| ທີມເທັນນິສ ຫວຽດນາມ ແຂ່ງຂັນຮອບ play-off ກຸ່ມ II Davis Cup ປີ 2022 | |
| ທີມຊາດຫວຽດນາມ ນອນໃນກຸ່ມທີມທີ່ດີອັນດັບ 1 ທີ່ AFF Cup 2020 |
 |
| ພາບປະກອບ: VFF |
ຕາມການແບ່ງສາຍຂອງ FIFA ແລ້ວ, ທິມຢຶນຢູ່ອັນດັບທີ 3 ຢູ່ບັນດາສາຍ A/C/D ຖ້າເຂົ້າຮອບ 1/8 ຂອງ futsal World Cup ຈະພົບກັບທິມຢູ່ອັນດັບທີ 1 ຂອງ ສາຍ B ແມ່ນ ທິມ ລັດເຊຍ. ໃນກໍລະນີທີ2 ແມ່ນທິມຢຶນຢູ່ອັນດັບທີ 3 ຢູ່ສາຍ C/D/E ຖ້າເຂົ້າຮອບ 1/8 ຂອງ futsal World Cup ຈະພົບກັບທິມຢູ່ອັນດັບທີ 1 ຂອງ ສາຍ A ແມ່ນ ທິມ ກາຊັກສະຖານ.
ພາຍຫຼັງນັດເຕະຂອງຫວຽດນາມ 2 ຊົ່ວໂມງ, ໄທກໍ່ຍາດຊະນະຕໍ່ ຊາໂລມົງ 9-4ປະຕູ. ທິມໄທບັນລຸໄດ້ 4 ຄະແນນຢູ່ສາຍ C ແລະ ກໍ່ລອດເຂົ້າຮອບ 1/8 ໃນຖານະແມ່ນ 1 ໃນ 4 ທິມຢຶນຢູ່ອັນດັບທີ 3 ທີ່ມີຜົນງານດີທີ່ສຸດ. ເຂົາເຈົ້າ ຍັງຢຶນຢູ່ອັນດັບສູງກ່ວາ ຫວຽດນາມ ຍ້ອນມີອັດຕາໄດ້ປະຕູເຂົ້າດີກ່ວາ ຫວຽດນາມ. ໄທ ຈະພົບກັບ ກາຊັກສະຖານໃນຮອບ 1/8, ສ່ວນຄູ່ແຂ່ງຫວຽດນາມ ແມ່ນລັດເຊຍ.
ລັດເຊຍໄດ້ເຂົ້າຮ່ວມ futsal World Cup 6 ຄັ້ງແລ້ວ. ຜົນງານດີທີ່ສຸດຂອງເຂົາເຈົ້າແມ່ນ ທິມຮອງຊະນະເລີດ ໃນປີ 2016, ພາຍຫຼັງເສຍ 4-5ປະຕູຕໍ່ ອັກຊັງຕິນ ໃນຮອບຊິງຊະນະເລີດ. ຢູ່ການແຂ່ງຂັນໃນປີ 2016, ລັດເຊຍ ໄດ້ລື່ນກາຍຫວຽດນາມ ຢູ່ຮອບຄັດເລືອກ 1/8 ດ້ວຍ 7 – 0.
ນັດເຕະລະຫວ່າງ ຫວຽດນາມ ແລະ ລັດເຊຍດຳເນີນໃນຕອນເວລາ 22 ໂມງ 30 ນາທີ ຂອງວັນທີ 22 ກັນຍາ (ຕາມເວລາ ຮ່າໂນ້ຍ.)
ບຸນຄົງ
