| ທ່ານປະທານສະພາແຫ່ງຊາດຫວຽດນາມ ເວືອງດິ່ງເຫ້ວ ຢ້ຽມຢາມ ສ.ເກົາຫຼີ ແລະ ອິນເດຍ | |
| ທ່ານປະທານສະພາແຫ່ງຊາດ ເວືອງດິ່ງເຫ້ວ ຕ້ອນຮັບຜູ້ອຳນວຍການໃຫຍ່ ADB ປະຈຳ ຫວຽດນາມ |
ຕອນເຊົ້າວັນທີ 13 ທັນວາ (ຕາມເວລາທ້ອງຖິ່ນ), ໃນຂອບເຂດການຢ້ຽມຢາມ ສ.ເກົາຫຼີ ຢ່າງເປັນທາງການ, ທ່ານປະທານສະພາແຫ່ງຊາດ ເວື່ອງດິ່ງເຫ້ວ ໄດ້ໃຫ້ການຕ້ອນຮັບການນຳບັນດາກຸ່ມບໍລິສັດ ແລະ ວິສາຫະກິດ ສ.ເກົາຫຼີ, ໃນນັ້ນມີ ທ່ານຮອງປະທານ ທັງເປັນຜູ້ອຳນວຍການໃຫຍ່ຂອງ Samsung Electronic Han Jong-hee, ທ່ານປະທານສະພາບໍລິຫານ ຂອງກຸ່ມບໍລິສັດ SK Group Choi-Tae-won, ທ່ານຜູ້ອຳນວຍການໃຫຍ່ຂອງ Lotte Shopping ແລະ Lotte Mart Kang Sung-hyun...
ທ່ານປະທານສະພາແຫ່ງຊາດ ເວື່ອງດິ່ງເຫ້ວ ເນັ້ນໜັກວ່າ ຫວຽດນາມ ແລະ ສ.ເກົາຫຼີ ພວມມານະພະຍາຍາມເພື່ອນຳການພົວພັນສອງຝ່າຍຂຶ້ນສູ່ລະດັບສູງໃໝ່ ເນື່ອງໃນໂອກາດສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ. ສອງຝ່າຍຕັດສິນໃຈຊຸກຍູ້ການຮ່ວມມືດ້ານເສດຖະກິດການຄ້າສອງປະເທດໃຫ້ບັນລຸເປົ້າໝາຍ 100 ຕື້ USD ໃນປີ 2023.
 |
| ທ່ານປະທານສະພາແຫ່ງຊາດ ເວື່ອງດິ່ງເຫ້ວ ຕ້ອນຮັບບັນດາວິສາຫະກິດ ສ.ເກົາຫຼີ. (ພາບ: TTXVN) |
ການນຳບັນດາກຸ່ມບໍລິສັດ ແລະ ວິສາຫະກິດ ສ.ເກົາຫຼີ ໄດ້ສະແດງຄວາມເປັນກຽດທີ່ທ່ານປະທານສະພາແຫ່ງຊາດຫວຽດນາມ ເວື່ອງດິ່ງເຫ້ວ ໄດ້ສະຫຼະເວລາຮັບຕ້ອນ; ໄດ້ເນັ້ນໜັກເຖິງ ຄວາມໝາຍຂອງການຢ້ຽມຢາມ ໃນການຊຸກຍູ້ການຮ່ວມມືລະຫວ່າງສອງປະເທດ, ພິເສດແມ່ນການຮ່ວມມືດ້ານເສດຖະກິດ ໃນໄລຍະຫຼັງໂລກລະບາດໂຄວິດ-19.
ໂດຍຕີລາຄາສູງໝາກຜົນແຫ່ງການສະກັດກັ້ນໂລກລະບາດ Covid-19, ການຮັກສາ ແລະ ພັດທະນາເສດຖະກິດຫວຽດນາມ ໃນໄລຍະຜ່ານມາ, ການນຳບັນດາກຸ່ມບໍລິສັດ ແລະ ວິສາຫະກິດ ສ.ເກົາຫຼີ ສະແດງຄວາມອຸ່ນອຽນໃຈ ເມື່ອຫວຽດນາມ ພວມຫັນເປັນການປັບຕົວເຂົ້າກັບສະພາບການແຜ່ລະບາດຂອງພະຍາດໂຄວິດ-19 ຢ່າງປອດໄພ, ກະກຽມປະຕິບັດໂຄງການສັງລວມ ເພື່ອຟື້ນຟູເສດຖະກິດພາຍຫຼັງໂລກລະບາດໂຄວິດ-19; ເຊື່ອໝັ້ນວ່າ ຫວຽດນາມ ຈະສືບຕໍ່ແມ່ນຈຸດໝາຍດຶງດູດນັກລົງທຶນຕ່າງປະເທດ, ໃນນັ້ນມີບັນດານັກລົງທຶນ ສ.ເກົາຫຼີ.
ການນຳບັນດາກຸ່ມບໍລິສັດ ແລະ ບັນດາວິສາຫະກິດ ສ.ເກົາຫຼີ ໃຫ້ຄຳໝັ້ນສັນຍາສືບຕໍ່ລົງທຶນຍາວນານຢູ່ ຫວຽດນາມ, ປາດຖະໜາຢາກສົມທົບກັບ ຫວຽດນາມ ໃນບັນດາຂົງເຂດ ຄື: ພະລັງງານ, ເຄິ່ງຊັກນຳໄຟຟ້າ ແລະ ICT, ການຮ່ວມມືລົງທຶນໃນບັນດາອຸດສາຫະກຳເຕັກໂນໂລຢີສູງ, ອຸດສາຫະກຳຂຽວ, ພະລັງງານສະອາດ; ໜູນຊ່ວຍວິສາຫະກິດຫວຽດນາມ ເຂົ້າຮ່ວມໃນຕ່ອງໂສ້ການສະໜອງທົ່ວໂລກ.
ຄຳຮຸ່ງ
