 |
| ພາບປະກອບ |
ຕອນເຊົ້າວັນທີ 24 ສິງຫາ, ທ່ານນາງ ຫງວຽນລານເຮືອງ, ກຳມະການຄະນະປະຈຳຄະນະພັກນະຄອນ, ປະທານແນວໂຮມປະເທດຊາດ ຫວຽດນາມ ນະຄອນຮ່າໂນ້ຍ, ປະທານສະຫະພັນບັນດາອົງການຈັດຕັ້ງມິດຕະພາບນະຄອນຮ່າໂນ້ຍ ໄດ້ເປັນປະທານພິທີມອບຮັບການສະໜັບສະໜູນ ແລະ ມອບຮັບອຸປະກອນການແພດ ເພື່ອຮັບໃຊ້ໃຫ້ແກ່ວຽກງານປ້ອງກັນ, ຕ້ານໂລກລະບາດໂຄວິດ - 19.
ຄະນະກຳມະການແນວໂຮມປະເທດຊາດ ຫວຽດນາມ ນະຄອນຮ່າໂນ້ຍໄດ້ມອບເຄື່ອງຊ່ວຍຫາຍໃຈ 50 ຊຸດ ໃຫ້ແກ່ໂຮງໝໍມະຫາວິທະຍາໄລແພດສາດ ຮ່າໂນ້ຍ, ຊຸດກວດຫາເຊື້ອໄວຣັດ Sars-Cov-2 550.000 ຊຸດ, ເຄື່ອງເຄື່ອງນຸ່ງປ້ອງກັນໄວຣັດ 6000 ຊຸດໃຫ້ແກ່ພະແນກສາທາລະນະສຸກ ຮ່າໂນ້ຍ.
ກ່າວຄຳເຫັນທີພິທີມອບຮັບ, ທ່ານນາງ ຫງວຽນລານເຮືອງ ໄດ້ສະແດງຄວາມຂອບອົກຂອບໃຈຢ່າງສູງຕໍ່ການສະໜັບສະໜູນ, ປະກອບສ່ວນຂອງບັນດາອົງການ, ອົງການຈັດຕັ້ງ, ສ່ວນບຸກຄົນ ໃຫ້ແກ່ວຽກງານປ້ອງກັນ, ຕ້ານໂລກລະບາດໂຄວິດ - 19 ໃນບໍລິເວນ. ພ້ອມທັງໃຫ້ຮູ້ວ່າ ໃນໄລຍະຜ່ານມານະຄອນໄດ້ປະຕິບັດຫຼາຍມາດຕະການທີ່ຖືກຕ້ອງເພື່ອຄວບຄຸມໂລກລະບາດໂຄວິດ - 19 ແລະ ເບີ່ງແຍງດູແລຊີວິການເປັນຢູ່ຂອງປະຊາຊົນ ໃນບໍລິເວນເພື່ອເປົ້າໝາຍ “ຄວາມປອດໄພ, ຄວາມໝັ້ນຄົງ, ການຮັບປະກັນຊີວິດສັງຄົມ ແລະ ປະຊາຊົນມີຄວາມສະຫງົບສຸກ”.
ຕາມທ່ານນາງ ຫງວຽນລານເຮືອງແລ້ວ, ເຖິງວ່າບັນດາອົງການ, ວິສາຫະກິດ, ປະຊາຊົນກໍ່ຖືກຜົນສະທ້ອນຢ່າງໜັກໜ່ວງຍ້ອນໂລກລະບາດໂຄວິດ - 19 ແຕ່ຍັງສະຫງວນຄວາມເອົາໃຈໃສ່ຕໍ່ວຽກງານປ້ອງກັນ, ຕ້ານໂລກລະໂຄວິດ - 19 ໃນບໍລິເວນນະຄອນ, ຜ່ານນັ້ນ ກໍ່ໄດ້ປະກອບສ່ວນທັງວັດຖຸ, ຂໍ້ລິເລີ່ມ, ແນວຄິດທີ່ມີປະໂຫຍດໃຫ້ແກ່ວຽກງານປ້ອງກັນ, ຕ້ານໂລກລະບາດໂຄວິດ - 19 ຮັບປະກັນຊີວິດສັງຄົມ. ຮ່າໂນ້ຍ ມີຄວາມຫວັງວ່າບັນດາອົງການ, ວິສາຫະກິດ, ນັກໃຈບູນໃຈກຸສົນຈະສືບຕໍ່ຮ່ວມເດີນທາງ ກັບແນວໂຮມປະເທດຊາດ ນະຄອນ ແລະ ແນວໂຮມບັນດາເມືອງ, ເທດສະບານ, ຮ່ວມເດີນທາງພ້ອມກັບອົງຄະນະພັກ, ອຳນາດການປົກຄອງ ແລະ ປະຊາຊົນນະຄອນປະຕິບັດເປົ້າໝາຍຄວບຄຸມ ແລະ ຍູ້ໂລກລະບາດໂຄວິດ - 19 ໃຫ້ຖອຍໄປ, ນຳຊີວິດການເປັນຢູ່ກັບຄືນສູ່ສະພາບການທີ່ເປັນປົກກະຕິໃໝ່.
ແລະກໍ່ໃນຕອນເຊົ້າວັນທີ 24 ສິງຫາ, ຄະນະກຳມະການແນວໂຮມປະເທດຊາດ ຫວຽດນາມ ນະຄອນໂຮ່ຈີມິນ ໄດ້ສົມທົບກັບຄະນະກຳມະການແນວໂຮມປະເທດຊາດ ເມືອງ ຮ່ວານກຽມ ຈັດຕັ້ງ “ຕະຫຼາດ 0 ດົງ” ເພື່ອໜູນຊ່ວຍໃຫ້ແກ່ 300 ຄອບຄົວທີ່ປະສົບກັບຄວາມຫຍຸ້ງຍາກໃນບໍລິເວນເມືອງ.
| ໂດຍຕອບສະໜອງຄຳຮຽກຮ້ອງຮ່ວມແຮງຮ່ວມໃຈປ້ອງກັນ, ຕ້ານໂລກລະບາດໂຄວິດ - 19 ຂອງຄະນະກຳມະການແນວໂຮມປະເທດຊາດ ຫວຽດນາມ ນະຄອນຮ່າໂນ້ຍ ແລະ ສະຫະພັນມິດຕະພາບ ນະຄອນຮ່າໂນ້ຍ, ພະແນກກະສິກຳ ແລະ ພັດທະນາຊົນນະບົດ ແຂວງຮຶງອຽນ ໄດ້ສະໜັບສະໜູນ ຜະລິດຕະພັນກະເສດ 5 ໂຕນ, ອົງການຈັດຕັ້ງ Samaritan’s Purse International Relief ສະໜັບສະໜູນ ເຄື່ອງຂອງທີ່ຈຳເປັນ 250 ຊຸດ, ຄອບຄົວທ່ານ ເຈິ່ນດັ່ງຄວາ, ຊາວຫວຽດນາມ ອາໄສຢູ່ເຢຍລະມັນ ສະໜັບສະໜູນຊຸດກວດກາຫາເຊື້ອ Sars-Cov-2 550.000 ຊຸດ ແລະ ສະຖານທູດ ກາຕາ ປະຈຳ ຫວຽດນາມ ສະໜັບສະໜູນກອງທຶນປ້ອງກັນ, ຕ້ານໂລກລະບາດໂຄວິດ - 19 ຂອງນະຄອນ 100.000.000 ດົ່ງ… |
ບຸນຄົງ
