ້ແຈ້ງໃຫ້ຊາບວ່າ ປັດຈຸບັນ ຮ່າໂນ້ຍ ມີມໍລະດົກວັດທະນະທຳປະຫວັດສາດ 5.922 ແຫ່ງ ໃນບໍລິເວນນະຄອນ ພ້ອມກັບມໍລະດົກບໍ່ເປັນວັດຖຸຕ່າງໆ, ໃນນັ້ນມີມໍລະດົກວັກທະນະທຳຫຼາຍຢ່າງມີອາຍຸກ່ວາ 1000 ປີ. ນີ້ແມ່ນຄວາມສາມາດບົ່ມຊ້ອນອັນໃຫຍ່ຫຼວງ ເພື່ອໃຫ້ທັງສອງຝ່າຍ ອາດຈະສົມທົບກັນຂຸດຄົ້ນ, ພ້ອມທັງຢັ້ງຢືນການຮ່ວມມືທີ່ຕິດພັນກັບມູນເຊື້ອ, ການທ່ອງທ່ຽວ ແລະ ການບໍລິການ ຈະຊຸກຍູ້ການເຕີບໂຕລະຫວ່າງສອງປະເທດ.
ສ່ວນທ່ານ Leonid Kalashnikov ໃຫ້ຮູ້ວ່າ ໜ້າທີ່ຫຼັກໃນການຢ້ຽມຢາມຄັ້ງນີ້ແມ່ນມອບລາງວັນ Lenin ໃຫ້ແກ່ສະຫາຍ ຫງວຽນຝຸຈ້ອງ.
ທ່ານ Kalashnikov ຢັ້ງຢືນການພົວພັນສອງຝ່າຍ ພວມມີການພັດທະນາອັນດີງາມ, ເປັນຕົ້ນແມ່ນພາຍຫຼັງການຢ້ຽມຢາມຣັດເຊຍ ຂອງທ່ານປະທານປະເທດ ຫງວຽນຊວັນຟຸກ ທີ່ສິ້ນສຸດລົງຢ່າງຈົບງາມ ຕາມຄຳເຊື້ອເຊີນຂອງ ທ່ານປະທານາທິບໍດີ ລັດເຊຍ Vladimir Putin ໃນຕົ້ນເດືອນທັນວາ ປີ 2021. ເລື່ອງການນຳສອງທ່ານໄດ້ເຂົ້າຮ່ວມການເຈລະຈາທີ່ແກ່ຍາວເປັນເວລາ 4 ຊົ່ວໂມງ (ທຽບໃສ່ກັບເວລາປົກກະຕິ 1,5 ຊົ່ວໂມງ) ໄດ້ສະແດງໃຫ້ເຫັນຄວາມສຳຄັນໃນການພົວພັນຍຸດທະສາດລະຫວ່າງສອງປະເທດ.
ທ່ານ Kalashnikov ໃຫ້ຮູ້ວ່າ ໃນຖານະເປັນຫົວໜ້າຄະນະກຳມະການເຊື່ອມຕໍ່ ອາຊີ - ເອີລົບ, ສະຫາຍ ຈະຊຸກຍູ້ການພົວພັນຮ່ວມມືກັບ ຫວຽດນາມ ຢູ່ຂົງເຂດນີ້.
ທ່ານ Kalashnikov ໄດ້ສະເໜີໃຫ້ການນຳຮ່າໂນ້ຍ ເອົາໃຈໃສ່ຊຸກຍູ້ການໜູນຊ່ວຍຜັນຂະຫຍາຍໂຄງການກໍ່ສ້າງເຮືອນມົດສະກູຢູ່ຮ່າໂນ້ຍ, ຜ່ານນັ້ນ ກໍນຳໂຄງການກາຍເປັນສູນວັດທະນະທຳ, ການພົວພັນການຄ້າລະຫວ່າງສອງຝ່າຍ.
ກ່ຽວກັບບັນຫານີ້, ທ່ານເລຂາຄະນະພັກນະຄອນຮ່າໂນ້ຍ ດິງຕຽນຢຸງ ຢັ້ງຢືນວ່າ ຮ່າໂນ້ຍ ຈະສຸມໃສ່ຊີ້ນຳ ເພື່ອໃຫ້ໂຄງການຜັນຂະຫຍາຍໂດຍໄວ. ປັດຈຸບັນ ຮ່າໂນ້ຍໄດ້ແນະນຳສະຖານທີ່ ທີ່ມີເນື້ອທີ່ ກ່ວາ 4,64 ເຮັກຕາ ຢູ່ ເມຈີ ເພື່ອຜັນຂະຫຍາຍໂຄງການ, ພ້ອມທັງສະແດງຄວາມເຊື່ອໝັ້ນວ່າ ທີ່ຕັ້ງນີ້ຈະແມ່ນສະຖານທີ່ສວຍງາມໃຫ້ແກ່ໂຄງການສຳຄັນລະຫວ່າງສອງປະເທດ.
ບຸນຄົງ
