| UNESCO ຮັບຮອງເອົາເຂດອະນຸລັກຊີວະນາໆພັນໂລກ ສອງແຫ່ງ ຂອງຫວຽດນາມ ຕື່ມອີກ | |
| ເຂດນິເວດວິທະຍາ 2 ແຫ່ງຂອງ ຫວຽດນາມ ໄດ້ຮັບການສະເໜີຢູ່ UNESCO |
ຫວຽດນາມ ໄດ້ຮັບບັດຄະແນນໃນການເລືອກຕັ້ງດ້ວຍ 163/178 ບັດ, ໄດ້ຮັບຄວາມເຫັນດີເຫັນພ້ອມ ດ້ວຍມາດຕາສ່ວນ 92%. ນີ້ແມ່ນຄັ້ງທີ 5 ທີ່ ຫວຽດນາມ ໄດ້ຮັບເລືອກຕັ້ງເຂົ້າເປັນສະມາຊິກສະພາບໍລິຫານງານ UNESCO.
 |
| ຫວຽດນາມ ໄດ້ຮັບເລືອກຕັ້ງເຂົ້າເປັນສະມາຊິກສະພາບໍລິຫານງານ UNESCO. (ພາບ: baotintuc) |
ຕາມທ່ານ ມາຍຟານຢູງ, ເລຂາທິການຄະນະກຳມະການແຫ່ງຊາດ ຫວຽດນາມ ປະຈຳ UNESCO, ຫົວໜ້າກົມການທູດວັດທະນະທຳ ແລະ UNESCO (ກະຊວງການຕ່າງປະເທດ), ຫົວໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມໃຫຍ່ UNESCO ຄັ້ງທີ 41 ແລ້ວ, ເລ່ືອງຫວຽດນາມ ໄດ້ກາຍເປັນສະມາຊິກຄະນະບໍລິຫານງານ ໄດ້ສະແດງໃຫ້ເຫັນທີ່ຕັ້ງ ແລະ ຊື່ສຽງ, ຄວາມໄວ້ເນື້ອເຊື່ອໃຈນັບມື້ນັບສູງຂອງປະເທດໃນເວທີສາກົນ ແລະ ເປັນການຮັບຮູ້ຂອງປະຊາຄົມສາກົນ ກ່ຽວກັບການປະກອບສ່ວນຂອງຫວຽດນາມ ໃນການພົວພັນກັບ UNESCO.
ນີ້ແມ່ນໝາກຜົນຂອງການຫັນນະໂຍບາຍການຕ່າງປະເທດຂອງຫວຽດນາມ ເປັນຫຼາຍຝ່າຍ, ຫຼາກຫຼາຍ ແລະ ການເຊື່ອມໂຍງເຂົ້າກັບສາກົນຢ່າງເລິກເຊິ່ງ ແລະ ແທດຈິງຂອງຫວຽດນາມ ໃນຊຸມປີມໍ່ໆມານີ້.
ການເຂົ້າເປັນສະມາຊິກສະພາບໍລິຫານງານ ແມ່ນໂອກາດດີ ເພື່ອໃຫ້ ຫວຽດນາມ ໄດ້ສະແດງ “ໜ້າທີ່ຮັບຜິດຊອບຄວບຄູ່” ໃນການປົກປັກຮັກສາຜົນປະໂຫຍດຂອງຊາດ, ຍາດແຍ່ງເອົາບັນດາແນວຄິດ ແລະ ຂໍ້ລິເລີ່ມຂອງ UNESCO ເພື່ອຮັບໃຊ້ໃຫ້ແກ່ການສ້າງສາ ແລະ ພັດທະນາປະເທດຢ່າງໝັ້ນຄົງ, ຄົບຊຸດ ແລະ ຮອບດ້ານ. ພ້ອມກັນນັ້ນ, ຫວຽດນາມ ຈະມີກາລະໂອກາດປະກອບສ່ວນສຳຄັນເຂົ້າໃນບັນດາບັນຫາສາກົນທີ່ UNESCO ເອົາໃຈໃສ່ຊຸກຍູ້.
ຄຳຮຸ່ງ
