ສະຫະພັນບັນດາສະມາຄົມມິດຕະພາບ

UNESCO ຮັບຮອງເອົາເຂດອະນຸລັກຊີວະນາໆພັນໂລກ ສອງແຫ່ງ ຂອງຫວຽດນາມ ຕື່ມອີກ

16:40 | 17/09/2021

ຍສໝ - ວັນທີ 15 ກັນຍາ, UNESCO ຮັບຮອງເອົາ ພູຈົ່ວ ແລະ ພູພຽງ ກອນຮ່ານຶ່ງ ຂອງ ຫວຽດນາມ ເປັນ​ເຂດອະນຸລັກຊີວະນາໆ​ພັນໂລກ...

ພິທີມອບຫຼຽນກາລະນຶກ ໃຫ້ຜູ້ຕາງໜ້າອົງການ UNESCO ປະຈຳຫວຽດນາມ ພິທີມອບຫຼຽນກາລະນຶກ ໃຫ້ຜູ້ຕາງໜ້າອົງການ UNESCO ປະຈຳຫວຽດນາມ
ວັກຊິນ AstraZeneca ກວ່າ 592.000 ໂດສໄດ້ສົ່ງມາຮອດນະຄອນໂຮ່ຈີມິນ ຕື່ມອີກ ວັກຊິນ AstraZeneca ກວ່າ 592.000 ໂດສໄດ້ສົ່ງມາຮອດນະຄອນໂຮ່ຈີມິນ ຕື່ມອີກ

ທີ່ກອງປະຊຸມຄັ້ງທີ 33 ຂອງສະພາປະສານງານສາກົນ ກ່ຽວກັບໂຄງການມະນຸດ ແລະ ຊີວະນາໆພັນ (MAB/ICC - International Coordinating Council of the Man and the Biosphere Programme) ໃນລະຫວ່າງວັນທີ 13 - 17 ກັນຍາ, ຢູ່ Abuja, ນີເຊເຣຍ, ສອງເຂດອະນຸລັກຮັກສາຊີວະນາໆພັນ ພູຈົົ່ວ ແລະ ພູພຽງ ກອນຮ່ານຶ່ງ ຂອງຫວຽດນາມ ໄດ້ຮັບການຮັບຮອງເປັນເຂດອະນຸລັກຮັກສາຊີວະນາໆພັນໂລກ ຈາກອົງການ UNESCO.

ເປັນອັນວ່າ ໃນໄລຍະແຕ່ປີ 2000 ຫາ 2020, ຫວຽດນາມ ມີທັງໝົດ 11 ແຫ່ງ ທີ່ໄດ້ຮັບການຮັບຮອງເປັນເຂດອະນຸລັກຮັກສາຊີວະນາໆພັນໂລກ, ກາຍເປັນປະເທດທີ່ມີຈຳນວນເຂດອະນຸລັກຮັກສາຊີວະນາໆພັນຫຼາຍອັນດັບ 2 ໃນພາກພື້ນ ອາຊີຕາເວັນອອກສ່ຽງໃຕ້, ຖັດຈາກ ອິນໂດເນເຊຍ.
ພາບປະກອບ

ເຂດອະນຸລັກຮັກສາຊີວະນາໆພັນ ພູຈົ່ວ ມີເນື້ອທີ່ທັງໝົດກວ່າ 106.000 ເຮັກຕາ, ແມ່ນແບບຢ່າງໜຶ່ງທີ່ບັນລຸມາດຕະຖານກ່ຽວກັບລະບົບຊີວະພາບປ່າແຫ້ງແລ້ງ ທີ່ເປັນເອກະລັກສະເພາະຂອງ ຫວຽດນາມ ແລະ ອາຊີຕາເວັນອອກສ່ຽງໃຕ້, ເຊິ່ງແມ່ນໜຶ່ງໃນຈຳນວນເຂດຊີວະພາບ 200 ແຫ່ງທີ່ສຳຄັນຂອງໂລກ ແລະ ໄດ້ຮັບການເລືອກເຟັ້ນວ່າ ແມ່ນໜຶ່ງໃນບັນດາເຂດໃຫ້ບູລິມະສິດອະນຸລັກຮັກສາສູງສຸດຂອງຊີວະນາໆພັນທັງໝົດໃນໂລກ.

ສ່ວນເຂດອະນຸລັກຮັກສາຊີວະນາໆພັນ ພູພຽງ ກອນຮ່ານຶ່ງ ມີເນື້ອທີ່ ປະມານ 413 ພັນ ເຮັກຕາ, ມີລັກສະນະຊີວະສາດສູງທີ່ເປັນເອກະລັກສະເພາະຂອງລະບົບຊີວະພາບປ່າ, ລະບົບພືດພັນຕ່າງໆໃນປ່າ ແລະ ລະບົບສັດປ່າຢູ່ເຂດໄຕງວຽນ ຂອງ ຫວຽດນາມ. ເຂດດັ່ງກ່າວຍັງມີບົດບາດສຳຄັນໃນການພັດທະນາເສດຖະກິດ-ສັງຄົມ ແລະ ຮັກສາຄວາມດຸ່ນດ່ຽງຊີວະພາບຂອງເຂດໄຕງວຽນ ແລະ ນັບທັງຕອນກາງເຂດພາກກາງ ແລະ ຕອນໃຕ້ຂອງພາກຕາເວັນອອກ ອີກດ້ວຍ.

ສອງເຂດອະນຸລັກຮັກສາຊີວະນາໆພັນ ພູຈົ່ວ ແລະ ພູພຽງ ກອນຮ່ານຶ່ງ ຕ່າງກໍໄດ້ມີຈຸດທີ່ເປັນເອກະລັກສະເພາະພົ້ນເດັ່ນຫຼາຍຢ່າງ ກ່ຽວກັບຄຸນຄ່າວັດທະນະທຳທີ່ເປັນວັດຖຸ ແລະ ບໍ່ເປັນວັດຖຸຂອງພໍ່ແມ່ປະຊາຊົນບັນດາເຜົ່າສ່ວນໜ້ອຍ ທີ່ພວມດຳລົງຊີວິດຢູ່ທີ່ນີ້ອີກດ້ວຍ.

ໃນການໃຫ້ສຳພາດຕໍ່ນັກຂ່າວເນື່ອງໃນເຫດການນີ້, ທ່ານ ນາງ ເລຖີ້ໂຮ່ງເວິນ, ເອກອັກຄະລັດຖະທູດ - ຫົວໜ້າຜູ້ຕາງໜ້າຄະນະຜູ້ແທນຫວຽດນາມ ປະຈຳ UNESCO ໄດ້ຢືນຢັນວ່າ ນີ້ເປັນການຮັບຮອງຂອງສາກົນຕໍ່ກັບການພັດທະນາທີ່ເປັນເອກະລັກ ແລະ ຫຼາກຫຼາຍທາງດ້ານ ຄຸນຄ່າຂອງທຳມະຊາດ, ຊີວະວິທະຍາ, ສັດ ແລະ ພືດ, ຄຸນຄ່າທາງດ້ານວັດທະນະທໍາຂອງຊຸມຊົນຢູ່ໃນສອງເຂດອະນຸລັກຮັກສາຊີວະນາໆພັນຢູ່ຫວຽດນາມ; ບັນດາຄວາມມານະພະຍາຍາມຂອງທ້ອງຖິ່ນ ແລະ ປະຊາຊົນໃນການອະນຸລັກຊີວະນາໆພັນທີ່ຍືນຍົງ.

ເປັນອັນວ່າ ໃນໄລຍະແຕ່ປີ 2000 ຫາ 2020, ຫວຽດນາມ ມີທັງໝົດ 11 ແຫ່ງ ທີ່ໄດ້ຮັບການຮັບຮອງເປັນເຂດອະນຸລັກຮັກສາຊີວະນາໆພັນໂລກ, ກາຍເປັນປະເທດທີ່ມີຈຳນວນເຂດອະນຸລັກຮັກສາຊີວະນາໆພັນຫຼາຍອັນດັບ 2 ໃນພາກພື້ນ ອາຊີຕາເວັນອອກສ່ຽງໃຕ້, ຖັດຈາກ ອິນໂດເນເຊຍ.

ໄຊພອນ

ເຫດການ