ໂອມານ ມອບເງິນຊ່ວຍເຫຼືອປະຊາຊົນບາງແຂວງພາກກາງຫວຽດນາມ

ຕອນບ່າຍວັນທີ 23 ກັນຍາ, ທີ່ສໍານັກງານກະຊວງການຕ່າງປະເທດ, ທ່ານ ຟ້າມກວາງຮ້ຽວ ຮອງລັດຖະມົນຕີຕ່າງປະເທດຫວຽດນາມ ໄດ້ເປັນສັກຂີພິຍານພິທີມອບຮັບເງິນຊ່ວຍເຫຼືອຈຳນວນ 300.000 ໂດລາສະຫະລັດ ໂດຍທ່ານ Saleh Mohamed Ahmed Al Saqri ເອກອັກຄະລັດຖະທູດລາຊະອານາຈັກໂອມານ ປະຈໍາ ຫວຽດນາມ, ຕາງໜ້າລັດຖະບານ ແລະປະຊາຊົນແຫ່ງລາຊະອານາຈັກໂອມານ ມອບໃຫ້ຜູ້ຕາງໜ້າຄະນະກໍາມະການສູນກາງແນວໂຮມປະເທດຊາດຫວຽດນາມ ເພື່ອໜູນຊ່ວຍປະຊາຊົນບາງແຂວງພາກກາງຫວຽດນາມ ຖືກຮັບຜົນສະທ້ອນຈາກພາຍຸນໍ້າຖ້ວມໃນໄລຍະຜ່ານມາ.

	ການແລກປ່ຽນວັດທະນະທຳມິດຕະພາບ ເຊັກ-ຫວຽດນາມ ເນື່ອງໃນໂອກາດບຸນໄຫວ້ພະຈັນຢູ່ Ostrava
	ຫວຽດ​ນາມພົບລັດ​ເຊຍ​ໃນ​ຮອບ 1/8 futsal World Cup

ໂອມານ ມອບເງິນຊ່ວຍເຫຼືອປະຊາຊົນບາງແຂວງພາກກາງຫວຽດນາມ. ພາບ: ກະຊວງການຕ່າງປະເທດ

ກ່າວຄໍາເຫັນທີ່ພິທີ, ທ່ານ Saleh Mohamed Ahmed Al Saqri ຫວັງວ່າ ບ້ວງເງິນນີ້ຈະປະກອບສ່ວນຊ່ວຍປະຊາຊົນບັນດາແຂວງພາກກາງແກ້ໄຂຄວາມຫຍຸ້ງຍາກ ແລະເຮັດໃຫ້ຊີວິດການເປັນຢູ່ກັບຄືນສູ່ສະພາບປົກກະຕິໂດຍໄວ; ແລະຫວັງວ່ານໍ້າໃຈມິດຕະພາບ ແລະການຮ່ວມມືລະຫວ່າງໂອມານ ແລະຫວຽດນາມ ນັບມື້ນັບພັດທະນາ. ທ່ານ ຟ້າມກວາງຮ້ຽວ ເຊື່ອໝັ້ນວ່າ ການຊ່ວຍເຫຼືອທີ່ມີຄວາມໝາຍນີ້ຈະເຮັດໃຫ້ການພົວພັນອັນດີງາມລະຫວ່າງສອງປະເທດເລິກເຊິ່ງຂຶ້ນຕື່ມ.

la.qdnd.vn