ທ່ານປະທານສະພາແຫ່ງຊາດ ເຈີນແທງເໝີນ ຖະຫວາຍທູບທຽນອາໄລຫາບັນດາວິລະຊົນ ແລະນັກຮົບເສຍສະຫຼະຊີວິດເພື່ອຊາດ ຢູ່ສຸສານນັກຮົບເສຍສະຫຼະຊີວິດເພື່ອຊາດສາກົນ ຫວຽດນາມ

ຍສໝ - ຕອນບ່າຍວັນທີ 8 ກໍລະກົດ, ໃນບັນຍາກາດທີ່ທົ່ວປະເທດມຸ່ງໄປເຖິງພິທີສະເຫຼີມສະຫຼອງ 77 ປີແຫ່ງວັນທະຫານເສຍອົງຄະ ແລະ ນັກຮົບເສຍສະຫຼະຊີວິດເພື່ອຊາດ, ຢູ່ເຂດພູດອຍ ເມືອງ ແອງເຊີນ (ແຂວງ ເງ້ອານ), ທ່ານປະທານສະພາແຫ່ງຊາດຫວຽດນາມ ເຈີນແທງເໝີນ ພ້ອມດ້ວຍຄະນະປະຈຳສະພາແຫ່ງຊາດ ໄດ້ຖະຫວາຍທູບທຽນອາໄລຫາປະທານ ໂຮ່ຈີມິນ ແລະ ບັນດາວິລະຊົນຜູ້ທີ່ເສຍສະຫຼະຊີວິດເພື່ອຊາດ ຢູ່ສຸສານນັກຮົບເສຍສະຫຼະຊີວິດເພື່ອຊາດສາກົນ ຫວຽດນາມ - ລາວ.

	ທ່ານປະທານສະພາແຫ່ງຊາດ ບຸນກາຣີ: ເພື່ອນມິດຫວຽດນາມ ແມ່ນປັດໄຈສຳຄັນ, ຮັບປະກັນຜົນສຳເລັດຂອງການຮ່ວມມືລະຫວ່າງ 2 ປະເທດ
	ທ່ານປະທານສະພາແຫ່ງຊາດ ບຸນກາຣີ Rossen Dimitrov Jeliazkov ຈະໄປຢ້ຽມຢາມ ຫວຽດນາມ ຢ່າງເປັນທາງການ

ທ່ານປະທານສະພາແຫ່ງຊາດ ເຈີນແທງເໝີນ ຖະຫວາຍທູບທຽນອາໄລຫາບັນດາວິລະຊົນ ແລະນັກຮົບເສຍສະຫຼະຊີວິດເພື່ອຊາດ ຢູ່ສຸສານນັກຮົບເສຍສະຫຼະຊີວິດເພື່ອຊາດສາກົນ ຫວຽດນາມ - ລາວ.

ທ່ານປະທານສະພາແຫ່ງຊາດ ຫວຽດນາມ ເຈີນແທງເໝີນ ໄດ້ຈູດທູບທຽນຢູ່ສຸສານນັກຮົບເສຍສະຫຼະຊີວິດເພື່ອຊາດສາກົນ ຫວຽດນາມ - ລາວ.

ໂດຍມີບັນດາກຳມະການສູນກາງພັກ: ທ່ານຫົວໜ້າກຳມາທິການວັດທະນະທຳ ແລະ ການສຶກສາ ສະພາແຫ່ງຊາດ, ປະທານສະມາຄົມມິດຕະພາບ ຫວຽດນາມ - ລາວ ຫງວຽນດັກວິງ; ທ່ານຫົວໜ້າຄະນະວຽກງານຜູ້ແທນຂຶ້ນກັບຄະນະປະຈຳສະພາແຫ່ງຊາດ ຫງວຽນແທງຫາຍ; ທ່ານເລຂາຄະນະພັກແຂວງ ເງ້ອານ ໄທແທງກຸ່ຍ.

ທ່ານປະທານສະພາແຫ່ງຊາດ ຫວຽດນາມ ເຈີນແທງເໝີນ ໄດ້ຖະຫວາຍທູບທຽນຢູ່ວິຫານບູຊາປະທານ ໂຮ່ຈີມິນ ຢູ່ສຸສານນັກຮົບເສຍສະຫຼະຊີວິດເພື່ອຊາດສາກົນ ຫວຽດນາມ - ລາວ.

ສຸສານນັກຮົບເສຍສະຫຼະຊີວິດເພື່ອຊາດສາກົນ ຫວຽດນາມ - ລາວ ໄດ້ຮັບການກໍ່ສ້າງໃນປີ 1976, ຢູ່ເຂດ 4, ເທດສະບານ ອານເຊືອງ, ເມືອງ ແອງເຊີນ, ແຂວງ ເງ້ອານ. ນີ້ແມ່ນສຸສານໃຫຍ່ທີ່ສຸດທີ່ເຕົ້າໂຮມຫຼຸມສົບຂອງບັນດານັກຮົບອາສາສະໝັກ ແລະ ນັກຊ່ຽວຊານຫວຽດນາມ ທີ່ເສຍຊີວິດຢູ່ ລາວ. ສຸສານພິເສດນີ້ແມ່ນບ່ອນພັກຂອງທະຫານອາສາສະໝັກ ແລະ ນັກຊ່ຽວຊານ ຫວຽດນາມ 10.804 ຄົນ ທີ່ຕໍ່ສູ້ ແລະ ເສຍຊີວິດຢູ່ ລາວ.

ແຕ່ລະປີ, ຄະນະຄຸ້ມຄອງສຸສານໄດ້ຕ້ອນຮັບແຂກ ແລະ ປະຊາຊົນນັບໝື່ນຄົນມາເພື່ອຈູດທູບທຽນອາໄລຫາບັນດາວິລະຊົນ ແລະ ນັກຮົບທີ່ເສຍສະຫຼະຊີວິດເພື່ອຊາດ ໄດ້ເສຍສະຫຼະຊີວິດຢ່າງພິລະອາດຫານໃຫ້ທັງສອງຊາດ.

ຕໍ່ຈາກນັ້ນ, ຢູ່ສຳນັກງານຄະນະພັກເມືອງ ແອງເຊີນ, ທ່ານປະທານສະພາແຫ່ງຊາດ ເຈີນແທງເໝີນ ແລະ ຄະນະປະຕິບັດງານຂອງຄະນະປະຈຳສະພາແຫ່ງຊາດໄດ້ໄປຢ້ຽມຢາມ, ມອບຂອງຂວັນ ແລະ ເປັນສັກຂີພິຍານພິທີມອບເງິນອຸປະຖຳການກໍ່ສ້າງເຮືອນ 20 ຫຼັງໃຫ້ແກ່ຄອບຄົວນະໂຍບາຍ, ຜູ້ທີ່ມີຄຸນງາມຄວາມດີຕໍ່ການປະຕິວັດ.

ແຂວງ ເງ້ອານ ແມ່ນໜຶ່ງໃນ 3 ທ້ອງຖີ່ນທີ່ມີຄອບຄົວຂອງຜູ້ທີ່ມີຄຸນງາມຄວາມດີຕໍ່ການປະຕິວັດ, ນັກຮົບເສຍສະຫຼະຊີວິດເພື່ອຊາດ, ທະຫານບາດເຈັບເປັນຈຳນວນຫຼວງຫຼາຍໃນທົ່ວປະເທດ. ແຂວງມີ 65.147 ຄອບຄົວຂອງຜູ້ທີ່ມີຄຸນງາມຄວາມດີ; ໃນນັ້ນ, ມີທະຫານເສຍອົງຄະ ແລະ ຄົນທີ່ໄດ້ຊົມໃຊ້ນະໂຍບາຍຄືທະຫານເສຍອົງຄະປະມານ 29.619 ຄົນ; ທະຫານເຈັບປ່ວຍ 9.051 ຄົນ ແລະ ປະມານ 13.000 ຄົນທີ່ຕິດເຊື້ອທາດພິດສີສົ້ມ.

ແຕ່ລະປີ, ແຂວງໄດ້ລະດົມທຸກແຫຼ່ງກຳລັງ, ງົບປະມານແຫ່ງລັດ, ປະກອບສ່ວນເຂົ້າໃນກອງທຶນຕອບບຸນແທນຄຸນ, ເບິ່ງແຍງຄອບຄົວຜູ້ມີຄຸນງາມຄວາມດີຕໍ່ການປະຕິວັດ, ຄອບຄົວນະໂຍບາຍເປັນຈຳນວນຫຼວງຫຼາຍ ປະມານ 150 ຕື້ດົ່ງ.

ທ່ານປະທານສະພາແຫ່ງຊາດ ເຈີນແທງເໝີນ ແລະ ທ່ານຫົວໜ້າກຳມທິການວັດທະນະທຳ ແລະ ການສຶກສາ ສະພາແຫ່ງຊາດ ຫງວຽນດັກວິງ ໄດ້ມອບຂອງຂວັນໃຫ້ບັນດາຄອບຄົວນະໂຍບາຍ ແລະ ຜູ້ທີ່ມີຄຸນງາມຄວາມດີຕໍ່ການປະຕິວັດ.

ທ່ານປະທານສະພາແຫ່ງຊາດຮຽກຮ້ອງໃຫ້ແຂວງ ເງ້ອານ ແລະ ເມືອງ ແອງເຊີນ ສືບຕໍ່ປະຕິບັດຄຳສັ່ງເລກທີ 14-CT/TW ຂອງຄະນະເລຂາທິການວ່າດ້ວຍການສືບຕໍ່ເພີ່ມທະວີການນຳພາຂອງພັກໃນວຽກງານຜູ້ທີ່ມີຄຸນງາມຄວາມດີຕໍ່ການປະຕິວັດ; ກວດກາການປະຕິບັດນະໂຍບາຍຂອງພັກ, ລັດ ກັບບັນດາຄອບຄົວຂອງຜູ້ທີ່ມີຄຸນງາມຄວາມດີ, ຄອບຄົວທະຫານເສຍອົງຄະ, ນັກຮົບເສຍສະຫຼະຊີວິດເພື່ອຊາດ; ປຸກລະດົມທົ່ວປວງຊົນຢ່າງແຮງໃນຂະບວນການການເຄື່ອນໄຫວເບິ່ງແຍງດູແລຄອບຄົວຜູ້ມີຄຸນງາມຄວາມດີ, ທະຫານບາດເຈັບ, ຄອບຄົວຜູ້ເສຍສະຫຼະຊີວິດເພື່ອຊາດຜ່ານການປະຕິບັດຕົວຈິງ.

ພ້ອມກັນນັ້ນ, ແຂວງ ເງ້ອານ ກໍ່ຜັນຂະຫຍາຍມະຕິຂອງສະພາແຫ່ງຊາດກ່ຽວກັບການປັບຂຶ້ນເງິນເດືອນຂັ້ນພື້ນຖານໃນໄວໆນີ້, ພິເສດແມ່ນເປົ້າໝາຍບຳນານ, ເປົ້າໝາຍອຸດໜູນປະກັນໄພສັງຄົມ, ເປົ້າໝາຍອຸດໜູນຜູ້ມີຄຸນງາມຄວາມດີ, ເປົ້າໝາຍສັງຄົມທີ່ມີຜົນສັກສິດນັບແຕ່ວັນທີ 1 ກໍລະກົດ ປີ 2024. ສືບຕໍ່ຍ້ອງຍໍ ແລະ ມອບລາງວັນໃຫ້ບັນດາກຸ່ມ, ສ່ວນບຸກຄົນທີ່ໄດ້ປະກອບສ່ວນເຂົ້າໃນການເຄື່ອນໄຫວຕອບບຸນແທນຄຸນ, ການເຄື່ອນໄຫວລະດົມກຳລັງໜູນໃຫ້ແກ່ບັນດາຄອບຄົວນະໂຍບາຍ ແລະ ຜູ້ທີ່ມີຄຸນງາມຄວາມດີ; ພ້ອມກັນນັ້ນ ກໍ່ໄດ້ຍ້ອງຍໍ, ມອບລາງວັນບັນດາຄອບຄົວນະໂຍບາຍ, ຄອບຄົວທະຫານເສຍອົງຄະ ແລະ ນັກຮົບເສຍສະຫຼະຊີວິດເພື່ອຊາດທີ່ຜ່ານຜ່າຄວາມຫຍຸ້ງຍາກເພື່ອບືນຕົວຂຶ້ນ, ຫຼຸດພົ້ນຄວາມທຸກຍາກຢ່າງທັນການ.

ທ່ານປະທານສະພາແຫ່ງຊາດ ເຈີນແທງເໝີນ ໄດ້ເປັນສັກຂີພິຍານພິທີມອບທຶນກໍ່ສ້າງເຮືອນ 20 ຫຼັງໃຫ້ບັນດາຄອບຄົວນະໂຍບາຍຢູ່ເມືອງ ແອງເຊີນ.

ໂດຍລາຍງານກັບທ່ານປະທານສະພາແຫ່ງຊາດ, ທ່ານເລຂາຄະນະພັກແຂວງ ເງ້ອານ ໄທແທງກຸ່ຍ ໃຫ້ຮູ້ວ່າ: ຄຽງຄູ່ກັບການພັດທະນາເສດຖະກິດ - ສັງຄົມ, ແຂວງ ເງ້ອານ ຍາມໃດກໍ່ກຳນົດໜ້າທີ່ປະຕິບັດນະໂຍບາຍສັງຄົມໃຫ້ແກ່ຜູ້ມີຄຸນງາມຄວາມດີຕໍ່ການປະຕິວັດ, ທັງເປັນນ້ຳໃຈ, ຄວາມຮັບຜິດຊອບ ແລະ ທັງເປັນໜ້າທີ່ທາງການເມືອງທີ່ສໍາຄັນ.

ທົ່ວແຂວງຕອບສະໜອງການເຂົ້າຮ່ວມກອງທຶນຕອບບຸນແທນຄຸນເພື່ອໜູນຊ່ວຍບັນດາແມ່ ຫວຽດນາມ ວິລະຊົນ, ເບິ່ງແຍງ, ໜູນຊ່ວຍ, ແບ່ງປັນໃຫ້ບັນດາຄອບຄົວທະຫານບາດເຈັບໜັກ, ພໍ່ແມ່ນັກຮົບເສຍສະຫຼະຊີວິດເພື່ອຊາດ; ຊ່ວຍເຫຼືອບັນດາຄອບຄົວນະໂຍບາຍ ແລະ ຜູ້ທີ່ມີຄຸນງາມຄວາມດີບືນຕົວຂຶ້ນພັດທະນາເສດຖະກິດ, ລົບລ້າງຄວາມອຶດຫິວ ແລະ ຫຼຸດຜ່ອນຄວາມທຸກຍາກ.

ດ້ວຍແຫຼ່ງກຳລັງທີ່ໄດ້ຮັບການລະດົມ, ແຂວງໄດ້ກໍ່ສ້າງ ແລະ ສ້ອມແປງເຮືອນແຫ່ງຄວາມຮັກແພງເກືອບ 16.000 ຫຼັງ; ປື້ມປະຢັດເກືອບ 24.000 ຫົວໃຫ້ຄອບຄົວຜູ້ທີ່ມີຄຸນງາມຄວາມດີຕໍ່ການປະຕິວັດ. ທາງແຂວງຍັງມີທຶນກໍ່ສ້າງ, ປັບປຸງ ແລະ ສ້ອມແປງສຸສານ ແລະ ອານຸສອນສະຖານ 1.000 ກວ່າແຫ່ງ.

ທ່ານປະທານສະພາແຫ່ງຊາດ ເຈີນແທງເໝີນ ແລະ ຄະນະໄດ້ໄປຖະຫວາຍດອກໄມ້ ແລະ ທູບທຽນອາໄລຫາປະທານ ໂຮ່ຈີມິນ ຢູ່ເຂດຮ່ອງຮອຍປະຫວັດສາດແຫ່ງຊາດພິເສດ ກິມລຽນ.

ໃນຕອນບ່າຍວັນດຽວກັນ, ທ່ານປະທານສະພາແຫ່ງຊາດ ເຈີນແທງເໝີນ ແລະ ຄະນະໄດ້ໄປຖະຫວາຍທູບທຽນອາໄລຫາປະທານ ໂຮ່ຈີມິນ ຢູ່ເຂດຮ່ອງຮອຍປະຫວັດສາດແຫ່ງຊາດພິເສດ ກິມລຽນ, ເມືອງ ນາມດານ, ແຂວງ ເງ້ອານ.

ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ໄປຢ້ຽມຢາມ ແລະ ເຮັດວຽກຢູ່ບໍລິສັດ Star Telecom

ຍສໝ - ຕາມຜູ້ຕາງໜ້າຂອງສຳນັກຂ່າວສານ ຫວຽດນາມ, ຕອນເຊົ້າວັນທີ 7 ທັນວາ, ໃນຂອບເຂດການປະຕິບັກງານເຂົ້າຮ່ວມກອງປະຊຸມຂັ້ນສູງສະພາແຫ່ງຊາດ 3 ປະເທດ ກຳປູເຈຍ - ລາວ - ຫວຽດນາມ (CLV), ການຢ້ຽມຢາມ ແລະ ເຮັດວຽກຢູ່ ລາວ, ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ໄດ້ໄປຢ້ຽມຢາມບໍລິສັດ Star ...