| ລັດຖະມົນຕີ ການຕ່າງປະເທດ ຫວຽດນາມ ບຸ່ຍແທັງເຊີນ ເຂົ້າຮ່ວມກອງປະຊຸມລັດຖະມົນຕີການຕ່າງປະເທດ ອາຊຽນ - ອິນເດຍ ແບບທາງໄກ | |
| ຫວຽດນາມພັດທະນາການທ່ອງທ່ຽວສອດຄ່ອງກັບການເຕີບໂຕສີຂຽວ ແລະສິ່ງແວດລ້ອມ |
 |
| ສັກວັກຊິນກັນໂຄວິດ - 19 ໃຫ້ແກ່ປະຊາຊົນ (ພາບ: TTXVN) |
ນະໂຍບາຍຂອງລັດແມ່ນສັກວັກຊິນໂດຍບໍ່ເສຍຄ່າດ້ວຍຄວາມສະໝັກໃຈໃຫ້ແກ່ປະຊາຊົນ. ບັນດາຊະນິດວັກຊິນທີ່ໄດ້ຮັບການສັກຕ້ອງມີ 2 ເງື່ອນໄຂຢ່າງຄົບຖ້ວນນັ້ນແມ່ນ ໄດ້ອົງການອະນາໄມໂລກ (WHO) ອອກໃບອະນຸຍາດການນຳໃຊ້ໂດຍດ່ວນ ແລະ ຫວຽດນາມ ອອກໃບອະນຸຍາດການນຳໃຊ້ໂດຍດ່ວນ.
ມາຮອດປັດຈຸບັນ ມີວັກຊິນ 4 ຊະນິດໄດ້ຮັບການສັກຢູ່ນະຄອນໂຮ່ຈີມິນ ນັ້ນແມ່ນ: AstraZeneca, Moderna, Pfizer và Sinopharm, ໃນນັ້ນ ວັກຊິນ Sinopharm, WHO ໄດ້ອອກໃບອະນຸຍາດການນຳໃຊ້ໂດຍດ່ວນ ແຕ່ວັນທີ 7 ພຶດສະພາ 2021 ແລະ ຫວຽດນາມ ອອກໃບອະນຸຍາດການນຳໃຊ້ໂດຍດ່ວນ ແຕ່ວັນທີ 3 ມິຖຸນາ 2021.
ໄລ່ຮອດເວລາ 8 ໂມງ 30 ນາທີ ຂອງວັນທີ 2 ສິງຫາ, ນະຄອນໂຮ່ຈີມິນ ໄດ້ສັກວັກຊິນກັນໂຄວິດ - 19 920.329 ໂດສ, ປະຕິບັດສຳເລັດບັ້ນສັກວັກຊິນທີ 5 ດ້ວຍເປົ້າໝາຍເກືອບ 930.000 ໂດສໃນເວລາ 10 ວັນ (ນັບແຕ່ວັນທີ 22 ກໍລະກົດ) ໂດຍພື້ນຖານ. ບັ້ນທີ 5 ມີຜູ້ມີອາການຂ້າງຄຽງຫຼັງການສັກ 1.039 ຄົນ, ສ່ວນຫຼາຍມີອາການບໍ່ໜັກ ແລະ ໄດ້ຮັບການປິ່ນປົວຫາຍດີເປັນປົກກະຕິແລ້ວ, ບໍ່ມີກໍລະນີໃດສົ່ງຜົນກະທົບຕໍ່ສຸຂະພາບ.
ຕາມກອງປະຊຸມໃນວັນທີ 3 ສິງຫາ, ໂດຍສະໜອງຂໍ້ມູນກ່ຽວກັບການປ້ອງກັນ, ຕ້ານໂລກລະບາດໂຄວິດ - 19 ໃນບໍລິເວນນະຄອນ, ທ່ານ ເຢືອງແອັງດຶກ ໃຫ້ຮູ້ວ່າ: ບັ້ນສັກວັກຊິນທີ 6 ຢູ່ນະຄອນໂຮ່ຈີມິນ ຄາດວ່າຈະດຳເນີນຮອດໝົດເດືອນສິງຫາ, ດ້ວຍການໜູນຊ່ວຍຈາກລັດຖະບານ. ຖ້າສະໜອງວັກຊິນຢ່າງພຽງພໍ ແລະ ຖືກຕ້ອງຕາມຄວາມຄືບໜ້າຄືດັ່ງທີ່ສະເໜີ, ນະຄອນຈະພະຍາຍາມບັນລຸໄດ້ເປົ້າໝາຍບັນດາຄົນທີ່ມີອາຍຸ 18 ປີຂຶ້ນໄປ ຈະໄດ້ຮັບການສັກວັກຊິນໂດຍພື້ນຖານ
ນະຄອນໂຮ່ຈີມິນໄດ້ມີເອກະສານສະເໜີລັດຖະບານ, ກະຊວງສາທາລະນະສຸກສະໜອງວັກຊິນໃຫ້ນະຄອນປະມານ 5 – 5,5 ລ້ານໂດສ ໃນເດືອນສິງຫາ. ນະຄອນມີກຸ່ມສັກວັກຊິນ 1.200 ກຸ່ມ ແລະ ດ້ວຍຂອບຂະໜາດຄືປັດຈຸບັນ, ສະມັດຕະພາບທີ່ບັນລຸໄດ້ແມ່ນ 250 ຄົນ/ກຸ່ມ/ວັນ. ດັ່ງນັ້ນ, ບັນດາກຸ່ມສັກວັກຊິນຂອງນະຄອນ ຈະບັນລຸໄດ້ 300.000 ເຂັມ/ວັນ. ນອກຈາກນັ້ນ, ທາງນະຄອນຍັງມີບັນດາແຫຼ່ງກຳລັງຕ່າງໆກຽມພ້ອມເພື່ອໜູນຊ່ວຍ, ຖ້າຫາກໄດ້ຮັບການຈັດແບ່ງແຫຼ່ງວັກຊິນຫຼາຍກ່ວານີ້ອີກ, ນະຄອນຈະສາມາດຍູ້ແຮງຄວາມຄືບໜ້າໃນການສັກວັກຊິນຂຶ້ນເຖິງ 350.00 ເຂັມ/ວັນ.
ບຸນຄົງ
