 | ປຶກສາຫາລືການເມືອງຫວຽດນາມ - ສິງກະໂປ ຄັ້ງທີ 16 |
| ກອງປະຊຸມປຶກສາຫາລືການຮ່ວມມືດ້ານປ້ອງກັນຊາດ ຫວຽດນາມ-ອົດສະຕາລີ ຄັ້ງທີ 16 |
ຕາມຂໍ້ສະເໜີຂອງຄະນະກຳມະການປະຊາຊົນນະຄອນເຫວ້, ເຈົ້າຂອງເຮືອປະມົງທີ່ດຳເນີນການຖອນອອກຈາກການໃຊ້ງານຈະໄດ້ຮັບການສະໜັບສະໜູນ: 19,07 ລ້ານດົງ/ຕັນ ສ່ວນຕົວເຮືອ, ສູງສຸດບໍ່ເກີນ 60 ລ້ານດົງ/ເຮືອ; ເຄື່ອງຈັກຫຼັກທີ່ມີໃບກວດສອບທາງເຕັກນິກ ໄດ້ຮັບການສະໜັບສະໜູນ 845 ພັນດົງ/CV, ສູງສຸດບໍ່ເກີນ 60 ລ້ານດົງ/ເຮືອ; ເຄື່ອງຈັກທີ່ບໍ່ມີໃບກວດສອບ ໄດ້ຮັບການສະໜັບສະໜູນ 591,5 ພັນດົງ/CV, ສູງສຸດບໍ່ເກີນ 40 ລ້ານດົງ/ເຮືອ. ນອກຈາກນັ້ນ, ສະມາຊິກໃນຄອບຄົວເຈົ້າຂອງເຮືອທີ່ຢູ່ນອກໄວແຮງງານ ຈະໄດ້ຮັບການສະໜັບສະໜູນ 1,8 ລ້ານດົງ/ຄົນ ເພື່ອຊ່ວຍປັບຊີວິດຄວາມເປັນຢູ່; ຄ່າໃຊ້ຈ່າຍໃນການຮືຖອນເຮືອ ໄດ້ຮັບການສະໜັບສະໜູນ 10 ລ້ານດົງ/ເຮືອ…
 |
| ກຳລັງເຈົ້າໜ້າທີ່ປະສານງານໂຄສະນາ, ປ້ອງກັນ, ຕ້ານການຫາປາ IUU. (ຮູບ: huengaynay.vn) |
ງົບປະມານລວມທີ່ຄາດວ່າຈະຈັດສັນມີປະມານ 16 ຕື້ດົງ, ປະກອບດ້ວຍ: 3,9 ຕື້ດົງ ສະໜັບສະໜູນສ່ວນໂຄງຮ່າງເຮືອ; 4,4 ຕື້ດົງ ສະໜັບສະໜູນເຄື່ອງຈັກ; 0,9 ຕື້ດົງ ສະໜັບສະໜູນດ້ານຊີວິດຄວາມເປັນຢູ່; 6,8 ຕື້ດົງ ສະໜັບສະໜູນການຝຶກອົບຮົມວິຊາຊີບໃຫ້ແກ່ລູກເຮືອ. ໃນແຕ່ລະປີ, ຈະມີປະມານ 20–30 ເຮືອປະມົງ ແລະ 50–70 ລູກເຮືອ ໄດ້ຮັບການສະໜັບສະໜູນ, ໂດຍໃຊ້ງົບປະມານປະມານ 3,2 ຕື້ດົງ/ປີ.
ຄະນະເສດຖະກິດ – ງົບປະມານ ຂອງສະພາປະຊາຊົນເມືອງ ເຫວ້ ເຫັນວ່າ, ການອອກນະໂຍບາຍນີ້ເປັນສິ່ງຈໍາເປັນ ເໝາະສົມກັບກົດໝາຍ, ສະພາບຄວາມເປັນຈິງຂອງທ້ອງຖິ່ນ. ບັນດານະໂຍບາຍຊ່ວຍໃຫ້ເຈົ້າຂອງເຮືອກ້າຕັດສິນໃຈລົບອອກພາຫະນະທີ່ບໍ່ຍັງເໝາະສົມ, ປ່ຽນອາຊີບຢ່າງຍືນຍົງ, ຮັບປະກັນຊີວິດຄວາມເປັນຢູ່ລະຍະຍາວໃຫ້ປະຊາຊົນ. ລະດັບງົບປະມານທີ່ຄາດໄວ້ຖືກປະເມີນວ່າເໝາະສົມ ແລະ ສາມາດດໍາເນີນໄດ້ໃນເງື່ອນໄຂງົບປະມານຂອງເມືອງ.
ຕາມໜັງສືພິມ ແລະ ສື່ກະຈາຍສຽງ, ໂທລະພາບນະຄອນ ເຫວ້, ປັດຈຸບັນໃນເຂດເມືອງເຫວ້ມີ 103 ລຳເຮືອປະມົງ ທີ່ບໍ່ຕອບສະໜອງເງື່ອນໄຂການອອກທະເລຕາມຂໍ້ກຳນົດ, ປະກອບມີ 59 ເຮືອ “3 ບໍ່” (ບໍ່ລົງທະບຽນ, ບໍ່ກວດກາເຮືອ, ບໍ່ມີໃບອະນຸຍາດ) ແລະ 44 ເຮືອທີ່ບໍ່ພ້ອມເງື່ອນໄຂການກວດກາເພື່ອອອກໃບອະນຸຍາດຫາປາ. ເຮືອເຫຼົ່ານີ້ເປັນພາຫະນະທີ່ດຳເນີນກິດຈະກຳແບບອິດສະຫຼະ, ມີຄວາມສ່ຽງສູງ ແລະ ສ້າງຄວາມຫຍຸ້ງຍາກໃຫ້ແກ່ການປ້ອງກັນ ແລະຈັດການການລະເມີດການຫາປາຜິດກົດໝາຍ, ບໍ່ລາຍງານ ແລະ ບໍ່ຕາມຂໍ້ກຳນົດ (IUU). ຢ່າງໃດກໍຕາມ, ເຮືອເຫຼົ່ານີ້ກໍເປັນແຫຼ່ງຫາລາຍໄດ້ຫຼັກຂອງກວ່າ 290 ຊາວປະມົງ, ດັ່ງນັ້ນການຍົກເລີກເຮືອຈຳເປັນຕ້ອງມີແຜນການທີ່ເໝາະສົມເພື່ອຮັບປະກັນຊີວິດຄວາມເປັນຢູ່ຂອງປະຊາຊົນ.
 | 16 ຜົນງານ ຍາດໄດ້ລາງວັນການປະກວດຮູບພາບສິລະປະ “ປະເທດຊາດເບິ່ງຈາກທະເລ” ຍສໝ - ຫວ່າງແລ້ວນີ້, ສຳນັກພິມຈຳໜ່າຍການເມືອງແຫ່ງຊາດ ສຶເທິດ ໄດ້ສົມທົບກັບສະຖາບັນສື່ສານ ແລະ ພັດທະນາກຳລັງຄົນ, ວາລະສານຊ່າງພາບ ແລະ ຊີວິດ ໄດ້ຈັດພິທີສະຫຼຸບ ແລະ ມອບລາງວັນການປະກວດຮູບພາບສິລະປະ ດ້ວຍຫົວຂໍ້ວ່າ “ປະເທດຊາດເບິ່ງຈາກທະເລ”. |
 | ຫວຽດນາມ ໄດ້ຈັດເຂົ້າໃນກຸ່ມ 16 ປະເທດມີພື້ນຖານເສດຖະກິດພົ້ນເດັ່ນທີ່ສຸດ ຍສໝ - ອີງຕາມປະສິດທິພາບພື້ນຖານເສດຖະກິດຂອງ 97 ປະເທດຕັ້ງແຕ່ປີ 2000, ທະນາຄານໂລກ ໄດ້ກ່າວວ່າ ກຸ່ມບັນດາປະເທດທີ່ປະສົບຜົນສຳເລັດຫຼາຍທີ່ສຸດ ແລະ ພັດທະນາຢ່າງໂດດເດັ່ນໃນປະຈຸບັນ ປະກອບມີ 16 ປະເທດ, ໃນນັ້ນມີອິນເດຍ ແລະ ຫວຽດນາມ. |
ແທັງຮັ່ງ
