| ນະຄອນໂຮ່ຈີມິນ ຈັດຕັ້ງການສັກວັກຊິນກັນໂຄວິດ - 19 ໂດຍບໍ່ເສຍຄ່າ, ຕາມຄວາມມຸ່ງມາດປາດຖະໜາຂອງປະຊາຊົນ | |
| ອາເມລິກາ ຖືເປັນສຳຄັນການພົວພັນຄູ່ຮ່ວມມືຍຸດທະສາດກັບອາຊຽນ |
 |
| ພາບປະກອບ: TTXVN |
ວັນທີ 3 ສິງຫາ ໄດ້ດຳເນີນກອງປະຊຸມທາງໄປ “ແກ້ໄຂຜົນຮ້າຍທີ່ຕາມມາຂອງສົງຄາມ, ພ້ອມກັນກ້າວໄປທາງໜ້າ” ໂດຍສະຖາບັນສັນຕິພາບ ອາເມລິກາ ຈັດຕັ້ງຂຶ້ນ.
ກອງປະຊຸມສຳມະນາແມ່ນການເຄື່ອນໄຫວທີ່ແທດຈິງ ເພື່ອແນໃສ່ສະເຫຼີມສະຫຼອງ 26 ປີແຫ່ງວັນຫັນການພົວພັນລະຫວ່າງ ຫວຽດນາມ - ອາເມລິກາ ເປັນປົກກະຕິ (12 ກໍລະກົດ 1995 – 12 ກໍລະກົດ 2021), ເຊິ່ງໄດ້ດຳເນີນພາຍຫຼັງການນຳກະຊວງປ້ອງກັນປະເທດ ສອງປະເທດຫາກໍລົງນາມໃນບົດບັນທຶກຊ່ວຍຈຳ (MoU) ກ່ຽວກັບການຮ່ວມມືຄົ້ນຫາ, ທ້ອນໂຮມ ແລະ ຢັ້ງຢືນຊື່ນາມສະກຸນຂອງອັດຖິທະຫານ ຫວຽດນາມ ໃນຂອບເຂດການຢ້ຽມຢາມ ຫວຽດນາມ ຂອງທ່ານລັດຖະມົນຕີກະຊວງປ້ອງກັນປະເທດ ອາເມິລກາ Lloyd Austin ( 28 – 29 ກໍລະກົດ 2021).
ເປີດສາກກອງປະຊຸມສຳມະນາແມ່ນພິທີເປີດສະຫຼອງ ໂຄງການແກ້ໄຂຜົນຮ້າຍທີ່ຕາມມາຂອງສົງຄາມ ແລະ ຊອກຫາທະຫານ ຫວຽດນາມ ທີ່ຫາຍສາບສູນໃນສົງຄາມ (VMIA) ໂດຍ USIP ປຸກລະດົມ.
ທ່ານສະມາຊິກສະພາສູງ Patrick Leahy ຢັ້ງຢືນວ່າ ໂຄງການໄດ້ສະແດງໃຫ້ເຫັນຄວາມປາດຖະໜາຂອງ ອາເມລິກາ ໃນການຕອບຄືນເຈດຈະນາດີຂອງລັດຖະບານ ແລະ ປະຊາຊົນ ຫວຽດນາມ ໃນການໜູນຊ່ວຍ ອາເມລິກາ ຄົ້ນຫານາຍທະຫານທີ່ຫາຍສາບສູນໃນໄລຍະ 40 ປີທີ່ຜ່ານມາ.
ທ່ານພົນໂທ ຮ່ວາງຊັວນຈຽນ ຮອງລັດຖະມົນຕີກະຊວງປ້ອງກັນປະເທດ ຫວຽດນາມ ໄດ້ສະເໜີຝ່າຍ ອາເມລິກາ ຢັ້ງຢືນຄຳໝັ້ນສັນຍາຄືນໃໝ່ ແລະ ສືບຕໍ່ຮ່ວມມືກັບ ຫວຽດນາມ ຢ່າງແໜ້ນແຟ້ນ, ມີປະສິດທິຜົນ ໃນວຽກງານຄົ້ນຫາ, ທຳລາຍລູກລະເບີດ, ແກ້ໄຂຜົນຮ້າຍທີ່ຕາມມາຂອງທາດພິດເຄມີ ດີໂອຊິນ, ໃນນັ້ນ ທຳອິດແມ່ນລະດົມກຳລັງເພື່ອຍູ້ໄວຄວາມຄືບໜ້າໃນການແກ້ໄຂ, ລ້າງທາດພິດຢູ່ສະໜາມບິນ ບຽນຮ່ວາ.
ທ່ານເອກອັກຄະລັດຖະທູດ ຫວຽດນາມ ປະຈຳ ອາເມລິກາ ຮ່າກິມງອກ ມີຄວາມປາດຖະໜາກວ່າ ລັດຖະບານ, ສະພາແຫ່ງຊາດ ອາເມລິກາ, ບັນດາອົງການຈັດຕັ້ງນັກຮົບເກົາ, ໜັງສືພິມ ແລະ ຊາວອາເມລິກາ ຈະສືບຕໍ່ໃຫ້ຄວາມໃສ່ໃຈ, ສະໜັບສະໜູນ ແລະ ຮ່ວມມືກັນແກ້ໄຂບັນດາຜົນຮ້າຍທີ່ຕາມມາຂອງສົງຄາມຢູ່ ຫວຽດນາມ ເວົ້າລວມ ແລະ ຊອກຫາທະຫານ ຫວຽດນາມ ທີ່ຫາຍສາບສູນໃນສົງຄາມເວົ້າສະເພາະ.
ບຸນຄົງ
