| ທ່ານປະທານປະເທດ ຫງວຽນຊວັນຟຸກ ຕ້ອນຮັບຜູ້ປະສານງານສະຫະປະຊາຊາດປະຈຳຫວຽດນາມ | |
| ຫວຽດນາມ ສືບຕໍ່ນອນໃນ 10 ສະຖານທີ່ເປັນມິດທີ່ສຸດໃນໂລກ 2021 |
 |
| ມອບຂອງຂວັນໜູນຊ່ວຍໃຫ້ແກ່ຄູສອນເມືອງຢາເລິມ ທີ່ຖືກຜົນກະທົບຈາກໂລກລະບາດໂຄວິດ - 19 (ພາບ: TTXVN) |
ເພື່ອແນໃສ່ໜູນຊ່ວຍປະຊາຊົນທີ່ປະສົບກັບຄວາມຫຍຸ້ງຍາກທີ່ຖືກຜົນກະທົບຈາກໂລກລະບາດໂຄວິດ - 19 ແລະ ກຳລັງປ້ອງກັນ, ຕ້ານໂລກລະບາດໂຄວິດ - 19 ໃນແນວໜ້າ, ສູນກາງສະພາກາແດງ ຫວຽດນາມ ໄດ້ຜັນຂະຫຍາຍຍຸດທະສາດ “ເຊື່ອມຕໍ່ປະຊາຄົມ - ຜ່ານຜ່າສິ່ງທ້າທາຍ” ຊື່ງໄດ້ປະຕິບັດແຕ່ເດືອນສິງຫາ ຫາເດືອນພະຈິກ ປີ 2021.
ຍຸດທະສາດດັ່ງກ່າວສຸມໃສ່ 3 ການເຄື່ອນໄຫວຕົ້ນຕໍແມ່ນ: ໜູນຊ່ວຍ “ເຄື່ອງຂອງໃຫ້ແກ່ຄອບຄົວ ກາແດງ” ຢູ່ 20 ແຂວງ, ນະຄອນ; ໜູນຊ່ວຍຄາບເຂົ້າໃຫ້ຜູ້ຕິດເຊື້ອພະຍາດໂຄວິດ - 19 ທີ່ປະສົບກັບຄວາມຫຍຸ້ງຍາກ ພວມໄດ້ຮັບການປິ່ນປົວຢູ່ບັນດາໂຮງໝໍຢູ່ຮ່າໂນ້ຍ, ໜູນຊ່ວຍເງິນສົດໃຫ້ແກ່ຜູ້ອອກແຮງງານຕ່າງແຂວງ ທີ່ບໍ່ມີວຽກເຮັດງານທຳ ເຊິ່ງປະສົບກັບຄວາມຫຍຸ້ງຍາກ ປັດຈຸບັນພວມພັກເຊົ່າ ຢູ່ນະຄອນໂຮ່ຈີມິນ ແລະ ຮ່າໂນ້ຍ.
ເປົ້າໝາຍໄດ້ຮັບຜົນປະໂຫຍດຂອງຍຸດທະສາດ ແມ່ນຜູ້ຕິດເຊື້ອຕິດພະຍາດອັນຕະລາຍ, ເດັກນ້ອຍກຳພາ, ຜູ້ມີອາຍຸສູງບໍ່ມີບ່ອນພັກພາອາໄສ, ຜູ້ບໍ່ມີເຮືອນຊານບ້ານຊ່ອງ, ແຮງງານຕ່າງແຂວງບໍ່ມີວຽກເຮັດງານທຳ, ປະສົບກັບຄວາມຫຍຸ້ງຍາກ, ປັດຈຸບັນພວມພັກເຊົ່າຢູ່ຮ່າໂນ້ຍ ແລະ ນະຄອນໂຮ່ຈີມິນ, ຄອບຄົວທີ່ປະສົບກັບຄວາມຫຍຸ້ງຍາກ, ຄອບຄົວມີຜູ້ເສຍຊີວິດຍ້ອນໂລກລະບາດໂຄວິດ - 19 ຫຼືຍັງບໍ່ທັນໄດ້ຮັບການໜູນຊ່ວຍຈາກບັນດາແຫຼ່ງຕ່າງໆ.
vov.world.vn
