 |
| ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ (ພາບ: baochinhphu.vn) |
ການຢ້ຽມຢາມຂອງທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ໄດ້ດຳເນີນຕາມຄຳເຊີນຂອງທ່ານປະທານສະພາແຫ່ງຊາດ ສ.ເກົາຫຼີ Park Byeong-seug, ທ່ານປະທານສະພາຕ່ຳ ອິນເດຍ Om Birla ແລະ ທ່ານປະທານສະພາສູງ ອິນເດຍ Venkaial Naidu.
ກະຊວງການຕ່າງປະເທດຫວຽດນາມ ໃຫ້ຮູ້ວ່າ: ການຢ້ຽມຢາມ ສ.ເກົາຫຼີ ແລະ ອິນເດຍ ຢ່າງເປັນທາງການຂອງ ທ່ານປະທານສະພາແຫ່ງຊາດ ເວືອງດິ່ງເຫ້ວ ແລະ ຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ໄດ້ດຳເນີນແຕ່ວັນທີ 12 – 19 ທັນວາ.
ຕາມກະຊວງການຕ່າງປະເທດແລ້ວ, ການຢ້ຽມຢາມເພື່ອແນໃສ່ຊຸກຍູ້ການພົວພັນຮ່ວມມືຍຸດທະສາດ ຫວຽດນາມ - ສ.ເກົາຫຼີ ແລະ ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອິນເດຍ ໃນບັນດາຂົງເຂດ ໂດຍສະເພາະແມ່ນການຟື້ນຟູເສດຖະກິດພາຍຫຼັງ Covid-19, ເພີ່ມທະວີການພົບປະປະຊາຊົນ, ການພົບປະແລກປ່ຽນກັບບັນດາທ້ອງຖິ່ນ.
ທ່ານປະທານສະພາແຫ່ງຊາດຈະມີການພົບປະກັບຜູ້ຕາງໜ້າການນຳຂອງຫຼາຍພັກການເມືອງ, ປະຊາຄົມຊາວຫວຽດນາມ, ປະຊາຄົມວິສາຫະກິດ ແລະ ບັນດາການເຄື່ອນໄຫວສຳຄັນອື່ນໆຂອງສອງປະເທດ.
ບຸນຄົງ
