 |
| ວັກຊິນກັນໂຄວິດ - 19 |
ຕາມແຈ້ງການຈາກສະມາຄົມຕ່ຳແຜ່ນຕັດຫຍິບ ຫວຽດນາມ ແລ້ວ, ໃນຈົດໝາຍສົ່ງໄປຍັງ ທ່ານປະທານາທິບໍດີ Joe Biden ຫວ່າງມໍ່ໆມານີ້, CEO ບັນດາບໍລິສັດແຖວໜ້າຂອງ ອາເມລິກາຄື: Adidas, Coach, Gap, Hanebrands, Nike, VF, Under Amour... ໄດ້ເນັ້ນໜັ້ກວ່າ ຫວຽດນາມ ແມ່ນຄູ່ຮ່ວມມືເສດຖະກິດ ແລະ ລະບົບສະໜອງສຳຄັນຂອງ ອາເມລິກາ, ເພາະສະນັ້ນ, ຖ້າຫາກວ່າຟື້ນຟູບັນດາຂະແໜງຜະລິດອຸດສາຫະກຳຈຸດສຸມຂອງ ຫວຽດນາມ ໂດຍໄວ, ຜ່ານໂຄງການສະໜອງວັກຊິນ, ຈະເຮັດໃຫ້ຫຼຸດຜ່ອນບັນດາຜົນສະທ້ອນ ທີ່ພວມກະທົບໂດຍກົງຕໍ່ຄວາມສ່ຽງທຳລາຍລະບົບສະໜອງຢູ່ບັນດາຂົງເຂດ, ຂະແໜງການທີ່ກ່ຽວຂ້ອງເຖິງການຕະຫຼາດ ແລະ ວິສາຫະກິດ ອາເມລິກາ.
ວັນທີ 10 ສິງຫາ, ຜູ້ຕາງໜ້າ Vitas ແລະ ສະມາຄົມເກີບ, ກະເປົາໜັງ ຫວຽດນາມ ໄດ້ຈັດກອງປະຊຸມພ້ອມກັບ CEO ຂອງບໍລິສັດສິນຄ້າ ອາເມລິກາ ເພື່ອປຶກສາຫາລືກ່ຽວກັບວິທີການຂົນຂວາຍວັກຊິນ ແລະ ບັນດາມາດຕະການຟື້ນຟູໃຫ້ແກ່ການຜະລິດຂອງບັນດາໂຮງຈັກໂຮງງານຜ່ານເທື່ອລະກ້າວ. Vitas ມີຄວາມຫວັງວ່າ ໃນກອງປະຊຸມຂັ້ນສູງລະຫວ່າງ ທ່ານນາງຮອງປະທານາທິບໍດີ ອາເມລິກາ Kamala Haris ແລະ ການນຳລັດຖະບານ ຫວຽດນາມ ໃນທ້າຍເດືອນສິງຫາ ຈະປຶກສາຫາລືຢ່າງລະອຽດກ່ຽວກັບວິທີການຮັກສາ ລະບົບສະໜອງ ຫວຽດນາມ ແລະ ອາເມລິກາ. ບົນພື້ນຖານນີ້, ບັນດາການກະທຳ ປົກປັກຮັກສາລະບົບສະໜອງລະຫວ່າງ ສອງປະເທດຈະໄດ້ປະຕິບັດທັນທີໃນ ເດືອນກັນຍາ ນີ້.
ບຸນຄົງ
