| ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ໄປຢ້ຽມຢາມ ແລະ ເຮັດວຽກຢູ່ບໍລິສັດ Star Telecom | |
| ທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ໄດ້ພົບປະກັບປະຊາຄົມຊາວ ຫວຽດນາມ ຢູ່ ໄທ |
ໂດຍຕອບສະໜອງຕາມຄຳເຊີນຂອງທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ , ທ່ານປະທານສະພາແຫ່ງຊາດ ບຸນກາຣີ Rossen Dimitrov Jeliazkov ຈະມາຢ້ຽມຢາມ ຫວຽດນາມ ຢ່າງເປັນທາງການແຕ່ວັນທີ 5 – 9 ມັງກອນ.
 |
ທ່ານປະທານສະພາແຫ່ງຊາດ ບຸນກາຣີ Rossen Dimitrov Jeliazkov ໄດ້ໃຫ້ການຕ້ອນຮັບ ແລະ ໄດ້ມີການພົບປະເຈລະຈາກັບທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ |
ການຢ້ຽມຢາມມິດຕະພາບ ບຸນກາຣີ ຢ່າງເປັນທາງການຂອງທ່ານປະທານ ໂຮ່ຈິມິນ ໃນເດືອນສິງຫາ 1957 ໄດ້ສ້າງພື້ນຖານ ແລະ ເປັນຂີດໝາຍສຳຄັນໃນປະຫວັດສາດການພົວພັນລະຫວ່າງ 2 ປະເທດ. ໃນຊຸມປີມໍ່ໆມານີ້, ການພົວພັນລະຫວ່າງສອງປະເທດໄດ້ພັດທະນາຢ່າງຕັ້ງໜ້າ, ພິເສດແມ່ນໃນຂົງເຂດການເມືອງ ແລະ ການທູດ.
2 ຝ່າຍໄດ້ແລກປ່ຽນຄະນະຜູ້ແທນຂັ້ນສູງຫຼາຍຄະນະ. 2 ຝ່າຍສົມທົບກັນຢ່າງແໜ້ນແຟ້ນຢູ່ບັນດາເວທີປາໄສຫຼາຍຝ່າຍ. ບຸນກາຣີ ສະໜັບສະໜູນ ຫວຽດນາມ ເຂົ້າເປັນອົງການການຄ້າໂລກ (WTO), ຜູ້ຮັບສະໝັກເຂົ້າເປັນສະມາຊິກບໍ່ຖາວອນຂອງສະພາຄວາມໝັ້ນຄົງສະຫະປະຊາຊາດ (ໄລຍະ 2008-2009 ແລະ 2020-2021); ຫວຽດນາມ ເຂົ້າຮ່ວມ ECOSOC ໄລຍະ 2026-2018; ຜູ້ສະໝັກເຂົ້າຮ່ວມສະພາສິດທິມະນຸດສະຫະປະຊາຊາດ (ໄລຍະ 2014 - 2016 ແລະ 2023 - 2025); ສະພາແຫ່ງຊາດ ບຸນກາຣີ ໄດ້ໃຫ້ສັດຕະຍາບັນສັນຍາອາລັກຂາການລົງທຶນ ຫວຽດນາມ - EU (EVIPA) ໃນເດືອນກັນຍາ 2023.
ປີ 2012, ສະພາແຫ່ງຊາດຂອງສອງປະເທດໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມື. 2 ຝ່າຍຮັກສາການພົວພັນ, ປະສານສົມທົບ ແລະ ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສລັດຖະສະພາຫຼາຍຝ່າຍຄື IPU ແລະ ASEP
ປະຈຸບັນ, ປະຊາຄົມຊາວ ຫວຽດນາມ ຢູ່ ບຸນກາຣີ ມີກ່ວາ 1.000 ຄົນ, ສ່ວນຫຼາຍແມ່ນຢູ່ນະຄອນຫຼວງ Sofia.
ສະພາແຫ່ງຊາດສອງປະເທດໄດ້ມີການແລກປ່ຽນຄະນະຜູ້ແທນຂັ້ນສູງຫຼາຍຄະນະ, ພິເສດແມ່ນຄະນະທ່ານປະທານສະພາແຫ່ງຊາດ ຫງວຽນຟຸຈ້ອງ (ປີ 2008). ຫຼ້າສຸດແມ່ນການຢ້ຽມຢາມບຸນກາຣີ ຂອງທ່ານປະທານສະພາແຫ່ງຊາດ ເຫວືອງດິ່ງເຫ້ວ ແຕ່ວັນທີ 24-26 ກັນຍາ 2023.
ມິງດຶກ
