 |
| ອົງການ Design Capital Asia (DCA), ພະແນກການພົວພັນຕ່າງປະເທດ ແຂວງເທື່ອທຽນ - ເຫ້ວ ທີ່ພິທີມອບຮັບ |
ອົງການ Design Capital Asia (DCA) ໄດ້ສົມທົບກັບພະແນກການພົວພັນຕ່າງປະເທດ ເຫ້ວ ລົງຢ້ຽມຢາມ, ມອບຂອງຂວັນ ຜ້າອັດປາກດັງ KN95 1.800 ອັນ ແລະ ຊຸດປ້ອງກັນເຊື້ອ 1.000 ຊຸດ ໃຫ້ແກ່ສູນຄວບຄຸມພະຍາດແຂວງ ເພື່ອແຈກຢາຍໄປຍັງບັນດາກຳລັງສາທາລະນະສຸກທີ່ເຂົ້າຮ່ວມການປ້ອງກັນ, ຕ້ານໂລກລະບາດໃນບໍລິເວນ.
DCA ຈະສືບຕໍ່ຂົນຂວາຍບັນດານັກອຸປະຖຳເອົາໃຈໃສ່ຕໍ່ການໜູນຊ່ວຍໃຫ້ແກ່ຖັນແຖວພະນັກງານທ້ອງຖິ່ນຕື່ມອີກ ໂດຍຜ່ານສູນຄວບຄຸມພະຍາດແຂວງໃນໄລຍະຈະມາເຖິງ.
ສະມາຄົມ ໄວເດັກແຫ່ງຄວາມຫວັງ ໜູນຊ່ວຍເງິນເປັນຈຳນວນ 5.400 ເອິໂຣ ຜ່ານສະມາຄົມຄົນຕາບອດ ແຂວງ ເພື່ອປະຕິບັດໂຄງການ “ໜູນຊ່ວຍໃຫ້ແກ່ບັນດານ້ອງນ້ອຍຕາບອດທີ່ປະສົບກັບຄວາມຫຍຸ້ງຍາກ, ພວມດຳລົງຊີວິດຢູ່ສູນການສຶກສາ - ແນະນຳອາຊີບ ເດັກນ້ອຍ ຕາບອດແຂວງເທື່ອທຽນເຫ້ວ” ໃນປີ 2021. ເປົ້າໝາຍຂອງແຜນການລວມມີບັນດາການເຄື່ອນໄຫວ: ຊ່ວຍບັນດານ້ອງໆຕາບອດທີ່ປະສົບກັບຄວາມຫຍຸ້ງຍາກ ພວມດຳລົງຊີວິດຢູ່ສູນສຶກສາ - ແນະນຳອາຊີບ ໃຫ້ແກ່ເດັກນ້ອຍຕາບອດ ມີເງື່ອນໄຂໄດ້ຮັບການສຶກສາ, ການດຳລົງຊີວິດສ່ວນຕົວທີ່ນັບມື້ນັບດີຂຶ້ນ, ໜູນຊ່ວຍຈ່າຍເງິນເດືອນໃຫ້ແກ່ພະນັກງານແຕ່ງກິນ 1 ຄົນ ແລະ ປ້ອງກັນ 1 ຄົນ ຜ່ານນັ້ນ ກໍ່ປະກອບສ່ວນເຂົ້າໃນວຽກງານຊ່ວຍເຫຼືອເດັກນ້ອຍຕາບອດໃນການດຳລົງຊີວິດປະຈຳວັນຢ່າງມີປະສິດທິຜົນ.
ອົງການ AVI ໜູນຊ່ວຍເງິນເປັນຈຳນວນ 242.000.000 ດົ່ງຜ່ານກອງທຶນ ບັນດາຫົວໃຈເຫ້ວ ເພື່ອແນໃສ່ຍົກສູງຄວາມຮູ້ໃນການລ້ຽງໄກ່ ໃຫ້ແກ່ປະຊາຊົນ, ເປັນຕົ້ນແມ່ນວິທີການຮັບມືກັບບັນດາກໍລະນີເມື່ອມີການປ່ຽນແປງຂອງດິນຟ້າອາກາດ, ຈຳກັດຜົນເສຍຫາຍກ່ຽວກັບໄກ່ແນວພັນ, ປະຕິບັດສຳເລັດພື້ນຖານວັດຖຸຄອກລ້ຽງ, ຄ່ອຍໆເຂົ້າຕາມບັນດາຮູບແບບລ້ຽງໄກ່ຕາມມາດຕະຖານ, ບັນລຸຄຸນນະພາບ, ປະສິດທິຜົນ, ເພີ່ມລາຍຮັບ, ສ້າງວຽກເຮັດງານທຳແບບຍືນຍົງ, ປະກອບສ່ວນເຂົ້າໃນການພັດທະນາເສດຖະກິດຄອບຄົວ.
ສະຖານທີ່ປະຕິບັດໂຄງການແມ່ນ ຕາແສງເຮືອງວັນ, ເທດສະບານ ເຮືອງຈ່າ ແຂວງ ເທື່ອທຽນ - ເຫ້ວ.
ບຸນຄົງ
